Wikimedia-eo

wikimedia-eo@lists.wikimedia.org

309 discussions

[ELiSo] Ĉu Vikimedio alinomiĝu al Vikipedio? La Estraro de ELiSo pledas por pli da inkluzivo kaj partopreno
by Michal Matúšov 01 Jul '20

01 Jul '20

Saluton. Nuntempe la Vikimedia Fondaĵo gvidas projekton pri ŝanĝo de marko de la Vikimedia movado. La projekto, kaj specife la maniero kiel ĝi estas kondukata, vokis multan intereson, tre negativan, inter diversaj Vikimediaj komunumoj. La Estraro de Esperanto kaj Libera Scio aliĝis al pledo por tuj paŭzigi aŭ haltigi la procezon kaj eventuale ĝin restarigi post pli bona preparo, kiu ebligos vastan partoprenon de komunumanoj. Pli multa fono estas en la plej nova artikolo en nia retejo: https://esperanto.wiki/2020/cu-vikimedio-alinomigu-al-vikipedio-esperantist… *Kion fari nun?* Via informita opinio pri la afero estas bonvena en jenaj lokoj: - esprimu vian opinion publike en la Peto pri komento – Ĉu la Fondaĵo devus nomi sin Vikipedio <https://meta.wikimedia.org/wiki/Requests_for_comment/Should_the_Foundation_…> - subskribu la komunuman malfermitan leteron <https://meta.wikimedia.org/wiki/Community_open_letter_on_renaming/eo> (se vi volas paŭzigon aŭ haltigon de la nuntempa alimarka procezo) Amike -- Michal Matúšov / Uzanto:KuboF Hromoslav Esperanto kaj Libera Scio (ELiSo) <https://esperanto.wiki/>

1 0

[ELiSo] [URĜA] Instrukcioj por partopreni Ĝeneralan asembleon 2020-1
by Michal Matúšov 16 May '20

16 May '20

Saluton! Por partopreni en la Ĝenerala asembleo faru: 1. membriĝu en Esperanto kaj Libera Scio - https://esperanto.wiki/alighilo/ 2. skribu mesaĝon al *vikimedio.esperanto(ĉe)gmail.com <http://gmail.com>* kaj vi aŭtomate ricevos respondon kun ligilo al video-renkontilo, kiun ni uzos 3. legu gravajn dokumentojn (ni voĉdonos pri ili): 1. Jarraporton pri 2019 - https://meta.wikimedia.org/wiki/Esperanto_kaj_Libera_Scio/Reports/2019 2. Jarplanon por 2020 - https://meta.wikimedia.org/wiki/Esperanto_kaj_Libera_Scio/Annual_agendas/20… 3. Statuton - https://esperanto.wiki/statuto/ 4. sabate, la 16-an de Majo je 18:00 UTK venu al video-renkontilo (por la ligilo vidu la punkton 2. ) Bonvolu memori, ke tiaspeca (virtuala) Asembleo estas (ankaŭ) por ni tute nova, kaj ankaŭ niaj retaj servoj estas novnaskitaj. Bv. estu iom pacienca pri ili. Kaj se vi volas komenti, ni aprezas la *konstruigajn* rimarkojn! Dankon kaj ni antaŭĝojas vidi vin dum nia 1-a Ĝenerala asembleo! Michal Matúšov (KuboF Hromoslav) Gvidanto de la Prepara komisiono

2 2

[ELiSo] Konsulto: domajno por ELiSo / VMEO
by KuboF Hromoslav 16 May '20

16 May '20

Saluton! En la Prepara komisiono ni diskutis pri domajno por nia retejo. Dume la plej preferata estas "esperanto.wiki". Estis ankaŭ aliaj proponoj, ekz. vikimedioesperanto, wikimediaespanto, vikimedioeo, wikimediaeo, vikimedio-esperanto ks. Ili havas problemojn pri troa longeco, tro multaj vokaloj kune, steketo... Ĉu vi hazarde trovas iun fortan kialon por ne uzi "esperanto.wiki"? Se neniu tia kialo venos tre baldaŭ (ĝis ĉirkaŭ sekva lundo), probable ni ekuzos tiun domajnon. Amike teĥnike KuboF Hromoslav Gvidanto de la Prepara komisiono

4 3

[ELiSo] Kiel aspektu nia statuto? Faru viajn proponojn!
by KuboF Hromoslav 12 May '20

12 May '20

Saluton! Prepariĝante al nia 1-a Ĝenerala asembleo, mi invitas vin esprimiĝi pri nia statuto. Kvankam la unua versio estis farita laŭ multjaraj spertoj de pluraj organizoj, estis iuj aferoj, kiujn vi eventuale povus voli ŝanĝi. Jen la ebleco! Por proponi ŝanĝon faru: 1. konsultu la Esperantan tradukon: https://mallonge.net/eliso-statuto2019 2. proponu viajn ŝanĝojn: https://forms.gle/u3Nw8omgrmj6nnwb7 3. publike konsultu viajn kaj aliulajn ŝanĝojn 4. dum la Ĝenerala asembleo ni traktos la proponojn *Mi atentigas*, ke *laŭplane* la ŝanĝoj aprobitaj fare de la Ĝenerala asembleo *ne* ekvalidos tuj. Anstataŭe, la nova statuto-malneto estos tradukita al la angla kaj sendita al la Komisiono pri aligitaj organizoj. La komisiono konsultos la statuton kaj laŭ ĝia respondos ni poste laboros (formale aprobos la novan statuton aŭ faros novajn ŝanĝojn). Amike KuboF Hromoslav Gvidanto de la Prepara komisiono

1 0

[ELiSo] Afrika monato - konkurso ĝis fino de Majo 2020
by KuboF Hromoslav 12 May '20

12 May '20

Saluton! Antaŭnelonge finiĝis populara artikol-verka konkurso *VikiPrintempo COE* kaj jam okazas nova - *Afrika monato*! [image: Vikimedia_Afrika_monato_2020_rubando-eo.png] Afrika monato, kiel jam nomo sugestas, invitas vin por verki aŭ plilongigi *artikolojn pri Afriko*. Ĝi okazos *ĝis fino de Majo 2020* en *Esperantaj Vikipedio kaj Vikivojaĝo* kaj premiojn provizis *Vinilkosmo* kaj *Amikumu*. Vi eble demandas vin "Kio estas Vikivojaĝo kaj kiel ĝi rilatas?". Vikivojaĝo celas helpi al esperantistoj vojaĝi sekure kaj agrable, provizante vojaĝgvidilojn. Sed la Esperanta versio dume bezonas vian helpon - ĝi atendas en Kovilo kaj dume serĉas (kaj iom post iom atingas) sian komunumon. Ni scias, ke veni al nova vikia projekto povas esti iom defia, ankaŭ ni tiel sentis kiam ni komencis! Tial, por instigi vin, *vi ricevas 2-oble pli multajn poentojn ĝuste en Vikivojaĝo*. *Venu jam hodiaŭ por partopreni al:* - *Vikivojaĝo* <https://incubator.wikimedia.org/wiki/Wy/eo/Vikivoja%C4%9Do:Afrika_monato_20…> - *Vikipedio* <https://eo.wikipedia.org/wiki/Projekto:Afrika_monato_2020> *Sponsoroj* Fine, mi dankas al niaj sponsoroj! [image: Vinilkosmo.jpg] *Vinilkosmo* estas *la* eldonejo de Esperant-lingva muziko, danke al kiu estas "verda scenejo" signife pli riĉa. Vinilkosmo donacis 2 tutjarajn abonojn de justa fluelsendejo - kun tunoj da Esperanta kaj ankaŭ alilingva muziko de diversaj ĝenroj. [image: Amikumu.png] *Amikumu* helpas vin trovi proksimajn homojn, kiuj parolas samajn lingvojn kiel vi. Ĝi celas al lingvolernantoj por helpi al praktikado, sed homoj ĝin proponis eĉ por tradukado en malsanulejoj! Amikumu donacis 2 *Orajn membrecojn* por 1 tuta jaro, kiuj plibonigas vian sperton, ekzemple virtuale "teleportante" vin al fora loko. Amuza fakto: unu el fondintoj de Amikumu fondis ankaŭ la Esperantan Vikipedion! Amike Afrike! KuboF Hromoslav Ĉeforganizanto de la Afrika monato en Esperanto

1 0

[ELiSo] Malneto de Jarplano por 2020 disponebla por konsulti kaj kontribui
by KuboF Hromoslav 08 May '20

08 May '20

Saluton! Ĉu vi havas brilan ideon pri laboro de Esperanto kaj Libera Scio en 2020? Eĉ pli bone, ĉu vi volas tion fari mem? Aŭ ĉu vi serĉas laboron, pri kiu vi volus helpi? Bone, tiaokaze venu al preparata *Jara plano por 2020* kaj aldonu vian ideon, komentu, aliĝu kiel helpanto: https://meta.wikimedia.org/wiki/Esperanto_kaj_Libera_Scio/Annual_agendas/20… Jam estas menciitaj multaj ideoj kaj ili ankoraŭ venos tra filtrilo de indeco kaj realigebleco. Fina formo estos prezentita dum la Ĝenerala asembleo, la 16an de Majo. Tamen, jam nun vi povas havi bonan ideon. Pri la Jarplano ni iom(et)e parolos ankaŭ sekvan dimanĉon (10a de Majo, ekde 15:00 UTK) dum testa voko per Jitsi por prepariĝi al Ĝenerala asembleo. [https://lists.wikimedia.org/pipermail/eliso/2020-May/000464.html] Amike KuboF Hromoslav Gvidanto de la Prepara komisiono Esperanto kaj Libera Scio

1 0

[ELiSo] Testa voko je 10a de Majo por prepari Ĝeneralan asembleon
by KuboF Hromoslav 08 May '20

08 May '20

Saluton. Post nur iomete pli ol semajno (la 16an de Majo ekde 18:00 UTK) okazos la 1a Ĝenerala asembleo de Esperanto kaj Libera Scio. Ĝi estos plene virtuala por ebligi tutmondan partoprenon. Kiel komunika platformo estas preferata libera Jitsi. Parte por fintesti ĝin kaj parte por iomete sociumi kaj diskuti temojn de la Ĝenerala asembleo, okazos mallonga (ĉ. 1 horo) voko dimanĉe la 10an de Majo ekde 15:00 UTK. Vi estas bonvena ĉe https://meet.jit.si/VMEO Programo (ne tro rigida) 1. Amika komenco 2. Ekkono de Jitsi 3. Kandidatoj por organoj de ELiSo 4. Konsulto de la traduko de la statuto - https://meta.wikimedia.org/wiki/Esperanto_kaj_Libera_Scio/bylaw 5. Konsulto de la malneto de la Jarplano por 2020 - https://meta.wikimedia.org/wiki/Esperanto_kaj_Libera_Scio/Annual_agendas/20… 6. Aliaj Amike KuboF Hromoslav Gvidanto de la Prepara komisiono Esperanto kaj Libera Scio

1 0

[ELiSo] Plurlingva konkurso pri aldonado de bildoj
by KuboF Hromoslav 08 May '20

08 May '20

Saluton. Venis propono partopreni en plurlingva Vikipedia konkurso pri aldonado de bildoj, kiuj jam estas en Komunejo, al artikoloj en Vikipedio. Ĝi ŝajnas esti bona por enkonduki novulojn ("la unua paŝo estas jam duono de la vojo") - ekzemple eblas fari (virtualan) redaktan maratonon kun instruado de bazoj pri Vikipedio. Mi dume ne multe esploris pri ĝi. Pliaj informoj estas en plusendita mesaĝo sube. Ĉu vi interesiĝas? Ĉu vi volas prizorgi ĝin nome de ELiSo? Skribu ĉi tie aŭ rekte al mi. Amike KuboF Hromoslav ---------- Forwarded message --------- Dear Esperanto kaj Libera Scio community, We are inviting you to participate in Vikipediaj Paĝoj Postulantajn Fotojn (WPWP) <https://meta.wikimedia.org/wiki/Wikipedia_Pages_Wanting_Photos/eo>, a new global contest scheduled to run from July through August 2020: <https://meta.wikimedia.org/wiki/Wikipedia_Pages_Wanting_Photos> Participants will choose among Wikipedia pages without photo images, then add a suitable file from among the many thousands of photos in the Wikimedia Commons, especially those uploaded from thematic contests (Wiki Loves Africa, Wiki Loves Earth, Wiki Loves Folklore, etc.) over the years. WPWP offers a focused task for guiding new editors through the steps of adding content to existing pages. It can be used to organize editing workshops and edit-a-thons. The organizing team is looking for a contact person at the Wikimedia User Group level (geographically or thematically) or for a language WP, to coordinate the project locally. We’d be glad for you to reply to this email, or sign up directly at WPWP Participating Communities <https://meta.wikimedia.org/wiki/Wikipedia_Pages_Wanting_Photos/Participatin…> Thank you, Deborah Schwartz Jacobs (User:Deborahjay / debjay.wpwp(a)gmail.com) Communities Liaison WPWP

1 0

[ELiSo] 1a Ĝenerala asembleo de ELiSo okazos la 16an de Majo 2020
by KuboF Hromoslav 15 Apr '20

15 Apr '20

Saluton. La 1a Ĝenerala asembleo de Esperanto kaj Libera Scio (ELiSo) okazos la 16an de Majo, ekde 18:00 UTK. La anonco estas ankaŭ en nia (provizora) retejo: https://meta.wikimedia.org/wiki/Esperanto_kaj_Libera_Scio La Ĝenerala asembleo estos virtuala por ebligi partoprenon de la tuta mondo. Precizajn instrukciojn por aliĝi ni dissendos en taŭga tempo antaŭ la Asembleo. Por ke vi certe estu sciigita, aliĝu al subtenantoj de ELiSo en https://meta.wikimedia.org/wiki/Esperanto_kaj_Libera_Scio#People_interested kaj al jenaj informaj kanaloj: - https://lists.wikimedia.org/mailman/listinfo/eliso-anoncoj (maloftaj gravaj anoncoj pri la organizo kaj foje pri vikimedi-movadaj aferoj) - https://www.facebook.com/pages/Esperanto-kaj-Libera-Scio/681900465164464 - https://twitter.com/ELiberaScio Se viaj Esperantaj amikoj aŭ kolegoj interesiĝas pri Vikipedio aŭ libera scio, bv. plusendi al ili tiun ĉi mesaĝon! Ili certe aprezos. Amike nome de la Prepara Komisiono KuboF Hromoslav

1 0

[ELiSo] Por kontrolo: dato de 1a Ĝenerala asembleo?
by KuboF Hromoslav 13 Apr '20

13 Apr '20

Saluton! Prepara Komisiono de Esperanto kaj Libera Scio diskutis pri la dato de nia unua Ĝenerala Asembleo kaj ĝia proponita (*ankoraŭ ne oficiala!*) tempo estas la *16a de Majo, ekde 18:00 UTK*. Supozebla daŭro estas 2-3 horoj (laŭeble plej multaj aferoj estos preparitaj kaj pridiskutitaj anticipe, por ŝpari asemblean tempon). Ĉu vi hazarde scias pri iu grava afero en tiu tempo, kiu estus en konflikto kun tiu dato? Bonvolu informi ĝis mardo, 20:00 UTK (por ke ni havu tempon alvoki la asembleon ĝustatempe). Asembleo okazos (precipe) virtuale. (eble, se estos permesite vojaĝi kaj vizitadi aliajn homojn, povos esti ankaŭ fizika parto de la asembleo ie en Slovakio, sed la bazo estos virtuala por ebligi tutmondan partoprenon) Teĥnikaj detaloj estas ankoraŭ solvindaj, sed plejprobable okazos video/son-voko, eble kun iu voĉdona sistemo. Amike Nome de la Prepara Komisiono KuboF Hromoslav

1 0

← Newer
1
...
8
9
10
11
12
13
14
...
31
Older →

Jump to page:

2025

2024

2023

2022

2021

2020

2019

2018

2017

2016

2015

2014

Wikimedia-eo