പ്രിയ മലയാളം വിക്കി പ്രവർത്തകരെ/ഭാഷാ സ്നേഹികളെ,
വിക്കിമീഡിയ ഫൗണ്ടേഷന്റെ മലയാളം വിക്കികളിൽ പ്രവര്ത്തിക്കുന്ന വിക്കി പ്രവര്ത്തകരുടെ കൂട്ടായ്മ *2010 ഏപ്രിൽ 17-നു് ശനിയാഴ്ച *നടത്തുന്നു. വിഷു കഴിഞ്ഞു് വരുന്ന ശനിയാഴ്ച ആയതിനാൽ ഇതു് ഇനിയും കൂടുതൽ പേർക്ക് പങ്കെടുക്കാൻ സൗകര്യപ്രദമാകും എന്നു് കരുതുന്നു.
ഇതു് വരെ താല്പര്യം പ്രകടിപ്പിച്ച കൂടുതൽ ആളുകളും തെക്കൻ/മദ്ധ്യ മേഖലകളിൽ നിന്നു് ഉള്ളവരായതിനാലും, കേരളത്തിന്റെ എല്ലാ ഭാഗത്തു് നിന്നും ഉള്ളവർക്ക് എത്തിച്ചേരാൻ സൗകര്യപ്രദമായ സ്ഥലം എന്നതു് കൊണ്ടും *എറണാകുളം ജില്ലയിലാണു് വിക്കിസംഗമം നടത്താൻ പദ്ധതിയിടുന്നതു്*. *സമ്മേളന സ്ഥലം, മറ്റു് വിശദാംശങ്ങൾ എന്നിവ 2010 മാർച്ച് ആദ്യ വാരത്തോടെ അറിയിക്കാം. *
ഇതിനകം ഒപ്പു് വെക്കാത്തവരും എന്നാൽ വിക്കിപ്രവർത്തകരുടെ സംഗമത്തിൽ പങ്കെടുക്കാൻ താല്പര്യമുള്ളവരുമായവർ അതിനായുള്ള വിക്കിതാളിൽ ഒപ്പു് വെക്കുമല്ലോ.
ഷിജു