Re: [Wikiml-l] വിക്കിമാനിയ സ്കോളർഷിപ്പ് (അവസാന തീയതി ജനുവരി 9)

പ്രിയപ്പെട്ടവരെ, ഈ വർഷത്തെ വിക്കിമാനിയ സംഗമം ജൂൺ മാസം ഒടുവിൽ ഇറ്റലിയിലെ എസീനോ ലാരിയോയിൽ (Esino Lario‌) വെച്ച് നടക്കുകയാണ്. അതിൽ പങ്കെടുക്കാൻ താത്പര്യമുള്ളവർക്ക് പങ്കെടുക്കാനായി സ്കോളർഷിപ്പ് ആവശ്യമുണ്ടെങ്കിൽ അതിനുള്ള അപേക്ഷ ഇപ്പോഴാണ് നൽകേണ്ടത്. ജനുവരി 9 ആണ് സ്കോളർഷിപ്പിന് അപേക്ഷിക്കാനുള്ള അവസാന തീയതി. 'സ്വയം പ്രഖ്യാപിത വിക്കി തൽപ്പരർ'ക്കും 'അഹോരാത്രം വിക്കിക്ക് വേണ്ടി വിക്കിക്കു പുറത്ത് പ്രവർത്തിക്കുന്നവർക്കും' ഒക്കെ ഉണ്ടായിരുന്നതിലും അധികം പ്രാധാന്യം "വിക്കിമീഡിയ പദ്ധതികളിൽ പ്രവർത്തിക്കുന്ന വിക്കിമീഡിയ ഉപയോക്താക്കൾക്ക്" തന്നെ അതിനായി ഉണ്ടെന്നാണ് കാണുന്നത്. ;-) സ്കോളർഷിപ്പിനെക്കുറിച്ചുള്ള വിവരങ്ങൾ https://wikimania2016.wikimedia.org/wiki/Scholarships എന്ന താളിൽ കാണാവുന്നതാണ്. താങ്കൾക്ക് യോഗ്യത ഉണ്ട് എന്നാണ് താങ്കൾ കരുതുന്നതെങ്കിൽ ഉടൻ തന്നെ അപേക്ഷിക്കുക. വിക്കിമീഡിയ പദ്ധതികളിലും പുറത്തും ചെയ്തിട്ടുള്ള കാര്യങ്ങൾ വിശദമായി തന്നെ *നല്ല ഇംഗ്ലീഷിൽ* അപേക്ഷയിൽ ഉൾപ്പെടുത്തുക. ചെയ്ത കാര്യങ്ങളെക്കുറിച്ചുള്ള ലിങ്കുകൾ ഉണ്ടെങ്കിൽ അത് അപേക്ഷയിൽ ചേർക്കുക. വിക്കിമീഡിയ പദ്ധതികളുടെ "ഭൂതം, വർത്തമാനം, ഭാവി" വിഷയങ്ങളിലെന്തിലെങ്കിലും (അല്ലെങ്കിൽ ബന്ധപ്പെട്ട വിഷയങ്ങളിൽ) നല്ലൊരു പ്രസന്റേഷനുള്ള വിഷയവും ചെറിയൊരു വിശദീകരണവും ആദ്യമേ തയ്യാറാക്കി സമർപ്പിച്ചത് ( https://wikimania2016.wikimedia.org/wiki/Submissions), സ്കോളർഷിപ്പിനുള്ള അപേക്ഷയിൽ ചോദിച്ചിരിക്കുന്ന ഭാഗത്ത് ചേർക്കുന്നത്, അപേക്ഷ പരിശോധിക്കുന്നവർക്ക് കൂടുതൽ മതിപ്പുണ്ടാകാനിടയാക്കും എന്നാണ് തോന്നുന്നത്. കാര്യങ്ങള് വെടിപ്പായി നടക്കട്ടെ, പുതുവത്സരാശംസകൾ പ്രവീൺ _______________________________________________ Wikiml-l is the mailing list for Malayalam Wikimedia Projects email: Wikiml-l(a)lists.wikimedia.org Website: https://lists.wikimedia.org/mailman/listinfo/wikiml-l To stop receiving messages from Wikiml-l please visit: https://lists.wikimedia.org/mailman/options/wikiml-l