Saluton.

Mi nur koncize informas pri la rezultoj: * Temajn semajnojn havas (en koncernaj lingvoj) nur la pola Vikipedio, kiu jam planis temojn por la sekva duonjaro (organizas ilin la komunumo; VMPL nur provizas premiojn). Estas subteno por havi Esperantan semajnon, bazan premion provizus VMPL, eble aldonan iu Pollanda E-organizo. Antaŭ la koncerna semajno povus okazi ĉeesta trejnado kun redakta maratono (ekz. dum Arkones). * Neniu krom mi vere subtenis kreadon / plibonigadon de maŝinaj tradukiloj. Nura escepto estas poloj pri la partio pl-cs, ĉar tiu parto jam estas duonpreta per Apertium.

Amike KuboF

Dňa 25.11.2016 3:23 AM používateľ "Michal Matúšov" kubof@i-espero.info napísal:

Saluton.

Iom malfrue (pro malsano), sed tamen mi informas, ke hodiaŭ mi iros al semajnfina renkontiĝo de Vikimedio Slovakio, Vikimedio Ĉeĥio kaj Vikimedio Pollando, kie ni diskutos kaj planos pli intensan kunlaboradon inter niaj asocioj. Mi cerbumas kiel enplekti Esperanton en la estontan kunlaboradon. Dume mi pripensis:

• temaj semajnoj (esperantistoj verkas en la Esperantan Vikipedion pri

Pollando, pollingvanoj verkas en la Pollingvan Vikipedion pri Esperantio ktp);

• partoprenado en la Zamenhofa jaro (ene de TEJO mi zorgas pri bona

multlingva prezento de Zamenhof en Vikipedioj) - tio povus interesi precipe polojn;

• instigo al kunlaborado kun landaj Esperantaj organizoj por

ciferecigado de libroj por Vikifontaro (por tio estus fakte utila multe pli grandskala organizado, ĉar pluraj homoj skanas, iuj transskribas librojn kaj apenaŭ iu havas aliron al la rezultoj - mi timas, ke sen tia kunordigado oni denove faradus duoblan laboron; sed ĉiuokaze mi povas instigi la vikimedianojn por serĉi aliancanojn tiutemajn);

• (iom pli peza) kunlaborado pri kreado de maŝinaj tradukiloj inter la

(ĉefaj) lokaj lingvoj kaj Esperanto.

Kiel vi vidas, nur la unuaj 2 ebloj estas sufiĉe realigeblaj, do mi ŝatus koni viajn proponojn kaj rimarkojn!

KuboF Hromoslav (Michal Matúšov)