Wikimedia-eo

wikimedia-eo@lists.wikimedia.org

1 participants
306 discussions

Pripensata dato por Ĝenerala asembleo 2021-1
by Michal Matúšov 28 Sep '21

28 Sep '21

Saluton. Baldaŭ devas okazi Kunsido de la Ĝenerala asembleo de ELiSo / VMEO. Mi pripensas la daton kaj konsideras, ke la 6-a de Novembro 2021 15:00 - 17:00 UTK povus esti bona (donus sufiĉan tempon por fari formalaĵojn fine de la jaro, ne estas iu aparte granda Esperanta renkontiĝo tiam planata). La proponita tempo ankoraŭ ne estas findecidita. Ĉu vi scias pri iu afero, kiu malhelpus al ni havi la Kunsidon tiam? Sed negativaj reagoj mi baldaŭ konfirmos tiun ĉi daton. Amike Michal Matúšov / Uzanto:KuboF Hromoslav Esperanto kaj Libera Scio (ELiSo) <https://esperanto.wiki/> Prezidanto

2 1

Rekomendo pri Vikimedio EO por UEA kaj TEJO
by Peter Baláž 25 Sep '21

25 Sep '21

Saluton, jen mia rekomendo: Mi - Peter Baláž ĉeestas kaj helpas al agado de Esperanto kaj Libera Scio jam de pli frue ol la grupo memstariĝis. Ilia fokuso ĉiam estis kaj plu estas helpo al la Esperantaj Vikipedio kaj aliaj Vikimediaj projektoj, kio konsekvence helpas al tuta Esperantujo. La grupo videble profesiiĝas kaj estos bona aldono al la Fakaj Asocioj Kunlaborantaj de UEA. Ĝia laboro estas ege grava kaj utila por tuta nia movado, do ĝi certe estos same utila FA de UEA/TEJO. amike Petro E@I-kunordiganto SKEF-prezidanto

1 0

Volontuloj serĉataj - helpu difini niajn bezonojn
by Michal Matúšov 04 Sep '21

04 Sep '21

Saluton. Por teni kvaliton de laboro de nia organizo Esperanto kaj Libera Scio kaj sukcese atingi novajn altecojn ni bezonas pliajn altkapablajn volontulojn. Sed kiajn precize? Helpu difini bezonatajn volontulajn rolojn, kiujn ni poste serĉos: https://docs.google.com/spreadsheets/d/1CvATUZGQ8zHgCO15kqATVIzw6H-bFP9cmgn… Detalojn legu en https://esperanto.wiki/2021/helpu-difini-rolojn-de-niaj-volontuloj Amike KuboF Hromoslav

1 0

Lasta tago por por gajni premiojn per aldono de foto al Vikipedio
by Michal Matúšov 31 Aug '21

31 Aug '21

Saluton. Ankoraŭ hodiaŭ vi havas ŝancon partopreni en Vikipedia konkurso kaj gajni premion per tio. La tasko estas simpla: aldonu plurmediaĵon (bildon, sonon, videon) al artikoloj de la Esperanta Vikipedio kaj en la redakto-resumon skribu #WPWP La konkurso estas aparte taŭga por komencantoj. Pli detalaj informoj: https://eo.wikipedia.org/wiki/Projekto:Vikipediaj_pa%C4%9Doj_volas_fotojn_2… Amike Michal Matúšov / Uzanto:KuboF Hromoslav Esperanto kaj Libera Scio (ELiSo) <https://esperanto.wiki/> Prezidanto

1 0

Ankoraŭ hodiaŭ elektu novajn Estraranojn de la Fondaĵo Vikimedio
by Michal Matúšov 31 Aug '21

31 Aug '21

Saluton. Hodiaŭ (la 31-a de Aŭgusto, laŭ UTK) finiĝas la elektoj por 3 novaj Estraranoj de la Fondaĵo Vikimedio kaj *vi* (se vi plenumas kelkajn bazajn kondiĉojn) povas baloti. Kontrolu viajn balotrajton kaj voĉdonu: https://meta.wikimedia.org/wiki/Wikimedia_Foundation_elections/2021/eo Amike Michal Matúšov / Uzanto:KuboF Hromoslav Esperanto kaj Libera Scio (ELiSo) <https://esperanto.wiki/> Prezidanto

1 0

Nia rekono kiel Tema organizo estas paŭzita
by Michal Matúšov 29 Aug '21

29 Aug '21

Saluton. En ELiSo / VMEO ni laboras por plialtigi statuson de nia rekono en la Vikimedia movado de "Uzanto-Grupo" al "Tema organizo" (pli-mapli ekvivalenta al "Landa organizo", sed kun fokuso tema anstataŭ geografia). Fine de 2020 ni prezentis oficialan anglalingvan tradukon de nia statuto kaj tio estis la lasta paŝo kiun ni devis fari antaŭ plena komenco de nia rekono. AffCom ("Komitato pri aligitaj organizoj", kiu prizorgas tiajn organizojn por la Fondaĵo Vikimedio) kutime bezonas ĉ. 4-6 monatojn por rekoni Teman organizon (do ni devus esti rekonitaj ĉ. Aprilo-Junio). Ĉar AffCom dum preskaŭ 8 monatoj nek rekonis nin, nek prezentis ajnan problemon pri kiuj ĝi petus nian intervenon, mi demandis pri progreso. Bedaŭrinde, *AffCom respondis, ke ili paŭzis procezon de nia rekono*. Kiel la kialon ili menciis ke nia grupo dume laboras kun la subkomitato de AffCom pri konfliktoj por alfronti diversajn problemojn. Neniu nia funkciulo sciis pri iuj problemoj, nek pri laboro kun AffCom pri ili. Post nia interveno AffCom korektis sin, kaj kiel la veran kialon meciis, ke mi (Michal Matúšov / KuboF Hromoslav) samtempe reprezentas ELiSon en la rekona procezo kaj ankaŭ estas envolvita en aktiva konfikto pri la Uzanto-Grupo Vikimedianoj de Slovakio (VMSVK). AffCom konscias, ke solvi la konflikton daŭras longe, aprezas nian paciencon kaj esperas, ke ĝi estos solvita baldaŭ. Ni, funkciuloj de ELiSo / VMEO, konsideras eblajn vojojn por atingi rekonon kiel Tema organizo en tiu ĉi situacio kiel eble plej frue kaj glate. Mi persone antaŭvidas, ke tio tamen povas daŭri ankoraŭ kelkajn monatojn. Por klarigi: Mi estis envolvita en VMSVK preskaŭ ekde ĝia koncipiĝo kaj dum 7 jaroj servis kiel ĝia Prezidanto. Tamen montriĝis, ke la organizo havas problemojn kaj aliaj Estraranoj mensogis al la Estraro, membroj, la internacia Vikimedia movado kaj ĝenerala publiko, kaj devigis la Estraron kontraŭvole rompi Statuton (en situacio kiam la Statuto povis esti respektita) kaj daŭrigis rompadon de Statuto kaj plejprobable ankaŭ de landa leĝo. (Por kunteksto, ne temas nur pri intenca rompo de statuto, sed per tio ankaŭ rompo de "Kunhavigata povo" kiu estas unu el gvidaj proncipoj de la Fondaĵo Vikimedio <https://meta.wikimedia.org/wiki/Wikimedia_Foundation_Guiding_Principles/eo>, kiujn ĉiu aligita organizo devas sekvi, aliokaze povas esti malrekonita.) Mi konscias pri multaj rompoj de Statuto kaj gvidaj principoj fare de pluraj (ankaŭ nuntempaj) aktivuloj de VMSVK (por protekti reputacion de bonfaraj aktivuloj mi listigas la misagantojn: rekte kaj konscie misagis Matej Grochal, Radoslava Semanová; al misagado helpis (eble per nekompreno, eble intence) Dávid Štefan, Patrik Kunec, Lukáš Mikulec). Mi dum pluraj jaroj provas solvi la problemojn de VMSVK. Kiam ne helpis alvoko al unuopaj personoj kaj organoj por reveni al vojo de plenumado de la bonaj principoj, mi turniĝis al AffCom, kiu havas la povon pri malrekono ks. Pluraj aktivuloj de VMSVK rompas la principojn jam ekde Majo 2017, eble eĉ de pli frue. AffCom estas envolvita ekde komenco de 2020. Dum jaro kaj duono apenaŭ estis rimarkebla progreso kaj VMSVK plu rompas la principojn kaj apenaŭ korektis siajn pasintajn misagojn. Oni povas esperi pri baldaŭa solvo, sed laŭ mia sperto, ununura maniero por baldaŭa "solvo" estus dolora malrekono de VMSVK (kiu tamen malhelpus al Vikimedia movado en Slovakio). Se vi interesiĝas pri detaloj de tiu konflikto, vi povas legi pluraj publike konatajn aferojn en https://meta.wikimedia.org/wiki/Wikimedians_of_Slovakia/history (precipe ekde 2019) Mi persone konsideras maljusta, ke ELiSo / VMEO estas "punata" de AffCom pro tio ke mi samtempe agas en ELiSo / VMEO kaj ankaŭ postulas laŭadon de interkonsentoj en alia organizo. Parenteze, la Estraro de ELiSo / VMEO konscias pri bazoj de la afero ekde 2020 kiam tio estis parenteze menciita dum Estrar-Kunsido. La plena Estraro de ELiSo / VMEO esprimis klaran subtenon al laŭado de nia Statuto kaj konsideras tion memkomprenebla. Mi persone des pli ĝojas labori en teamo por kiu interkonsentoj estas respektindaj kaj kiu estas sincera! 💚 PS: Rosie Stephenson-Goodknight, la nuntempa Prezidanto de AffCom, kandidatiĝas por esti Estrarano de la Fondaĵo Vikimedio. Iom malĝoje, sed amike Michal Matúšov / Uzanto:KuboF Hromoslav Esperanto kaj Libera Scio (ELiSo) <https://esperanto.wiki/> Prezidanto

1 0

Nia peto pri aliĝo al UEA publike konsultebla
by Michal Matúšov 18 Aug '21

18 Aug '21

Saluton kara! La Ĝenerala Asembleo akceptis la Jaran planon 2021 kaj la Jaran buĝeton 2021 laŭ kiuj ELiSo / VMEO klopodu membriĝi en UEA kaj / aŭ TEJO. Kiel la Estraro poste pliprecizigis, ni strebas al membrigo ĉe UEA kiel Faka Asocio Kunlaboranta (krome ankaŭ kiel Faka Sekcio de TEJO, sed pri tio venos informoj poste). Mi persone kunlaboras kun Aleks Kadar, la Ĝenerala Sekretario de UEA, pri finpreparo de peta dosiero. En baldaŭj tagoj, maksimume semajnoj ni oficiale sendos la peton al la Komitato de UEA, kiu decidos pri nia peto. La peto estas de ĉ. 95% preta kaj iomete ŝanĝiĝos. Jam nun vi povas vidi ĝin ĉe VMEO: peto FAK kun UEA <https://docs.google.com/document/d/1rllpwLg7jrOyyPGS__aaBA38QnWbrr-U7-cleDL…> Amike Michal Matúšov / Uzanto:KuboF Hromoslav Esperanto kaj Libera Scio (ELiSo) <https://esperanto.wiki/> Prezidanto

2 1

ELiSo ekuzas projektan mastrumilon OpenProject
by Michal Matúšov 17 Aug '21

17 Aug '21

Saluton. En ELiSo ni klopodas ĉiam plialtigi kvaliton de nia laboro kaj tiel ankaŭ de niaj rezultoj. Parto de tio estas projekta mastrumilo - kaj nuntempe ni por tio testas la ilon *OpenProject*. Ni havas ĝin ĉe nia retejo malpli ol monaton, dume agordis kaj testis ĝin, kaj lernis pri ĝi (ja, ĝi estas profesinivela, do ankaŭ iom mapli facila por ekuzo). Ĝi trapasis niajn unuajn testojn kaj nun ni povas montri ĝin ankaŭ al vi! Danke al ĝi, ni pli facile kaj senkapdolore organizos konkursojn kaj kampanjoj kaj havos superrigardon de prilaborindaj taskoj. Ankaŭ, pli facile montriĝos kiuj taskoj bezonas voontulon (ili bezonis ankaŭ ĝis nun, sed tio ne estis facile videbla). Krom uzado en ELiSo ni pripensas, ke ankaŭ komunumanoj de Esperantaj Vikimediaj projektoj eventuale povus uzi ĝin por mastrumi siajn agadojn. Kiel ekzemplo estis menciita helpo al memstarigo de la Esperanta Vikiversitato. Ĉar la afero ankoraŭ estas en testa fazo, ĝi ne estas plene klara - do, se vi interesiĝas, simple kontaktu min ;-) Specifajn dankojn meritas Mathieu Stumpf kiu instalis ĝin por ni, kaj Matthieu Desplantes kiu provizis bezonatan teĥnikan helpon! Dankon, Mat(t)hieu-j! Ankaŭ dankon al Kryštof Klestil, kiu trovis la ilon kaj proponis ĝin por testado! Nia OpenProject: https://iloj.esperanto.wiki/openproject/ Plena artikolo en nia retejo: https://esperanto.wiki/2021/projekta-mastrumado-plibonigita-danke-al-openpr… Amike teĥnike Michal Matúšov / Uzanto:KuboF Hromoslav Esperanto kaj Libera Scio (ELiSo) <https://esperanto.wiki/> Prezidanto

1 0

Subvencio petita por konkurso Amerika monato 2021. Bv. subteni!
by Michal Matúšov 16 Aug '21

16 Aug '21

Saluton karaj! Por Oktobro 2021 estas planata artikol-verka konkurso Amerika monato. Krom kutima konkursado inter kontribuantoj ni ĉi-foje ankaŭ provos atentigi organizantojn de Esperantaj renkontiĝoj pri ebloj de Vikivojaĝo, cele ke ili mem uzadu Vikivojaĝon por siaj sekvaj renkontiĝoj. Por provizi premiojn por venkintoj ni petis subvencion de la Fondaĵo Vikimedio. Bonvolu rigardi ĝin kaj, se vi ŝatas kaj subtenas, skribu vian koncizan subtenan mesaĝon tute sube en la sekcio "Endorsements" (vi povas ankaŭ en Esperanto). https://meta.wikimedia.org/wiki/Grants:Project/Rapid/UG_ELiSo/American_mont… Amike Michal Matúšov / Uzanto:KuboF Hromoslav Esperanto kaj Libera Scio (ELiSo) <https://esperanto.wiki/> Prezidanto

1 0

ELiSo / VMEO respektas neŭtralecon de UEA
by Michal Matúšov 13 Aug '21

13 Aug '21

Karaj membroj kaj subtenantoj de ELiSo / VMEO, kun ĝojo mi anoncas, ke nia laboro por iĝi Faka Asocio Kunlaboranta de UEA bone progresas. La membriĝon ni planis jam por 2020 sed estis tro okupitaj. En la Jara plano 2021 kaj la Jara buĝeto 2021 la Ĝenerala asembleo taskis al la Estraro plidetaligon kaj finan plenumon de tiu membriĝo (kaj ankaŭ membriĝo al TEJO) kaj la Estraro survojas. Plenumante tiun ĉi taskon ricevitan de la Ĝenerala asembleo la Estraro, laŭ propono de UEA, unuanime voĉdone aprobis ke *Esperanto kaj Libera Scio respektas la principon de neŭtraleco esprimitan en la § 5 de la Statuto de UEA <https://uea.org/teko/regularoj/statuto>*. La Revizia komisiono "benis" la aprobon. Mi postmomente informos pri la decido ankaŭ la Komisionon pri statutoj (UEA). Baldaŭ ni prezentos la finpreparitan peton al la Komitato de UEA kaj espereble nia akcepto venos nelonge poste. Baldaŭ ni revenos ankaŭ al laboro pri membriĝo al TEJO. Amike Michal Matúšov / Uzanto:KuboF Hromoslav Esperanto kaj Libera Scio (ELiSo) <https://esperanto.wiki/> Prezidanto

1 0

← Newer
1
2
3
4
5
6
7
8
9
...
31
Older →

Jump to page:

2024

2023

2022

2021

2020

2019

2018

2017

2016

2015

2014

Wikimedia-eo