Saluton.
Ĉu vi planas partopreni UK-n 19 en Lahtio kaj ŝatas prezenti ELiSo-n dum
Movada Foiro? Temas pri prezentado en budo dum 1 vespero. Pliaj detaloj en
la plusendita mesaĝo sube.
Se vi volas partopreni, bonvolu informi en tiu ĉi dissendolisto por ke ni
ĉiuj sciu.
Amike
KuboF Hromoslav
---------- Forwarded message ---------
From: lowenstein, anna <anna.lowenstein(a)esperanto.org>
Date: št, 7. mar 2019 23:01
Subject: Movada Foiro - Fakaj asocioj G-M
To:
Se vi ne povas legi la supersignojn, bonvolu malfermi la aldonajhon.
*14-a Movada Foiro dum la UK en Lahtio*
*GRAVE:* Bonvolu resendi la respondilon ANTAŬ LA FINO DE MAJO.
La Movada Foiro estas grava okazo dum la Universala Kongreso, kiam ĉiuj
Landaj kaj Fakaj Asocioj kaj aliaj movadaj instancoj povas prezenti sian
agadon al la kongresanaro. Ĉiu asocio ricevos spacon ĉe tablo, kie ĝi
rajtos prezenti siajn afiŝojn, informfoliojn, eldonaĵojn, fotojn de sia
agado kaj simile.
*Dato* *de la Movada Foiro en Lahtio:* sabato, la 20-a de julio 2019.
*Ejo:* La Movada Foiro okazos tuj antaŭ la ĉefa kongresejo. Se la vetero ne
estos taŭga, ĝi okazos interne, sed pri tio ni povos informi nur kelkajn
tagojn anticipe.
*Komencohoro: *19h00. Ekspoziciantoj prefere venu je 18h30 por aranĝi siajn
tablojn.
*Financaj kondiĉoj:*
- Partopreno en la Movada Foiro estos senpaga.
- Partoprenantoj rajtos vendi siajn proprajn revuojn; ricevi kotizojn,
donacojn kaj kontribuojn; kaj akcepti mendojn kaj abonojn.
- Partoprenantoj *ne* rajtos mem vendi librojn kaj aliajn eldonaĵojn
(krom revuoj); tiuj povos esti vendataj nur de la kongresa Libroservo.
Tamen eblos ekspozicii siajn eldonaĵojn kaj direkti interesatojn al la
Libroservo.
*Renovigo de la Movada Foiro:*
Oftaj kongresanoj rimarkas tion, se la samaj informmaterialoj reaperadas en
la Movada Foiro ĉiujare. Prenu tion en konsideron, kiam vi pretigas vian
ekspozicion!
*Elektro kaj retaliro: *
Espereble la Movada Foiro okazos ekster la kongresejo, sed tiuokaze ne
estos elektro kaj interreto. Tial, se vi volos montri filmetojn aŭ aliajn
materialojn per komputilo, ni rekomendas ke vi elŝutu ilin anticipe, por ke
ili estu disponeblaj eĉ sen retaliro.
*Konfirmo de mendoj:*
Ĉiuj mendoj estos konfirmitaj.
Se post unu semajno vi ankoraŭ ne ricevis konfirmon, bonvolu skribi denove.
Bonvolu resendi la suban respondilon ANTAŬ LA FINO DE MAJO.
Sendante vian respondilon malfrue, vi kaŭzas kroman laboron al la
organizantoj.
- Nomo de asocio:
- Nomo kaj kontaktadreso (prefere reta) de respondeculo:
- Bonvolu indiki unu el la tri subaj respondoj.
1. Nia asocio deziras ricevi tablon por prezenti nian agadon dum la Movada
Foiro.
2. Nia asocio NE deziras partopreni la Movadan Foiron.
3. Ni esperas partopreni la Movadan Foiron, sed ni ankoraŭ ne certas, ĉu
reprezentanto de nia asocio ĉeestos la kongreson.
Bonvolu resendi ĉi tiun respondilon rete aŭ poŝte al:
Anna Lowenstein
22 St Pancras Court
High Road
London N2 9AE
UK
Tel: 00-44-(0)20 8444 2018
0794 313 7891
anna.lowenstein(a)esperanto.org