Saluton.
La 18an de Septembro 2018 atingis nia, Esperanta, Vikipedio rimakeblan
mejloŝtonon - 250 000 artikolojn. Esperanto kaj Libera Scio (ELiSo) aliĝis
al UEA kaj preparis komunan gazetaran komunikon pri la temo, kiun mi
plusendas sube.
Ni jam atingis rimarkeblajn atingojn (laŭ jaroj ni povas konstati ankaŭ pli
grandan atenton pri kreskanta kvalito de unuopaj artikoloj!) kaj tio klare
montras, ke nia vojo estas irebla kaj irinda.
PS: Mi nun komunikas kun UEA pri liberigo de la gazetara komuniko. Dume
estas bona evoluo.
Jen nia komuna komuniko:
Gazetaraj Komunikoj de UEA
N-ro 757
2018-09-20
VIKIPEDIO EN ESPERANTO ATINGAS SIAN 250-MILAN ARTIKOLON
La 18-an de Septembro 2018 Vikipedio en Esperanto atingis sian 250-milan
artikolon. La koncerna artikolo estas "Livaie", pri komunumo en Francio,
kaj verkis ĝin kontribuanto Dominik. Legu ĝin ĉe
https://eo.wikipedia.org/wiki/Livaie.
La Esperanto-lingvan version de Vikipedio fondis Chuck Smith la 6-an de
novembro 2001. Kun la helpo de Jerry Muelver kaj Stefano Kalb, li
publikigis la unuan version la 2-an de januaro 2002, kun pli ol 300 paĝoj.
La artikoloj estas libere redakteblaj kaj lastatempe pli ol 300 uzantoj
redaktas Vikipedion en Esperanto ĉiumonate. La volontuloj de Vikipedio
daŭre aldonas novajn artikolojn kaj samtempe pligrandigas kaj plikvalitigas
jam ekzistantajn. En la enciklopedio estas krom teksto ankaŭ fotoj, videoj,
sonaĵoj kaj eĉ 3D-objektoj. La tuta projekto estas ebla nur danke al tuja
kunlabora reviziado per interreto -- kaj multaj volontuloj.
La Esperanta Vikipedio tenas la 32-an pozicion inter Vikipedioj laŭ nombro
de artikoloj. Proksimaj estas la eŭska (45 mil pli), la bulgara (5 mil
malpli) kaj rapide proksimiĝas la armena. Sed kvanto de artikoloj ne estas
ĉio -- gravas ankaŭ kvalito de ili. Konsiderante kvaliton de la 1 000 plej
gravaj artikoloj, la Esperanta Vikipedio estas en tre bela 16-a loko. En la
tutmonda Vikimedia movado ĝi estas pozitive taksata, ĉar ĝi fondiĝis tre
frue, kunigas signifan komunumon kaj eĉ estas oficiale reprezentata de la
organizo Esperanto kaj Libera Scio (ELiSo).
Vikipedio ebligas aliron al artikoloj pri plej diversaj temoj kutimaj en
enciklopedio, el ĉiuj fakoj, sed por la Esperanto-komunumo ĝi havas kroman
valoron, nome registri artikolojn pri Esperanto-aktivaĵoj kaj iniciatoj,
kun fotoj kaj ilustraĵoj pri multaj faktoj kaj homoj, kiuj konsistigis la
evoluon de nia lingvo laŭlonge de pli ol 130 jaroj. La artikoloj de
Enciklopedio de Esperanto (1934) estis enretigitaj kaj (ankaŭ) vi povas
daŭre grandigi kaj plibonigi ilin. Specife utila ĝi estas por fakaj
asocioj, kiuj per ĝi povas facile disvastigi informojn de sia fako.
Dum multaj jaroj de sia ekzisto Vikipedia medio multe ŝanĝiĝis. Komence
redaktado okazis per speciala kodo, ne tre malfacila, sed neintuicia por
neteĥnikemuloj. Nuntempe vi povas redakti kaj formatigi tekston simile kiel
en retpoŝto. Aldone, progresaj teĥnikaj iloj nun faras plurajn monotonajn
laborojn, do vi povas fokusiĝi pri la vera kerno -- bonkvalita teksto. Eĉ,
ĉiam pli da homoj faras simplajn redaktojn (ekz. korektado de mistajpoj)
per poŝtelefona aplikaĵo. Por helpi al Vikipedio, komencu per
https://eo.wikipedia.org/wiki/Vikipedio:Bonvenon_al_Vikipedio.
Ĉar Vikipedio estas utila al la Esperanta komunumo, pluraj organizoj jam
helpis kaj plu helpas ĝin. Inter ili estas UEA, TEJO, E@I kaj novfondita
Esperanto kaj Libera Scio, specife fokusiĝanta pri Vikimedia agado. Sen
tiuj organizoj Vikipedio ne estus tiom bunta, kiom ĝi estas nun.
Statistikaĵojn pri ĉiuj pli ol 200 versioj de Vikipedio oni trovas ĉe
https://en.wikipedia.org/wiki/List_of_Wikipedias#Detailed_list, dum
specifaj pri la Esperanto-versio troviĝas ĉe
https://eo.wikipedia.org/wiki/Specialaĵo:Statistikoj.
UEA kaj ELiSo varme gratulas -- kaj kore dankas -- tiom da aktivuloj, kiuj
praktike anonime, sed plenanime kaj volontule laboras por libera scio en
Esperanto.
KuboF Hromoslav
Saluton,
Eble iu dezirus respondi al tiu demando el esperantaj Vikipedianoj, ĉu ne?
Ĝis
-------- Message transféré --------
Sujet : [Wikidata] Participate in research to support Wikipedia editors
Date : Mon, 17 Sep 2018 11:18:37 +0200
De : Lucie-Aimée Kaffee <kaffee(a)soton.ac.uk>
Répondre à : Discussion list for the Wikidata project
<wikidata(a)lists.wikimedia.org>
Pour : Discussion list for the Wikidata project
<wikidata(a)lists.wikimedia.org>
Hello everyone,
We are PhD researchers at the University of Southampton working on
supporting underserved language communities in Wikipedia with the help
of Wikidata information.
We need your help! We work on generating text and want to understand how
to support editors when creating new articles. We are currently
conducting a series of interviews to understand the needs of the
community better.
We are looking for editors of Wikipedia, that would be available to do
said interviews remotely (via google hangout or skype) in English. (The
editing will still be in your native language of course.) We focus on
under-resourced languages, meaning any but the top 5 Wikipedias in terms
of article and editor count.
It should take about 30 minutes of your time and would get us a better
insight into how to support small-language communities better.
The interviews will take place in the next two weeks. All of the data
will be anonymized.
Please find more information in the Participant Information Sheet:
https://github.com/luciekaffee/Announcements/blob/master/Interviews-Partici…
If you want to participate and help us improving access to Wikipedia for
under-resourced language communities, just send me an E-Mail at
kaffee(a)soton.ac.uk <mailto:kaffee@soton.ac.uk> or sign up to be
contacted here: https://goo.gl/forms/gL9wPuYAt8zcpVbA3 You don’t need
any prior experience beside Wikipedia editing.
Looking forward to hearing from you!
Thanks,
Lucie (User:Frimelle)
--
Lucie-Aimée Kaffee
Web and Internet Science Group
School of Electronics and Computer Science
University of Southampton
Saluton.
Sube mi plusendas mesaĝon de Asaf Barton, kiu en la Fondaĵo Vikimedi zorgas
pri evoluo de komunumoj.
En la centra kaj orienta Eŭropo okazis malgranda esploro pri kapabloj,
kaacitoj de tieaj komunumoj, inter ili ankaŭ Esperanto. La esploro jam
havas pretan rezultaron ĉe
https://meta.wikimedia.org/wiki/Community_Capacity_Map/CEE_Survey_2018 (en
la angla).
Indas iom rigardi ĝin, almenaŭ por inspiro. Ni jam parolis, ke iom poste ni
faru ankaŭ pli kompleksan esploron, ideale en ambaŭ ELiSo kaj almenaŭ la
Esperanta Vikipedio. Por tio servos
https://meta.wikimedia.org/wiki/Special:MyLanguage/Community_Capacity_Map
Amike
KuboF Hromoslav
---------- Forwarded message ---------
From: Asaf Bartov <abartov(a)wikimedia.org>
Date: ne 16. 9. 2018 o 11:55
Subject: [WMCEE-l] Capacity survey results
To: A list for Wikimedians from Central and Eastern Europe <
wmcee-l(a)tools.wikimedia.pl>
Hi folks,
As some of you know, I was kindly invited by the the organizers to add
questions about community and organizational capacities to the
needs-assessment survey we've done in preparation for the CEE Meeting in
Lviv next month.
I have now processed the results and published them on Meta. I think they
are useful, even if not too surprising: to me, they validate some existing
impressions about what the capacity-development priorities should be.
Perhaps they also validate some of our choices in the program design.
Take a look here:
https://meta.wikimedia.org/wiki/Community_Capacity_Map/CEE_Survey_2018
Let me know if you have any questions.
A.
--
Asaf Bartov
Wikimedia Foundation <http://www.wikimediafoundation.org>
Imagine a world in which every single human being can freely share in the
sum of all knowledge. Help us make it a reality!
https://donate.wikimedia.org
_______________________________________________
WMCEE-l mailing list
WMCEE-l(a)tools.wikimedia.pl
http://listy.wikimedia.pl/mailman/listinfo/wmcee-l
Saluton.
Alskribis min Anthony Lucas kaj Wendel Pontes, prezidanto kaj vicprezidanto
de ISAE - Internacia Scienca Asocio Esperanta
<https://www.scienca-asocio.com/>, kaj proponis partnerecon kun ni!
La unuaj proponoj estas, ke niaj organizoj ligos unu al la alia de siaj
retejoj kaj ISAE funkcios kiel konsultanto pri fakvortoj por Vikimedio.
Mi antaŭvidas ankaŭ reciprokan subtenon en sociaj retejoj (ISAE estas forta
en Facebook, ni en Twitter).
Pliaj ideoj por sinergiaj agadoj "venko-venko-venko" (ELiSo-ISAE-mondo)
estas bonvenaj!
Laŭ mi tio sonas tre bone! Specife ĉar en ISAE estas jam spertaj, science
bazitaj homoj.
Kion vi pensas?
Amike
KuboF Hromoslav
Saluton karaj!
Hieraŭ finiĝis Aŭgusto 2018, kiu estis tre speciala por *Esperanto kaj
Libera Scio* kaj entute por Esperantio.
Tial permesu al mi ĉi-loke danki kaj gratuli al nia kara amiko kaj aktivulo
- *Juan Sebastian Quintero Santacruz* - pro ĉeforganizado de nia unua
fotokonkurso - Vikio amas ZEOjn
<https://commons.wikimedia.org/wiki/Commons:Wiki_Loves_ZEOs_2018/eo> (VAZ)!
Temas pri delonga revo de Esperantaj Vikimedianoj, kiu datiĝas almenaŭ 5
jarojn en pasintecon. Kaj la revo fine povis realiĝi nur pro aprezinda
iniciatemo kaj laŭ gvidado de Juan!
La unuaj rezultoj jam estas videblaj: 157 novaj fotoj pri ZEOj jam estas en
Komunejo kaj atendas aldonon al artikoloj en Vikipedioj kaj al memoreroj en
Vikiatumoj! La konkurson laŭdis ankaŭ Asaf Bartov, spertulo de la Fondaĵo
Vikimedio kaj interesiĝis ankaŭ kelkaj landaj Vikimediaj organizoj! Anoncon
de la finaj rezultoj mi tamen lasas al la organizantoj.
ELiSo vivas danke al homoj kiel Juan, por kiuj "*sen laboro ne estas oro*"
ne estas nur Zamenhofa proverbo, sed ankaŭ realeco. Dankon!
KuboF Hromoslav
Pasintan semajnon niaj amikoj en Brazilo spertis kortuŝan baton - la Nacia
muzeo forbruliĝis kaj kun ĝi preskaŭ tuta ĝia kolekto. Nun estas aparte
grava tempo por helpi niajn brazilajn amikojn pri konservado de memoro pere
de Vikimediaj projektoj.
La Nacia muzeo, en la urbo Rio-de-Ĵaneiro, estis starigita antaŭ 200 jaroj,
en iama imperiestra domo, kaj ekde tiu tempo kolektis 20 milionojn da
eksponaĵoj. Ĝi apartenas al pintaj sciencaj institucioj de Brazilo. Al ĝia
vasta kolekto apartenis multaj arĥeologiaj, geologiaj kaj historiaj
unikaĵoj, inter ili la plej malnova homa fosiolio de Ameriko. Jam
konfirmiĝis, ke pereis tuta kolekto pri indiĝenaj lingvoj, ankaŭ muzikaj
registraĵoj de ne plu parolataj lingvoj. Unu el malmultaj aferoj, kiuj
ŝajne transvivis estas meteoritoj.
*Nun estas via tempo!*
La incendio frapis forte kaj ni ĉiuj kunsentas kun brazilanoj. Nun, kiam la
originalaĵoj malaperis, la plej bona maniero por helpi estas konservi
almenaŭ ciferecan dokumentadon. Se vi aŭ viaj amikoj vizitis la muzeon kaj
fotis aŭ filmis ĝin, ni alvokas vin alŝuti viajn fotojn kaj videojn al
Vikimedia Komunejo, de kie ilin povos plu uzi Vikipedio kaj ĉiuj aliaj
Vikimediaj projektoj.
Se vi aŭ viaj amikoj ankoraŭ ne havas sperton pri alŝutado al Komunejo,
venu al jena paĝo por enkonduko:
https://pt.wikipedia.org/wiki/Wikip%C3%A9dia:Comunicado_sobre_o_Museu_Nacio…
Se vi jam spertas pri Komunejo, alŝutu viajn fotojn per tiu ĉi paĝo:
https://commons.wikimedia.org/wiki/Campaign:MuseuNacional
Via kontribuo estas nun aparte grava por helpi konservi sciaron de Brazilo
kaj homaro entute!
Ni petas vin disvastigi tiun ĉi mesaĝon al viaj konatoj, por savi kiom eble
plej multe!
Fine ni ŝatas danki ankaŭ al UEA, pro ĝia inspira morala subteno de Brazilo
en tiu ĉi korprema situacio kaj alvoko por helpi per Vikipedio!
Sincere
Vikimedianoj de Esperanto kaj Libera Scio
Saluton.
Kiam mi prelegas pri Vikipedio, homoj en la publiko kutime asertas, ke
*la* problemo
de Vikipedio estas, ke ĉiu ajn rajtas redakti ĉion ajn. Ili pensas, ke tial
la enhavo ne povas esti fidinda...
Ni, kiuj jam havas sperton pri redaktado kaj komprenas la procezon, vidas
ke reale ne estas tiel. Ni ĉion tion spertis proprahaŭte. Sed por la
publiko la aferoj estas novaj kaj tute teoriaj. Kutime ili kaptas la ideon
nur post la jenaj simplaj 2 rimarkoj:
1. ĉiu ajn ankaŭ rajtas korekti / plibonigi ĉion ajn, kaj la korekta /
pliboniga rezulto estas pli granda ol eventuala detrua; kaj
2. Vikipedio, same kiel aliaj enciklopedioj, estas nur tiom fidinda,
kiom fidindaj estas ĝiaj fontoj, do rigardu citatajn referencojn.
Kvalita citado per referencoj estas vere la bazo de fidindeco de Vikipedio.
Sed, ni diru la veron, ilia uzado povas esti aldona problemo, precipe por
novuloj. Kiel fari, ke tiom grava parto estu vere uzata kaj, sekve,
Vikipedio fidinda?
Ĝuste tio estas unu el demandoj de la evento WikiCite 2018, kiu fokusiĝas
pri bibliografiaj datumoj kaj ilia uzado en Vikimediaj projektoj. Se vi
interesiĝas pri la teĥnologio malantaŭ citado, ĉu kiel informa aŭ
bibliografia spertulo, programisto aŭ kontribuanto ĉe Vikipedio, vi povas
tre interesiĝi pri la evento WikiCite!
WikiCite 2018 okazos fine de Novembro 2018 en Berkeley, Usono kaj
kandidatiĝado estas malfermita *nur ĝis la 17a de Septembro*. Vi povas eĉ
ricevi monsubtenon por partopreno. Ĉar estas atendataj multaj
partoprenontoj kaj lokoj estas limigitaj, organizantoj pritaksos
kandidatiĝojn kaj elektotaj povos registriĝi.
Por pliaj detaloj venu kaj kandidatiĝu ĉe
https://meta.wikimedia.org/wiki/WikiCite_2018
Amike
KuboF Hromoslav
Saluton karaj ELISanoj,
Dum la Vikimedia konferenco 2018 mi sekvis la ateliero "Mapo de kapabloj
de komunumo
<https://meta.wikimedia.org/wiki/Wikimedia_Conference_2018/Program/40>".
Mi ne ankaŭ preni tempon por apliki ĝin, sed mi kredas ke tio estas
taŭga etapo por disvolvi nian komunumon.
Resume, tio temas pri determini, rilate al nia komunuma sano kaj kresko,
kiu scias fari kion, kion scion ni mankas, kaj kiel pli bone diskonigi
la rilatajn kapablojn do ni havas pli firman kaj resiliencan komunumon
por disvolvi ĝin kaj atingi niajn celojn.
Vi povas legi pli en la dediĉa paĝo
<https://meta.wikimedia.org/wiki/Community_Capacity_Map> kaj la gvido
por konduki la taksado
<https://meta.wikimedia.org/wiki/Community_Capacity_Map/Guidelines>.
Al mi ŝajnas ke la unua stepo estas demandi la opinio de la celata
komunumo, tial tiun ĉi mesaĝon sendas mi. Ĉu vi trovas la ideon
interesan, kaj ĉu vi deziras partopreni?
Amike,
Mathieu
Saluton karaj ELISanoj,
Mi ĵus volis scii se vi estus interesata pri fari regule retan kuniĝon
per videa kanalo, kiel https://meet.jit.si/ELISo
Tio povus esti farita semajne aŭ monate.
Bonvolu doni vian opinion. :)
Ĝis baldaŭ
Karaj,
kvankam hieraŭ finiĝis la vikimedia fotokonkurso pri
Zamenhof/Esperanto-objektoj, via fotemo povas manifestiĝi denove ĝuste nun!
Internacia skipo preparis por vi la fotokonkurson *Vikio amas
monumentojn* fokusiĝantan
pri, kiel la nomo supozigas, kulturaj monumentoj laŭ agnosko de koncerna
lando.
Partoprenon konfirmis 49 landoj kaj eble partoprenos pliaj 5 (vidu la
supran foton). Tiu ĉi konkurso estas federacia - viaj fotoj trairos landan
ĵurion kaj la venkaj fotoj venos al internacia ĵurio.
Por pliaj informoj kiel partopreni vizitu
https://www.wikilovesmonuments.org/participate/
Amike
KuboF Hromoslav
Esperanto kaj Libera Scio