Saluton.
Vikipedio proksimiĝas al atingo de 300 000 artikoloj. Laŭ kalkuloj, tio
okazos ĉirkaŭ duono de Julio 2021.
Laŭ instigo de UEA, pluraj gravaj tutmondaj Esperantaj organizoj, nome
ELiSo / VMEO, ILEI kaj E@I, kunigas sian voĉon kaj lanĉas la kampanjon
"*Vikipedio
300 000*" por atingi tiun mejloŝtonon pli frue - jam antaŭ Julio 2021.
Ni, vikimedianoj, simple plu faru tion, kion ni jam nun faras - *ni verku
bonkvalitajn artikolojn en la Esperanta Vikipedio*. Avantaĝe ni povas tion
kunigi kun pluraj konkursoj en tiu ĉi tempo:
- VikiPrintempo de Centra kaj Orienta Eŭropo (ĝis fino de Aprilo)
- VikiPorHomajRajtoj (ĝis la 15a de Majo)
- Afrika monato (Majo)
- eble eĉ plia ;-)
Sed ni kuniĝis kun niaj partneroj ankaŭ por utiligi la okazon por *inviti
novulojn al nia Vikipedio*. Nun estas taŭga tempo por alparoli tiun
heziteman amikon, kiu pripensas ekverki, sed mankas al li taŭga okazo. Nun
ni verkas "kune" eĉ preter kutime Vikipedia komunumo!
Por pliaj informoj kaj rekomendoj, legu la kampanjan paĝon:
https://esperanto.wiki/projektoj/vikipedio-300-000
Amike
Michal Matúšov / Uzanto:KuboF Hromoslav
Esperanto kaj Libera Scio (ELiSo) <https://esperanto.wiki/>
Prezidanto
Saluton.
Jen, mi prezentas la plej novan version de la Jara raporto 2020:
https://meta.wikimedia.org/wiki/Special:MyLanguage/Esperanto_kaj_Libera_Sci…
La laboron pri la raporto komencis Ivan Santacruz, la Vicprezidanto de
ELiSo / VMEO. Poste mi, kiel prezidanto, aldonis plurajn aferojn.
La raporto estas dume nur en la angla, ĉar tion postulas la tutmonda
vikimedia movado. Por voĉdonado dum la sekva Kunsido de la Ĝenerala
asembleo estos provizita versio en Esperanto. Ĉar Jaran raporton povas
aprobi nur Ĝenerala asembleo, la nuna versio estas nur propono. Se vi havas
rimarkojn pri ĝi, ili estas bonvenaj en ties diskutpaĝo, ĉi tie en la
retpoŝta dissendolisto aŭ en alia kontakto listigita en
https://esperanto.wiki/kontakto
Amike
Michal Matúšov / Uzanto:KuboF Hromoslav
Esperanto kaj Libera Scio (ELiSo) <https://esperanto.wiki/>
Prezidanto
Saluton.
Danke al Ivan Santacruz, nia Estrarano respondeca pri Jara raporto, vi
povas jam nun legi malneton de la Jara raoprto 2020:
https://meta.wikimedia.org/wiki/Esperanto_kaj_Libera_Scio/Reports/2020
(Ĝi estas en la angla, ĉar tiel ni bezonas raporti al la tutmonda Vikimedia
movado. Se vi havas problemojn pri la angla, vi povas uzi la liberan
tradukilon https://www.apertium.org , aŭ malliberan
https://translate.google.com . Por Ĝenerala asembleo estos provizita versio
en Esperanto.)
Ĉar Jaran raporton povas aprobi nur Ĝenerala asembleo, dume ĝi estas
neoficiala. Bonvolu konsulti ĝin. Se vi konscias pri iu nia nemenciita sed
menciinda agado, bv. aldoni ĝin rekte en la raporton aŭ ekdiskuti pri ĝi en
ties diskutpaĝo. Mi mem jam aldonis plurajn aferojn.
La sekvan lundon, la 26-an de Aprilo, mi formale sendos la malnetan
raporton al la tutmonda Vikimedia movado. (Post aprobo fare de la ĝenerala
asembleo mi sendos la oficialan version.)
Amike
Michal Matúšov / Uzanto:KuboF Hromoslav
Esperanto kaj Libera Scio (ELiSo) <https://esperanto.wiki/>
Prezidanto
Saluton.
Mi ĵus malfermis peton pri komento / voĉdonadon pri tra grava teĥnika ŝanĝo
en Vikimediaj projektoj. *Bonvolu veni al jenaj paĝoj kaj voĉdonu* (en
projektoj kie vi aktivas aŭ kiujn vi legas):
- Vikipedio
<https://eo.wikipedia.org/wiki/Vikipedio:Peto_pri_komento/Mallokaj_%C5%9Dabl…>
- Vikifontaro
<https://eo.wikisource.org/wiki/Vikifontaro:Peto_pri_komento/Mallokaj_%C5%9D…>
- Vikivojaĝo
<https://eo.wikivoyage.org/wiki/Vikivoja%C4%9Do:Peto_pri_komento/Mallokaj_%C…>
(se vi aktivas en aliaj Esperantaj Vikimediaj projektoj, bv. komenci
voĉdonadon ankaŭ tie)
La propono temas pri "mallokaj ŝablonoj" - centra deponejo de ŝablonoj kaj
moduloj, kiujn povos uzadi ĉiuj Vikimediaj projektoj. Nuntempe disvolvi
ŝablonojn kaj modulojn estas malfacila teĥnika laboro, kiu postulas
spertulon (ofte pri programado kaj aspektigo). Tial ŝablonoj en Esperantaj
projektoj estas malpli multaj kaj tre ofte eksdataj. Tiu ĉi propono celas
solvi tiun ĉi problemon.
Voĉdona fazo estas ĝis la 27-a de Aprilo, poste mi raportos la rezulton al
tutmonda nivelo.
Amike teĥnike
KuboF Hromoslav (Michal Matúšov)
Saluton.
En Majo okazos plia fojo de la artikol-verka konkurso "Afrika monato
<https://eo.wikipedia.org/wiki/Projekto:Afrika_monato_2021>" sub organizado
de Radioamatoro kaj KuboF Hromoslav. Kontraste al la antaŭa jaro, nun ni
pli fokusiĝos al atingo de Afrikaj esperantistoj - unuflanke per niaj
personaj kontaktoj kaj helpe de aliaj Esperantaj organizoj, kaj duaflanke
per pagata reklamo. Nuntempe estas malmultaj Afrikaj Vikimedianoj, eĉ mapli
en Esperantujo. Per sia partopreno en Vikimediaj projektoj ili unuflanke
provizos specialan vidpunkton, neprovizeblan per alikontinentanoj, kaj
aliflanke mem spertiĝos pri diversaj teĥnologioj kaj temoj, kio utilos al
ili ankaŭ en aliaj partoj de Vikimedia aŭ Esperanta agado. Venkontoj
ricevos valorajn premiojn; speciala kategorio estas planata por Afrikaj
nov-vikimedianoj.
Por subteni ĉion tion ĉi ni subvencipetis ĉe la Fondaĵo Vikimedio.
*Bonvolu viziti la paĝon de la monpeto, konsulti ĝin, kaj subskribiĝi tute
sube ĉe "Endorsements" por subteni
nin.https://meta.wikimedia.org/wiki/Grants:Project/Rapid/UG_ELiSo/African_m…
<https://meta.wikimedia.org/wiki/Grants:Project/Rapid/UG_ELiSo/African_month…>*
Amike
Michal Matúšov / Uzanto:KuboF Hromoslav
Esperanto kaj Libera Scio (ELiSo) <https://esperanto.wiki/>
Prezidanto
Saluton.
La Fondaĵo Vikimedio kaj la Vikidatuma teamo en sekvaj jaroj intense
laboros pri novaj projektoj, por kiuj serĉas interesiĝantaj lingvaj
komunumoj. Esperanto provizore kandidatiĝis.
Temas pri plibonigo de leksikografiaj datumoj en Vikidatumoj, kaj la nova
projekto Abstrakta Vikipedio (lingve-sendependa prezento de scioj).
La temo venis al ni al diskuto nur hieraŭ, nur kelkajn horojn antaŭ limdato
por kandidatiĝo. Pluraj aferoj estas nuntempe neklaraj (ankaŭ al la
programistaj teamoj), sed ĉar estis certagrada intereso, mi provizore
(baldaŭ ni ricevos pli multajn informojn kaj ankaŭ ni decidos surbaze de
ili) kandidatigis Esperanton:
https://www.wikidata.org/wiki/Wikidata:Lexicographical_data/Focus_languages…
Se vi interesiĝas pri helpado al la projektoj (dume ne klaras kiom intense,
sed ĝi evidente devus taŭgi ankaŭ por komunumoj multe malpli grandaj ol
nia) dum sekvaj ĉ. 3 jaroj listĝu en jenaj paĝoj (en tiu projekto, kievi
aktivas):
- https://eo.wikipedia.org/wiki/Vikipedio:Diskutejo/Teknikejo
- https://eo.wiktionary.org/wiki/Vikivortaro:Diskutejo
Amike
KuboF Hromoslav
Saluton Bruno kaj geamikoj el ELISo,
Mi certe ĝojos helpi pri tio. Mi enskribos venontsemajne.
Se aliaj ELISanoj havas sperton pri tiel rendevuo-formato, mi ĝoje legis
ion ajn konsilon, kiun havas vi por mi.
Kore
Le 28/02/2021 à 10:04, Bruno FLOCHON a écrit :
>
> Saluton Mathieu !
>
> Mi esperas ke vi bone fartas kaj skribas ĉar Espéranto-France *denove*
> preparas retan tutfrancan rendevuon *sabate la 20an de marto je la 18a
> horo *(ĝis la 19a30) okaze de printempo !
>
> Vi povus *kontribui* per mallonga interveno pri Vikipedio, kiel fari,
> kiu faras, kial...
>
> La simplaj reguloj estas :
>
> * daŭro *maksimume* 5 minutoj, prefere inter 1 kaj 3 minutoj
> * enskribo de via propono en la tabelo cî-tie *antaŭ la 7an* de marto :
> https://lite.framacalc.org/9lul-kontribuojprintempaesperantofesto2021
> <https://lite.framacalc.org/9lul-kontribuojprintempaesperantofesto2021>
>
> * vi havos eblecon aliri la reton por la prezento (kiu okazos per Zoom)
> * la elekto de la kontribuoj okazos antaŭ la 12an de marto. Vi estos
> tuj informota pri la decido.
>
> Dankon por via kontribuo !
>
> /Amike,/
> /Bruno/
> /
> /
>
Saluton.
*Resumo*: La Estraro proponas ŝanĝi la nomon de "Esperanto kaj Libera Scio"
al pli longdaŭra (precipe "Vikimedio Esperanto" por uzado en Esperantujo).
Por tio bezonatas decidoj ankaŭ de aliaj instancoj. Precipe se vi *forte*
kontraŭas, skribu tion nun.
Ĝis nun ni kaj oficiale (kiel jura persono) kaj neoficiale (en niaj sociaj
retejoj, informpaĝoj ktp) uzas nian Uzanto-Grupan nomon "Esperanto kaj
Libera Scio". Sed ni scias, ke post kiam ni iĝos Vikimedia Tema organizo,
ni povos kaj oficiale kaj neoficiale uzadi la Temo-Organizan nomon
"Vikimedio Esperanto".
Ĝis nun tio kaŭzis nur etajn problemojn, precipe pri kreado de reputacio
por nia marko (dum jaroj ni nomas nin iel kaj poste nomos nin aliiel). Sed
nun, kiam ni faras monakiran kampanjon (kaj eble partoprenos iujn lokajn
pagatajn projektojn) en Slovakio, tiu nomo estas vere balasta. Precipe
temas pri nesufiĉa trafado al Vikimedio, kaj troa trafado al Esperanto -
kion multaj eksteruloj interpretos, ke ni estas nure Esperanta organizo (do
sen rilato al Vikimedio).
La Estraro de ELiSo ĵus decidis:
1. strebi ŝanĝi oficialan nomon (en Statuto) de "Esperanto kaj Libera
Scio" al pli longdaŭra (post-Uzanto-Grupa) nomo; kaj
2. strebi ricevi permeson de AffCom por uzado de Temo-Organiza nomon
(konkrete "Vikimedio Esperanto") en Esperantujo jam antaŭ ofiiala rekono
kiel Tema organizo.
La Estraro *ne* havas la rajton ŝanĝi nomon memstare kaj tial tion ne faros
memstare. La decidoj signifas nur tion, ke 1) la Estraro preparos
dokumentojn por la sekva Kunsido de Ĝenerala asembleo, kie Ĝenerala
asembleo povos ŝanĝi Statuton (kaj tiel nomon); kaj 2) la Estraro komunikos
kun AffCom (komisiono de la Fondaĵo Vikimedio, kiu zorgas pri aliĝintaj
organizoj) kaj petos ĝin pri permeso por pli frua uzado de nomo, kiu estas
rezervita por organizo de pli alta rekono.
La Estraro dume ne diskutis kiun oficialan nomon (en Statuto) uzi. Natura
nomo estus "Vikimedio Esperanto" (en la slovaka, ĉar ni estas registritaj
en Slovakio). Mi persone rekomendas doni pli grandan emfazon al la vorto
"Vikimedio", ĉar tio estas la afero, kiun publiko pli rekonas (kaj
konsekvence donas al ni pli grandajn ŝancojn de kunlaboro kaj helpo de la
publiko). Tial mi persone rekomendas la oficialan nomon "Vikimedio EO", kun
alternativa nomo (ankaŭ en la Statuto) "Vikimedio Esperanto". Komperneble,
aliaj proponoj estas bonvenaj!
Ŝanĝo de oficiala nomo (en statuto) estas sufiĉe enorda. La institucio per
kiu funkcias nia monakira kampanjo (en Slovakio) konfirmis tion.
Uzado de alia nomo en la internacia Vikimedia movado kaj alia nomo en sia
loka medio ne estas nekutima. Ni havas bonan reputacion kaj mi kredas, ke
AffCom permesus tion al ni.
Fine, multo dependos de decido de AffCom, ĉar ili rajtas malpermesi al ni
uzi la vorton "Vikimedio" en nia oficiala nomo.
*Kion vi faru nun?*
Se vi konsentas - nenion.
Se vi malkonsentas - skribu tion.
Ni delonge scias, ke ni ŝanĝos nian nomon al "Vikimedio Esperanto" kaj tion
emfazas nia strebo iĝi Vikimedia Tema organizo. La Estraro jam decidis sian
plian laboron en tiu kampo, do se nenio kontraŭa okazos, la Estraro simple
plenumos la laboron.
Se vi malkonsentas kun tia ŝanĝo de la nomo, skribu tion *nun*! Se pluraj
homoj *forte* kontraŭos ene de semajno, la Estraro repripensos la aferon.
Ankaŭ viaj subtenaj mesaĝoj estas aprezataj, sed ne nepre bezonataj (se
homoj ne kontraŭos).
Amike
Michal Matúšov / Uzanto:KuboF Hromoslav
Esperanto kaj Libera Scio (ELiSo) <https://esperanto.wiki/>
Prezidanto