കൂടാൻ ആളുണ്ടെങ്കിൽ വിക്കിപീഡിയയിലെ *ഒറ്റവരി നിർമാർജ്ജനം* പോലെ, ഗ്രന്ഥശാലയിൽ *തെറ്റുതിരുത്തൽ പദ്ധതി* തുടങ്ങാവുന്നതേ ഉള്ളു. ഗ്രന്ഥശാലയുടെ പ്രശ്നം, സ്ഥിരമായ ഉപയോക്താക്കൾ ഇല്ലെന്നതാണ്. അതുകൊണ്ട് തന്നെ എത്ര നാൾ ഒരു പദ്ധതി ജീവിക്കും എന്ന് ഉറപ്പില്ല. തീരാതെ നിൽക്കുന്ന ഉള്ളൂർ സമാഹരണം തന്നെ ഉദാഹരണം. എന്തായാലും ഈ മെയിലിന് നന്ദി, കുറച്ചുനാൾ ഇനി തെറ്റുതിരുത്തലിൽ കൈ വെയ്ക്കാം... Regards, Balasankar C 2013, മേയ് 31 9:08 PM ന്, shaji arikkad <shajiarikkad(a)gmail.com> എഴുതി: _______________________________________________ Wikiml-l is the mailing list for Malayalam Wikimedia Projects email: Wikiml-l(a)lists.wikimedia.org Website: https://lists.wikimedia.org/mailman/listinfo/wikiml-l To stop receiving messages from Wikiml-l please visit: https://lists.wikimedia.org/mailman/options/wikiml-l

പ്രധാന താളിൽ ചെറിയ വിശദീകരണക്കുറിപ്പുകളോടെ, മൂന്നോ നാലോ വിധത്തിൽ ലിസ്റ്റുകളുണ്ടാക്കിയിടാം: 1. പ്രസിദ്ധീകരണയോഗ്യമായി പൂർത്തിയായവ 2. പിഴവുകൾ പൂർണ്ണമായി തീർക്കാത്ത, എന്നാൽ സാമാന്യം വായനയ്ക്കു് ഉപയോഗിക്കാവുന്നതും ഉപയോക്താക്കൾക്കു് ഉത്സാഹമുണ്ടെങ്കിൽ മെച്ചപ്പെടുത്താവുന്നവയും. 3. ഇപ്പോൾ ജോലിയുടെ പുരോഗതി നടക്കുന്നവ. 4. ആസൂത്രണത്തിലിരിക്കുന്നവ (Wish list) 2013/5/31 സുനിൽ (Sunil) <vssun9(a)gmail.com> പ്രസിദ്ധീകരിക്കുക എന്നുദ്ദേശിക്കുന്നത്, പ്രധാനതാളിൽ പേരുചേർക്കുക എന്നാണോ? _______________________________________________ Wikiml-l is the mailing list for Malayalam Wikimedia Projects email: Wikiml-l(a)lists.wikimedia.org Website: https://lists.wikimedia.org/mailman/listinfo/wikiml-l To stop receiving messages from Wikiml-l please visit: https://lists.wikimedia.org/mailman/options/wikiml-l

പുതിയതായൊരാൾ വന്ന് ഇങ്ങനെയൊരു പുസ്തകം എടുത്തു നോക്കിയാൽ എന്താണു തോന്നുക? ഇത് ശരിയായ ടെക്സ്റ്റ് ആണെന്നു വിശ്വസിച്ചാൽ അയാളെ തെറ്റു പറയാൻ കഴിയുമോ? അതുകൊണ്ട് തെറ്റുതിരുത്തൽ വായന കഴിയാത്തവയാണെങ്കിൽ അത് പ്രത്യേകം അടയാളപ്പെടുത്തി തന്നെ കാണിക്കുന്നതായിരിക്കും ഉചിതം-പ്രധാനപേജിൽ പ്രദർശിപ്പിക്കുകയാണെങ്കിൽ. അല്ലെങ്കിൽ ആ കൃതി തുറക്കുമ്പോൾ അതിനു മുകളിലെങ്കിലും ഇങ്ങനെ ഒരു ഫലകം ചേർക്കാൻ കഴിയുകയാണെങ്കിൽ അത് നന്നായിരിക്കും. വായിക്കാനായി എത്തുന്നൊരാൾ അതിന്റെ സ്രോതസ്സിൽ പോയി തിരുത്താൻ കൂടിയാൽ അതും ഗുണമാകുമല്ലോ. 2013, മേയ് 31 9:18 PM ന്, സുനിൽ (Sunil) <vssun9(a)gmail.com> എഴുതി: പ്രസിദ്ധീകരിക്കുക എന്നുദ്ദേശിക്കുന്നത്, പ്രധാനതാളിൽ പേരുചേർക്കുക എന്നാണോ?

നിലവിലുള്ള അവിടത്തെ രീതിയനുസരിച്ച് മൂലകൃതി ടൈപ്പ് ചെയ്ത് കഴിഞ്ഞാല്‍ പ്രസിദ്ധീകരിക്കുകയാണ് ചെയ്യുന്നത്. 19 പേജില്‍ 3 പേജ് പ്രൂഫ് റീഡ് വായിച്ചിട്ടുണ്ടെന്ന് കാണുന്നു (ടൈപ്പ് ചെയ്തത് തീര്‍ന്നതായി അറിയ്പ്പ് ഇട്ടിട്ടും പ്രൂഫ് റീഡ് ചെയ്യാന്‍ ആരും താല്പര്യം കാണിച്ചില്ലെന്നത് ഖേദകരമാണ്). മുഴുവന്‍ പ്രൂഫ് റീഡ് ചെയ്തിട്ടേ പ്രസിദ്ധീകരിക്കാവൂ എന്ന നിബന്ധനവച്ചാല്‍ എനിക്ക് തോന്നുന്നു ഒരു കൈയ്യിലെണ്ണാവുന്ന കൃതികളെ ഉണ്ടാവൂ. :) സോഴ്സ് സ്കാനില്ലാതെ നിലവില്‍ പ്രസിദ്ധീകരിച്ചിരിക്കുന്ന ഐതിഹ്യമാലയിലും സത്യവേദപുസ്തകത്തിലും വരെ ധാരാളം തെറ്റുകളുണ്ടെന്നറിയാം. തിരുത്താനുള്ള സന്നദ്ധപ്രവര്‍ത്തകര്‍ എത്തുന്നതുവരെ ഇത് ക്ഷമിക്കുകയേ വഴിയുള്ളൂ. അക്ഷരതെറ്റുകള്‍ മാനുഷികമാണ്. ഒരു തവണ പ്രൂഫ് റീഡ് ചെയ്തതുകൊണ്ട് മാത്രം അത് പരിഹരിക്കപെടണമെന്നില്ല. ഇവിടെ അക്ഷരത്തെറ്റെന്ന് സംശയം തോന്നുന്നുവെങ്കില്‍ അത് പരിശോധിക്കാനുള്ള സംവിധാനമെങ്കിലും കുറച്ച് കൃതികളില്‍ ലഭ്യമാണെന്ന് മനസ്സിലാക്കുക. ഗ്രന്ഥശാലയിലെ ബാക്കിയുള്ള, സ്കാനില്ലാത്ത കൃതികളില്‍ തെറ്റില്ലെന്ന് ഉറപ്പിച്ച് പറയാനാകുമോ. ഒറ്റനോട്ടത്തില്‍ വളരെ വലിയ അക്ഷരതെറ്റുകളൊന്നും ശ്രദ്ധയില്‍ പെട്ടിട്ടില്ല. രേഫമുള്ള പേജുകളില്‍ കുറച്ച് ദിവസങ്ങള്‍ മുമ്പ് ഐപ്പിയില്‍ നിന്ന് തിരുത്തലുകള്‍ വന്നിരുന്നു. അത് എന്‍കോഡ് ചെയ്തിരിക്കുന്ന രേഫം കാണാനുള്ള ഫോണ്ടില്ലാത്തതിനാല്‍ അതിനെ (ര്‍) ആക്കി തിരുത്തിയതായിരുന്നു. ഇതുപോലുള്ള അക്ഷരതെറ്റുകളാണോ ഉദ്ദ്യേശിക്കുന്നത്. 2013/5/31 shaji arikkad <shajiarikkad(a)gmail.com> _______________________________________________ Wikiml-l is the mailing list for Malayalam Wikimedia Projects email: Wikiml-l(a)lists.wikimedia.org Website: https://lists.wikimedia.org/mailman/listinfo/wikiml-l To stop receiving messages from Wikiml-l please visit: https://lists.wikimedia.org/mailman/options/wikiml-l

നാരായണസ്വാമിതന്റേ കഥാമ്രുതം. ഇതു പോലുള്ള തെറ്റുകളാണ് ഉദ്ദേശിച്ചത്. ഇത് തെറ്റാണെന്ന് ഒറ്റ നോട്ടത്തിൽ മനസ്സിലാവുന്നതിനാൽ കുഴപ്പമില്ല. ചിലത് അങ്ങനെ മനസ്സിലാവില്ല. അത് തെറ്റായ പാഠത്തെ ശരിയാണെന്ന് ധരിക്കാൻ ഇടയാക്കും. ("അധികം മൂടുന്നു വിരഞ്ഞപ്പുമാന്‍ കാണാതെ, ഹന്ത! മൃതിയിലും മഹിളമാര്‍ മറക്കാ മാനം!" ഇതിലെ മറക്കാ മാനം" എന്നത് ഒരു പ്രസിദ്ധീകരണശാലയുടെ ഒരു എഡിഷനിൽ 'മറയ്ക്കാ മാനം' എന്നായിപ്പോയത്രെ. ഇതെത്രത്തോളം അബദ്ധമാകും എന്നു പറയേണ്ടതില്ലല്ലോ.) അതുകൊണ്ടുതന്നെ ചില തെറ്റുകൾ നമ്മൾ വിചാരിക്കുന്ന അത്ര ലളിതമാവില്ല. ഇതൊക്കെയാണെങ്കിലും തെറ്റുവരാനുള്ള സാദ്ധ്യതയെ അംഗീകരിക്കുന്നു. എങ്കിലും തെറ്റുതിരുത്തൽ വായന നടക്കാത്ത വേരിതിരിച്ചു കാണിക്കാനുള്ള ഒരു സംവിധാനം വേണമെന്നു തന്നെ തോന്നുന്നു. ഇത് ഡൗൺലോഡ് ചെയ്ത് ഉപയോഗിക്കുന്നവർക്ക് സ്രോതസ്സിൽ ചെന്ന് തെറ്റുതിരുത്താൻ പോലും കഴിയില്ലെന്നോർക്കണം. അങ്ങനെയുള്ളവർക്ക് ഇതിന്റെ അവസ്ഥ ബോധ്യപ്പെടാനെങ്കിലും ഇതുപകരിക്കും. 2013, മേയ് 31 9:50 PM ന്, manoj k <manojkmohanme03107(a)gmail.com> എഴുതി: നിലവിലുള്ള അവിടത്തെ രീതിയനുസരിച്ച് മൂലകൃതി ടൈപ്പ് ചെയ്ത് കഴിഞ്ഞാല്‍ _______________________________________________ Wikiml-l is the mailing list for Malayalam Wikimedia Projects email: Wikiml-l(a)lists.wikimedia.org Website: https://lists.wikimedia.org/mailman/listinfo/wikiml-l To stop receiving messages from Wikiml-l please visit: https://lists.wikimedia.org/mailman/options/wikiml-l