Saluton.
Ariel Palmer, oficisto de TEJO, proponis kreon de reklamaj videoj dum JES (jarfine en Pollando) - vidu la mesaĝon sube.
Mi petis iujn videojn por ELiSo; jen miaj ideoj:
1. Vikipedio 2. Vikimedia movado ĝenerale, baza prezento de la projektoj (do Vikipedio kaj aliaj) 3. Fotokonkurso pri Zamenhof-Esperantaj objektoj
Mi kun Venca24, dum JES ankaŭ gvidos Vikimedian trejnadon do ni povos ĝin utiligi por filmado.
Tamen, mi ne plej spertas pri kreado de scenaro por videoj. Ĉu iu ĉi tie pretas helpi por prepari ĝin? La helpo estas esenca!
Amike KuboF Hromoslav gvidanto
---------- Forwarded message ---------- From: Ariel palmerstudio@hotmail.it Date: 2017-11-02 17:15 GMT+01:00 Subject: [tejo-komitato] Registrado de reklamvideoj dum JES en Pollando To: TEJO-Komitato tejo-komitato@googlegroups.com
Karaj komitatanoj,
Ĉu vi organizas kurson de Esperanto en via lando kaj volas sciigi homojn pri ĝi? Ĉu vi organizas esperantan renkontiĝon kaj volas reklami ĝin? Ĉu vi volas reklami vian esperantan projekton?
TEJO donas al vi la eblon registri reklamvideojn dum la Junulara E-Semajno en Pollando. Mi estas Ariel, mi estos je via dispono por realigi kun vi reklammaterialon por viaj kursoj/eventoj/projektoj, por pli bone atingi vian publikon.
Skribu al mi persone por priparoli viajn bezonojn kaj ideojn. Kaj se vi ankoraŭ ne certas pri kio ekzakte vi volas fari, ne gravas, skribu al mi ĉiukaze. Ekzemple se vi bezonas reklami vian eventon sed vi ankoraŭ ne certas pri la datoj, tio ne gravas, ni povas aldoni grafikaĵon kiam ili disponeblos. Ni povas ankaŭ skribi kune la tekston de via video.
Ekzemplo de reklamfilmeto por E-kurso kiun mi faris por Centro Esperanto Torino: https://www.facebook.com/esperantotorino/videos/819349801523295/
Dum la evento mi realigos multe da materialo, do vere gravas ke vi kontaktu min kiel eble plej frue por organizi nian laboron kaj por ke mi povu difini la laborplanon kaj kalendaron.
Skribu al mi retpoŝte al: ariel.palmer(ĉe)tejo.org En Facebook: https://www.facebook.com/arielpalmer En Telegram: @arielpalmer
Kunlaboreme, Ariel