New subject: [Wikiml-l] എല്ലാ ഭാഷയിലും വേണ്ട ലേഖനങ്ങളുടെ പട്ടിക.

20 Jan 2013

എല്ലാ ഭാഷയിലും ആവശ്യമായ ലേഖനങ്ങളുടെ പട്ടിക അനുസരിച്ചുള്ള സ്ഥാനനിർണ്ണയത്തിൽ മലയാളം
വിക്കിപ്പീഡിയ ജനുവരി മാസത്തെ കണക്കനുസരിച്ച് നാൽപ്പത്തി രണ്ടാം സ്ഥാനത്താണ്. നമുക്ക് ഈ
പട്ടികയിൽ നല്ല മുന്നേറ്റം നടത്താൻ സാധിക്കും എന്ന് തോന്നുന്നു. 

1. മലയാളത്തിൽ ഇല്ലാതിരുന്ന 32 ലേഖനങ്ങൾക്ക് ഈ മാസം ഇതുവരെസ്റ്റബുകൾ സൃഷ്ടിക്കപ്പെട്ടു.
2. ഇനി വേണ്ടത് സ്റ്റബുകളെ വികസിപ്പിക്കുകയാണ്. 10k -ൽ താഴെ വലിപ്പമുള്ള താളുകളെ ഈ പട്ടികയിൽ
സ്റ്റബായാണ് കണക്കാക്കുന്നത്. 10-30k വരെ വലിപ്പമുള്ളവ ആർട്ടിക്കിളുകളായും 30k-ൽ കൂടുതൽ
വലിപ്പമുള്ളവയെ ബൃഹത്തായ ആർട്ടിക്കിളുകളായും കണക്കാക്കുന്നു. 

3. മലയാളം ഭാഷയ്ക്ക് ഇതിൽ ഒരു അന്യായമായ അഡ്വാന്റേജുണ്ട്. വാക്കുകളുടെ എണ്ണം ഒന്നാണെങ്കിലും
താളിന്റെ ബൈറ്റുകൾ ഇംഗ്ലീഷുമായി തട്ടിച്ചു നോക്കുമ്പോൾ മലയാളത്തിന് കൂടുതലാണ്. ഇപ്പോൾ തന്നെ
കാറ്റല ഭാഷയാണ് ഇംഗ്ലീഷിനേക്കാൾ ഈ പട്ടികയിൽ മുന്നിൽ. മലയാളത്തിനും അത് സാധിക്കും.

4. ഈ പട്ടികയിലെ ബൃഹത്തായ താളുകൾ 80-ഓളമാണ് ഇപ്പോൾ മലയാളത്തിലുള്ളത്. ഇതിനെ 900
ആക്കുകയാണെങ്കിൽ ഇപ്പോഴത്തെ സ്ഥിതി വച്ച് മലയാളം ഒന്നാം സ്ഥാനത്തെത്തും.

ഒത്തുപിടിച്ചാലോ? 

അജയ്