Wikimedia-eo

wikimedia-eo@lists.wikimedia.org

1 participants
306 discussions

Lastaj 5 horoj por senpage aliĝi al Vikimanio 2021
by Michal Matúšov 12 Aug '21

12 Aug '21

Saluton. Tio ĉi estas la lasta memorigo, ke aliĝado al Vikimanio 2021 finiĝas tre, tre baldaŭ - *hodiaŭ, la 12-an de Aŭgusto 23:59 UTK*. *Aliĝu senpage ĉe https://www.eventbrite.com/e/wikimania-2021-tickets-161884957265 <https://www.eventbrite.com/e/wikimania-2021-tickets-161884957265>* Vikimanio estas la ĉefa Vikimedia jara renkontiĝo, ĉi-jare en virtuala formo. Mi ofte komparas ĝin kun Universala Kongreso de Esperanto, sed kun pli granda fokuso al lernado. Tamen, kultura kaj socia programoj estas kutime vere fortaj. Pliaj informoj kaj programo de Vikimanio estas ĉe https://wikimania.wikimedia.org/wiki/Wikimania/eo Amike Michal Matúšov / Uzanto:KuboF Hromoslav Esperanto kaj Libera Scio (ELiSo) <https://esperanto.wiki/> Prezidanto

1 0

Retejo de VMEO misfunkciis je 1-a de Aŭgusto 2021
by Michal Matúšov 01 Aug '21

01 Aug '21

Saluton. Hodiaŭ, dum kutima ĝisdatigado de retejo, io misokazis kaj la retejo estis nedisponebla kelkajn horojn. Feliĉe ni regule faras sekurkopiojn, do preskaŭ ĉio estas jam riparita. Dankon al Matthieu Desplantes pro rapida teĥnika subteno, eĉ ĝis nokto!! Se vi en la ĉefa retejo esperanto.wiki tamen trovus iun teĥnikan problemon, bv. kontakti min private. Amike teĥnike KuboF Hromoslav

1 0

Vikipedio en Esperanto atingis 300 000 artikoloj!
by Michal Matúšov 20 Jul '21

20 Jul '21

Saluton! La 18-an de Julio 2021 je 16:46 UTK la Vikipedio en Esperanto atingis 300 000 artikolojn. La koncerna artikolo temas pri Auppegard, eta komunumo en Francio, kaj verkis ĝin la uzanto Dominik. Temas pri plia granda marko en la klopodo provizi la plej ampleksan kaj ĝisdatan liberan retan enciklopedion, la laboro, kiu probable neniam estos finita. Mi invitas vin legi kaj komenti (per viaj gratuloj, dankoj ks) la plenan artikolon en nia retejo kaj sociaj retejoj kaj pludiskonigi la afiŝojn: https://esperanto.wiki/2021/vikipedio-en-esperanto-atingis-300-000-artikolo… https://www.facebook.com/Vikipedio/posts/10165479019525542 https://twitter.com/ELiberaScio/status/1417461308509806597 Amike kaj ĝoje! Michal Matúšov / Uzanto:KuboF Hromoslav Esperanto kaj Libera Scio (ELiSo) <https://esperanto.wiki/> Prezidanto

2 1

[ĝis 22a de Julio 2021] Partoprenu en festa video pri 300 000 artikoloj de la Esperanta Vikipedio!
by Michal Matúšov 16 Jul '21

16 Jul '21

Saluton. Baldaŭ la Esperanta Vikipedio atingos 300 000 artikolojn 😎 Tiel al sia fino pliproksimiĝas ankaŭ la kampanjo "Vikipedio 300 000" iniciatita de UEA en kiu partneras ankaŭ ELiSo, ILEI, E@I kaj la Fonduso Instigo. Por kune festi 🎉 tiun ĉi gravan kilometroŝtonon ni volas krei serieton de videoj en kiuj redaktantoj, legantoj kaj aliaj gratulas, bondeziras kaj dankas al Vikipdiistoj ktp. Kaj ni volas ankaŭ *VIN* en la video! Legu pli detalajn informojn kaj sendu vian videon ĝis la *22a de Julio 2021, 12:00 UTK*: https://esperanto.wiki/2021/kontribuu-al-festa-video-pri-300-000-artikoloj-… (reprezentantoj de iuj Esperantaj organizoj estos invititaj persone) Atendante viajn videojn ;-) Michal Matúšov / Uzanto:KuboF Hromoslav Esperanto kaj Libera Scio (ELiSo) <https://esperanto.wiki/> Prezidanto

1 0

Vikimanio 2021 - registriĝu senpage jam nun!
by Michal Matúšov 14 Jul '21

14 Jul '21

Saluton! Post monato okazos *Vikimanio 2021* - la plej granda tutmonda Vikimedia konferenco, ĉi-jare virtuala! Venu por kunfesti la komunumon kaj atingojn de tutmonda Vikimedio, kapti novajn tendencojn kaj laborojn kaj renkontiĝi kun malnovaj kaj novaj amikoj! Kutime Vikimanio estas en la angla lingvo. Ĉi-jare dum registrado vi povas elekti plurajn lingvojn en kiuj vi ŝatus partopreni (Esperanto ĉi-jare mankas). Legu pliajn informojn kaj trovu ĉiuj bezonataj ligiloj en: *https://esperanto.wiki/evento/vikimanio-2021 <https://esperanto.wiki/evento/vikimanio-2021>* Amike Michal Matúšov / Uzanto:KuboF Hromoslav Esperanto kaj Libera Scio (ELiSo) <https://esperanto.wiki/> Prezidanto

2 1

Aldonu plurmediaĵon al Vikipedio kaj venku konkurson #WPWP
by Michal Matúšov 01 Jul '21

01 Jul '21

Saluton! Ĵus en Vikipedio finiĝis la Unesko-konkurso kaj *komenciĝas nova konkurso - Vikipediaj paĝoj volas fotojn 2021 (#WPWP)*! Oni diras, ke "1 bildo valoras 100 vortojn". Sed en la Esperanta Vikipedio daŭre estas multaj artikoloj al kiuj mankas taŭga bildo, sono aŭ video - kaj tial niaj legantoj lernas malpli ol povus. Feliĉe, aldono de plurmediaĵo al artikolo estas signife pli facila ol verko de nova artikolo - kaj kun iometo da trejnado ĝin povas fari viki-novulo jam post mallonga tempo. Tial pluraj Vikipedio, kaj ankaŭ nia kara Esperanta, nun lanĉis kampanjon / konkurson ĝuste pri aldonado de plurmediaĵoj. Aldone, *ni aparte fokusiĝas al viki-novuloj*, por kiuj tio povas esti bona unua paŝo. Danke al subvencio de la Fondaĵo Vikimedio vi povas gajni etajn premiojn en formo de donackarto. Sed eĉ sen venko, ĉiu bona kontribuo al Vikipedio helpas - kaj tio gravas plej! Venu al la konkursa paĝo por detaloj kaj partoprenu (en Julio kaj Aŭgŭsto 2021): https://eo.wikipedia.org/wiki/Projekto:Vikipediaj_pa%C4%9Doj_volas_fotojn_2… Amike Michal Matúšov / Uzanto:KuboF Hromoslav Esperanto kaj Libera Scio (ELiSo) <https://esperanto.wiki/> Prezidanto

1 0

297 000 artikoloj en Esperanta Vikipedio! Mankas malpli ol 3 000!
by Michal Matúšov 08 Jun '21

08 Jun '21

Saluton. La Esperanta Vikipedio atingis novan milon da artikoloj. Restas malpli ol 3 000 por atingo de ronda 300 000! *Kiel helpi?* Ankaŭ por disvolvo de nova enhavo en la Vikipedio, ni partneriĝis kun UEA kaj kunorganizas konkurson pri Unesko. La valoroj kaj idealoj de Unesko (paco, toleremo, justeco ks) estas proksimaj al koro de Vikimedianoj kaj Esperantistoj. Restas 22 plenaj tagoj por ke ankaŭ vi verku ion pri Unesko, plirapidigu alvenon al 300 000 artikoloj kaj gajnu premiojn de UEA! https://eo.wikipedia.org/wiki/Projekto:Unesko_2021 Por instigi esperantistojn verki Vikipedion por la unua fojo, Esperanto kaj Libera Scio (ELiSo) partneriĝis kun UEA, ILEI, E@I kaj la Fonduso Instigo en la Kampanjo Vikipedio 300 000. Bonvolu diskonigi jenan ligilon al viaj amikoj, kiuj povus interesiĝi. En la jena retejo estas superrigardo de la kampanjo, kaj ankaŭ retpoŝta abonilo danke al kiu ni povos informi vin kaj viajn amikojn pri similaj kampanjoj, konkursoj kaj eventoj. https://esperanto.wiki/projektoj/vikipedio-300-000 Amike Michal Matúšov / Uzanto:KuboF Hromoslav Esperanto kaj Libera Scio (ELiSo) <https://esperanto.wiki/> Prezidanto

1 0

En Junio 2021 konkursu pri Unesko - subteno por valoroj kaj idealoj de paco
by Michal Matúšov 01 Jun '21

01 Jun '21

Saluton. Paco naskiĝas en mensoj kaj koroj de homoj. UEA kaj ELiSo / VMEO kunigis siajn fortojn por subteni disvastigon de tiuj ĉi valoroj kaj idealoj de Unesko per Esperanto, specife per artikol-redakta konkurso okazanta dum *Junio 2021* en la *Esperanta Vikipedio*. Ĝian okazigon instigis rekte Unesko, kiu konsideras Vikipedion taŭga maniero por subteni sian mision. Ni montru al Unesko, kiom tio veras! *Kiel partopreni?* Legu la regulojn, verku / traduku novajn aŭ plibonigu jamajn artikolojn en la Esperanta Vikipedio pri Unesko kaj listigu viajn artikolojn en la konkursa paĝo. Fine UEA sendos premiojn por 5 venkintoj. https://eo.wikipedia.org/wiki/Projekto:Unesko_2021 PS: Se via amiko aŭ kolego interesiĝus, certe invitu lin / ŝin ;-) Amike Michal Matúšov / Uzanto:KuboF Hromoslav Esperanto kaj Libera Scio (ELiSo) <https://esperanto.wiki/> Prezidanto, kunorganizanto de la konkurso

1 0

Serĉata volontulo: kalkulanto de rezultoj de kampanjoj kaj konkursoj
by Michal Matúšov 26 May '21

26 May '21

Saluton. Disponeblo de kapablaj homoj estas konstanta botelgorĝo en ELiSo / VMEO. Ĝi signife limigas eblojn plivastigi aŭ plikvalitigi nian laboron, aŭ akcepti neantaŭviditan oportunon. Tial ni serĉas novajn volontulojn por diversaj roloj. (baldaŭ ni informos pri pli multaj volontulaj oportunoj) Nune serĉata estas KALKULANTO DE REZULTOJ DE KAMPANJOJ KAJ KONKURSOJ (ekz. VikiPrintempo COE, Afrika monato ks) La laboro estas simpla, laŭ antaŭdifinita procezo (vi ricevos manlibron kaj konsultadojn), ne postulas krean kontribuon (simple sekvu la instrukciojn) nek komunikadon kun publiko. Tre taŭga por dependebla introvertulo, kiu ĝojas bone plenumi ricevitan laboron. Kalkulado kutime okazas per la Vikimedia ilo "Outreach Dashboard". Jama sperto pri ĝi estas bonvena, sed ne necesa (ni havas pretan manlibron). Se tiu priskribo taŭgas pri vi, aliĝu sube. Se ĝi priskribas iun vian amikon, sendu al li / ŝi jenan ligilon: https://esperanto.wiki/civicrm/civicrm/volunteer/signup?reset=1&needs%5B%5D… Amike kaj antaŭdanke! Michal Matúšov / Uzanto:KuboF Hromoslav Esperanto kaj Libera Scio (ELiSo) <https://esperanto.wiki/> Prezidanto

1 0

Evoluo pri projektoj de Erasmus+ en 2021
by Michal Matúšov 20 May '21

20 May '21

Saluton. En la Jara plano 2021 estas starigita celo partopreni en 1 projekto de Erasmus+ kiel partnero kaj tiam lerni pri la maniero por estontece tian projekton kunordigi. Ni kontaktiĝis kun la Esperanta firmao Kosmo kaj diskutis eblon partopreni en nuna limdato. Montriĝis, ke pro ŝanĝoj en la programo oni nun rekomendas malmultajn partnerojn (por malgrandaj projektoj) - ni ne estis enmetitaj en la petilo, ĉar ni estis iom "flankaj". Nun ni en la Estraro pripensas kion fari plu. Ni baze povas atendi por sekva limdato, aŭ (se estos nuna limdato ŝovita) peti projekton kiel kunordiganto. Se ni estus simpla partnero, ni ja povus fari iun flankan laboron, kiu iel subtenas Vikimedian mision, sed precipe ni lernus. Tamen, se ni kunordigus projekton, mi forte preferas, ke la projekto estu forte ligita al Vikimedia misio. Se vi havas ideon pri taŭga projekto, kiu rekte subtenus Vikimedian mision, skribu al mi persone! https://ec.europa.eu/programmes/erasmus-plus/programme-guide/part-b/key-act… Amike Michal Matúšov / Uzanto:KuboF Hromoslav Esperanto kaj Libera Scio (ELiSo) <https://esperanto.wiki/> Prezidanto

1 0

← Newer
1
...
4
5
6
7
8
9
10
...
31
Older →

Jump to page:

2024

2023

2022

2021

2020

2019

2018

2017

2016

2015

2014

Wikimedia-eo