സുഹൃത്തുക്കളെ
ഞാൻ ഒരു തുടക്കക്കാരനാണ്. എന്നാലും രണ്ട് ദിവസം തുടർച്ചയായി (19ന് എറണാകുളം, 20ന് വയനാട്) വിക്കി സംരംഭങ്ങളിൽ പങ്കെടുക്കാനായതിൽ സന്തോഷമുണ്ട്. രണ്ടിടത്തും ശ്രദ്ധിച്ച ഒരു കാര്യം സൂചിപ്പിക്കണമെന്ന് തോന്നുന്നു.
19ന് എറണാകുളത്ത് കൊച്ചി റിഫൈനറി എന്ന താൾ ചേർത്തുകൊണ്ടാണ് പഠനശിബിരം നടത്തിയത്. താൾ ഉണ്ടാക്കിയ ഉടനെ ഉല്പ്പന്നങ്ങൾ എന്ന കാറ്റഗറിയിൽ നിന്ന് ‘ഡീസൽ‘ എന്ന വാക്ക് ലിങ്ക് ആക്കി കാണിക്കാൻ നോക്കിയപ്പോൾ ... അത് മറ്റാരോ ലിങ്ക് ആക്കി കഴിഞ്ഞിരുന്നു. ഉടനെ മറ്റൊരു വാക്ക് നോക്കി. അപ്പോൾ അതും ലിങ്കായിക്കഴിഞ്ഞിരുന്നു. ആദ്യത്തെ പ്രാവശ്യം ഒരു കൗതുകം ഉണ്ടാക്കിയെങ്കിലും രണ്ടാമത്തെ പ്രാവശ്യം ഇക്കാര്യം ആവർത്തിച്ചപ്പോൾ അല്പ്പം നീരസം തോന്നി.
ഇക്കാര്യം അന്ന് വൈകീട്ട് തന്നെ ഷിജു അലൿസിനെ അറിയിക്കുകയും ചെയ്തിരുന്നു. എറണാകുളത്ത് വെച്ച് അനൂപുമായും ഡോ:ഫുഹാദുമായും ഇതേപ്പറ്റി സംസാരിക്കാൻ വിട്ടുപോയതിൽ ഖേദിക്കുന്നു.
20ന് വയനാട്ടിൽ പാക്കം എന്ന സ്ഥലത്തെപ്പറ്റിയുള്ള താൾ ആരംഭിച്ചുകൊണ്ടാണ് ഹബീബ് വിക്കി പഠനശിബിരം നടത്തിയത്. പ്രസ്തുത ലേഖനത്തിൽ ഒരു ലിങ്ക് ഉണ്ടാക്കി കാണിച്ച് കൊടുക്കാനായി വെച്ചിരുന്ന ‘കുറവ‘ എന്ന വാക്ക് സെക്കന്റുകൾക്കകം മറ്റാരോ ലിങ്കാക്കി മാറ്റി. അവിടെയുള്ളവർക്ക് കൗതുകം തന്നെയായിരുന്നു. പക്ഷെ, എനിക്കത് ആദ്യപ്രാവശ്യം തന്നെ വിഷമം ഉണ്ടാക്കി. വയനാട് പഠനക്ലാസ്സ് തുടങ്ങുന്നതിന് മുന്നേ എറണാകുളത്തെ അനുഭവം ഞാൻ ഹബീബുമായി പങ്കുവെച്ചിരുന്നു.
ഇനി ഒരു നിർദ്ദേശം പറയട്ടെ. പഠനശിബിരങ്ങൾ നടത്തുമ്പോൾ തയ്യാറാക്കാൻ പോകുന്ന പേജിനെപ്പറ്റി മെയിലിങ്ങ് ഗ്രൂപ്പ് വഴി എല്ലാവരേയും വിവരം അറിയിക്കുക. കുറച്ച് നേരത്തേക്കെങ്കിലും ആ താളിൾ മറ്റാരും തിരുത്തുകൾ വരുത്തരുതെന്ന് മുൻകൂട്ടി അഭ്യർത്ഥിക്കുക. പഠിക്കാൻ വന്നിരിക്കുന്നവർക്ക് കൗതുകം തോന്നിപ്പിക്കാനായി പ്രീ പ്ലാൻഡ് ആയി ഇങ്ങനെ മറ്റൊരിടത്തുനിന്ന് ലേഖനത്തിൽ ലിങ്ക് ഉണ്ടാക്കൽ എന്തെങ്കിലും ഒരു പ്രാവശ്യം ചെയ്യുന്നത് നന്നായിരിക്കും. പക്ഷെ പല പ്രാവശ്യം അതാകുമ്പോൾ പഠനം നടത്താൻ പറ്റുന്നില്ല. ഒരുപാട് സമയവും പാഴാകുന്നു.
ഒരു തുടക്കക്കാരന്റെ ബാലിശമായ അഭിപ്രായമാണിത് എന്ന് തോന്നിയെങ്കിൽ ക്ഷമിക്കുക, പക്ഷെ ഇതിന് എന്തെങ്കിലും പരിഹാരം കാണാൻ ശ്രമിക്കണമെന്ന് അഭിപ്രായമുണ്ട്.
-നിരക്ഷരൻ
2011/2/21 Salih Kallada ksali2k@gmail.com
വിക്കി ശില്പശാലയില് ഇതുവരെ എനിക്ക് പങ്കെടുക്കാന് സാധിച്ചിട്ടില്ല.
നാട്ടില് അവധിക്കാലത്ത് വരുമ്പോള് തീര്ച്ചയായും സാധിക്കും എന്ന് കരുതുന്നു.
With Regards,
*Salih Kallada** (**ഏറനാടന്*)
*Please Read:-*
http://eranadanpeople.blogspot.com
http://mycinemadiary.blogspot.com
http://eranadansounds.blogspot.com
http://retinopothi.blogspot.com
2011/2/21 Habeeb | ഹബീബ് lic.habeeb@gmail.com
സുൽത്താൻബത്തേരി താലൂക്ക് ലൈബ്രറി കൌൺസിലിന്റെ ആഭിമുഖ്യത്തിൽ വയനാട് ജില്ലയിലെ കുറുവ ദ്വീപിൽ വച്ച് 2011 ഫെബ്രുവരി 19, 20 തിയതികളിലായി നടന്ന പ്രവർത്തക ശിൽപ്പശാലയുടെ രണ്ടാം ദിവസം വിക്കിപീഡിയയെക്കുറിച്ച് ഒരു സെഷൻ അവതരിപ്പിക്കാൻ കഴിഞ്ഞ വിവരം സന്തോഷപൂർവ്വം അറിയിക്കുന്നു. പ്രസ്തുത സെഷനിൽ വിക്കിയെയും അനുബന്ധ സംരംഭങ്ങളേയും പറ്റിയും വിക്കിയിൽ ലേഖനമെഴുതുന്നതെങ്ങിനെയെന്നും സദസ്സിന് പരിചയപ്പെടുത്തി.
[image: kuruva wiki session.JPG] ശിൽപ്പശാലയിൽ വിക്കിപീഡിയയെക്കുറിച്ച് സംസാരിക്കുന്ന ഹബീബ്. ഒപ്പം വേദിയിൽ മറ്റൊരു വിക്കി പ്രവർത്തകനായ മനോജ് രവീന്ദ്രൻ (നിരക്ഷരൻ), തൃശ്ശൂർ ആകാശവാണി നിലയം മേധാവി ശ്രീ. പ്രദീപ്.
Wikiml-l is the mailing list for Malayalam Wikimedia Projects email: Wikiml-l@lists.wikimedia.org Website: https://lists.wikimedia.org/mailman/listinfo/wikiml-l
Wikiml-l is the mailing list for Malayalam Wikimedia Projects email: Wikiml-l@lists.wikimedia.org Website: https://lists.wikimedia.org/mailman/listinfo/wikiml-l