Re: [Wikiml-l] ഒരു ദശലക്ഷം മലയാളം ലേബലുകൾ - ലേബൽ-എ-തോൺ - വിക്കിഡാറ്റ

പ്രിയപ്പെട്ടവരേ, വിക്കിമീഡിയ സംരംഭങ്ങള്‍ ജനകീയമാക്കുന്നതിന്‍റെ ഭാഗമായി സെപ്തംബർ 1 മുതൽ 2 വരെയുള്ള തീയതികളിൽ വിക്കിഡാറ്റയിൽ 48 മണിക്കൂർ "ഓണം ലേബൽ-എ-തോൺ" എന്ന പേരില്‍ ഓൺലൈൻ തിരുത്തൽ യജ്ഞം സംഘടിപ്പിച്ചിരുന്നു. കേരളവും മലയാളവുമായി ബന്ധപ്പെട്ട ഇനങ്ങളിൽ മലയാള ഭാഷയിലുള്ള പേരുകൾ (ലേബലുകൾ) ചേർക്കുകയും മെച്ചപ്പെടുത്തുകയും ചെയ്യുക എന്ന ഉദ്ദേശത്തോടെ നടത്തിയ ആ 48 മണിക്കൂർ തിരുത്തൽ യജ്ഞത്തില്‍ 11,564 പുതിയ ലേബലുകൾ ചേർക്കപ്പെട്ടു. നിലവിൽ വിക്കിഡാറ്റയിൽ 491,921 ഇനങ്ങളിൽ മലയാളത്തിൽ ലേബലുകൾ ഉണ്ട്. വിക്കിഡാറ്റയിൽ ഒരു ദശലക്ഷം മലയാള ലേബലുകൾ ചേർക്കുക എന്ന ലക്ഷ്യത്തോടെ "*ഒരു ദശലക്ഷം മലയാളം ലേബലുകൾ*" എന്ന പേരിൽ വീണ്ടും ഒരു ലേബൽ-എ-തോൺ സംഘടിപ്പിക്കുന്നു. ഈ പരിപാടിയുടെ പ്രാഥമിക ലക്ഷ്യം ഒരു വർഷത്തിനുള്ളിൽ വിക്കിഡാറ്റയിൽ ശരിയായ ഒരു ദശലക്ഷം മലയാളം ലേബലുകൾ ചേർക്കുക എന്നതാണ്. കൂടാതെ നിലവിൽ ഉള്ളവ മെച്ചപ്പെടുത്താന്‍ ശ്രമിക്കുകയും ചെയ്യാം. ഈ തിരുത്തൽ യജ്ഞത്തിൽ പങ്കെടുക്കാനായി താങ്കളെ ക്ഷണിക്കുന്നു. കൂടുതൽ വിവരങ്ങൾക്ക് പരിപാടിയുടെ വിക്കിഡാറ്റ താൾ[1] സന്ദർശിക്കുകയും പങ്കെടുക്കുന്നവരുടെ വിഭാഗത്തിൽ താങ്കളുടെ പേര് ചേർത്ത് ഇതിൽ പങ്കാളിയാവുകയും ചെയ്യുക. ഈ പദ്ധതി വിജയകരമാക്കിത്തീർക്കുവാൻ താങ്കളുടെ സഹകരണം പ്രതീക്ഷിക്കുന്നു. തീയതി: 30/10/2020 - 29/10/2020 സമയം: 1 വർഷത്തിനുള്ളിൽ [1] https://www.wikidata.org/wiki/Wikidata:WikiProject_Kerala/Events/One_millio… സ്നേഹത്തോടെ ജിനോയ്‌ Email: jinoytommanjaly(a)gmail.com *Please don’t print this e-mail unless you really need to.Every 3000 sheets consume a tree. Conserve Trees for a better tomorrow!*