സാമ്പത്തികം സമാഹരണം എന്നുദ്ദേശിച്ചത് വില്പനയല്ല. വിറ്റാല്‍ വരവും പുറകെ നികുതിയും ഒക്കെ ഒടുക്കേണ്ടിവരുമെന്നറിയാം. ഇവിടെ ഉദ്ദേശിച്ചത് വിക്കിമീഡിയ ഫൗണ്ടേഷന്‍ ചെയ്യുന്ന സ്ഥിരം പണി, Fund Raising / donation / contribution സ്വീകരിക്കലാണ്. സംഭാവന മേടിക്കുമ്പോള്‍ സാധാരണ ചെയ്യാറുള്ള രസീത് കൊടുക്കലിന് പുറമേ, ഒന്നോ രണ്ടോ സി.ഡി. യും കൊടുക്കും. കാശുവാങ്ങുന്ന നമുക്ക് സന്തോഷം, കാശ് തരുന്നവര്‍ക്ക് ബഹു സന്തോഷം :) അതിനെ വാണിജ്യാടിസ്ഥാനത്തിലുള്ള ലോഗോയുടെ ഉപയോഗവുമായി കൂട്ടിക്കെട്ടേണ്ട...
ഗ്രാന്റ് റിക്വസ്റ്റ് തീര്‍ച്ചയായും ഇടാം. പരമാവധി സ്രോതസ്സുകളില്‍ നിന്നും കഴിഞ്ഞ വര്‍ഷത്തെപ്പോലെ തന്നെ പണം സമാഹരിക്കാം. പക്ഷേ ആ സ്രോതസ്സുകള്‍ക്ക് ചെറിയൊരു പ്രശ്നമുണ്ട്. എല്ലാ കാര്യത്തിനും ആ പണം ഉപയോഗിക്കാനാവില്ല. ഉദാഹരണത്തിന് പബ്ലിസിറ്റി ഇനത്തില്‍പ്പെടുത്തി പോസ്റ്റര്‍ പ്രിന്റിംഗിന് പണം ചോദിക്കാം. പക്ഷേ അടിച്ചുകിട്ടുന്ന പോസ്റ്റര്‍ പാതിരാത്രി പശകലക്കി ഒട്ടിക്കണം. അതിന് തയ്യാറാകുന്ന ചങ്ങാതിമാര്‍ക്ക് പശകൊണ്ടുണ്ടാക്കുന്ന മറ്റൊരു സാധനം വാങ്ങി - പൊറോട്ട വാങ്ങി നല്‍കണം, ഇതിനൊക്കെ എങ്ങനെ ഫണ്ട് റിക്വസ്റ്റ് ചോദിക്കും :)
അതുകൊണ്ടാണ് തനതായി സാമ്പത്തിക സമാഹരണം നടത്തണമെന്ന് നിര്‍ദ്ദേശം വെച്ചത്...
സുജിത്ത്
2013, ഒക്ടോബർ 17 9:35 PM ന്, praveenp me.praveen@gmail.com എഴുതി:
On Thursday 17 October 2013 11:41 AM, Shiju Alex wrote:
ഡിസംബർ 21/22 സമയം എല്ലാവ്ർക്കും സൗകര്യമാണോ? കഴിഞ്ഞ വട്ടം കുറേയധികം പേർ അസൗകര്യം പറഞ്ഞതിനാലാണ് അവധിക്കാലമായ ഏപ്രിൽ മെയ് മാസങ്ങളിലേക്ക് പരിപാടി മാറ്റിയത് എന്ന് ഓർക്കുന്നു. മാത്രമല്ല പരിപാടി തീരുമാനിച്ച് താൾ തുടങ്ങിയതുംhttps://ml.wikipedia.org/w/index.php?title=%E0%B4%B5%E0%B4%BF%E0%B4%95%E0%B5%8D%E0%B4%95%E0%B4%BF%E0%B4%AA%E0%B5%80%E0%B4%A1%E0%B4%BF%E0%B4%AF:%E0%B4%B5%E0%B4%BF%E0%B4%95%E0%B5%8D%E0%B4%95%E0%B4%BF%E0%B4%B8%E0%B4%82%E0%B4%97%E0%B4%AE%E0%B5%8B%E0%B4%A4%E0%B5%8D%E0%B4%B8%E0%B4%B5%E0%B4%82_-_2012&oldid=1164181പരിപാടിയും തമ്മിൽ ഏകദേശം നാലു മാസത്തെ സമയം ഉണ്ടായിരുന്നു.
ഒരു പരിപാടി ഫലപ്രദമായി നടത്താൻ ഏകദേശം രണ്ട് മാസത്തിലധികം സമയം ധാരാളമാണെന്നെന്റെ അഭിപ്രായം. ഡിസംബർ 21/22 എന്ന് പറയുന്നത് സ്കൂളുകൾക്ക് വേനൽക്കാലയവധിയുടേതത്ര വലിയ അവധി അല്ലെങ്കിൽ കൂടി, ഇതുമൊരു അവധിക്കാലം തന്നെയുമാണ്.
വിക്കി സംഗമോത്സവത്തിന് ഈ സി.ഡി. യും തെരഞ്ഞെടുത്ത വിക്കിലേഖനങ്ങളുടെ സി.ഡിയും കുറച്ച് പതിപ്പുകള്‍ ലഭ്യമാക്കാമോ...? സാമ്പത്തിക സമാഹരണമാണ് ലക്ഷ്യം.
ഗ്രന്ഥശാല സിഡിയേക്കാൾ പണിയുണ്ട് വിക്കിപീഡിയ സിഡിക്ക്. അതിന് വളരെയധികം പേരുടെ കൂട്ടായ പ്രയത്നം വേണം. മാത്രമല്ല ധാരാളം സമയവും വേണം. അതിനാൽ സംഗമോത്സവത്തിനു ഇനി അധികം നാൾ ഇല്ലാത്തതിനാൽ വിക്കിപീഡിയ സിഡിയ്ക്കായി നോക്കാതിരിക്കുന്നത് ആണ് നല്ലത്. കൂടുതൽ കൃതികൾ ഉൾപ്പെടുത്തി കെട്ടും മട്ടും മെച്ചപ്പെടുത്തി (ഉദാഹരണത്തിനു യൂണിക്കോഡ് ഉള്ളടക്കത്തിനു പുറമേ, ഉൾപ്പെടുത്തുന്ന കൃതികളുടെ സ്കാനും ലഭ്യമാക്കാം, ഗ്രന്ഥശാലയിലെ ഉള്ളടക്കം ഉപയോഗിച്ച് സായാഹ്ന ഫൗണ്ടെഷൻ നിർമ്മിച്ച പിഡിഎഫ് ഉൾപ്പെടുത്താം) ഗ്രന്ഥശാല സിഡിയുടെ പുതിയൊരു പതിപ്പ് ഇറക്കുന്നതാവും അല്പം കൂടി നല്ലത്.
സി.ഡി.കളെക്കുറിച്ച് അത്രയ്ക്കങ്ങോട്ട് അലോചിക്കേണ്ട എന്നും, പത്ത് ദിവസം കൊണ്ട് സി.ഡി. ഇറക്കാൻ എന്തായാലും വിക്കിമീഡിയർ വളർന്നിട്ടില്ല എന്നും:-) ഇനിയിപ്പോൾ അക്കാര്യം ഒരു ആറ് മാസം ഇടവേളയിട്ട് ആലോചിച്ച് നടപ്പിലാക്കാമെങ്കിൽ ആലോചിച്ചാൽ മതിയെന്നും എന്റെ അഭിപ്രായം.
സാമ്പത്തിക സമാഹരണം ആണ് ലഭ്യമെങ്കിൽ ലോഗോകൾ ഉൾപ്പെടുത്താൻ പറ്റില്ല എന്ന പരിമിതി ഉണ്ട്. കാരണം പരമാവധി പ്രൊഡക്ഷൻ കോസ്റ്റ് മാത്രം ഈടാക്കാനേ ഫൗണ്ടെഷൻ അനുമതി തരികയുള്ളൂ.
സാമ്പത്തികം മറ്റ് ഇടങ്ങളിൽ നിന്ന് സംഘടിപ്പിച്ച്, സിഡി വില്പനിഅയിൽ കൂടുതൽ ശ്രദ്ധ കേന്ദ്രീകരിക്കാതെ നൂതനമായ പരിപാടികൾ ആവിക്ഷക്കരിക്കുക. ഉദാഹരണത്തിനു പരിപാടി നടക്കുന്ന സ്ഥലം കേന്ദ്രീകരിച്ച് https://outreach.wikimedia.org/wiki/GLAM/QRpedia ഈ മാതൃകയിൽ ഒരു പരിപാടി ചെയ്യാം. പിന്നെ ഇതിനകം നിർദ്ദേശം വെച്ചിരിക്കുന്ന വിക്കി ജലയാത്ര പോലുള്ള വ്യത്യ്സതമായ പരിപാടികൾ ആവിഷ്ക്കരിക്കാം.
ധനസഹായത്തിനുള്ള അപേക്ഷ തീർച്ചയായും ഇന്ത്യാ ചാപ്റ്ററിനു നൽകാം, നൽകാനവർ ബാദ്ധ്യസ്ഥരുമാണ്.
2013/10/16 Adv. T.K Sujith tksujith@gmail.com
വെറുതേ തല്ലൂകൂടി സമയവും ഊര്‍ജ്ജവും പാഴാക്കിക്കളയല്ലേ ചങ്ങാതിമാരേ... അത് ഇവിടെ വളരെ ആവശ്യമുണ്ട്, പാഴാക്കിക്കളേയേണ്ടതല്ല :)
വിക്കി സംഗമോത്സവത്തിന് ഈ സി.ഡി. യും തെരഞ്ഞെടുത്ത വിക്കിലേഖനങ്ങളുടെ സി.ഡിയും കുറച്ച് പതിപ്പുകള്‍ ലഭ്യമാക്കാമോ...? സാമ്പത്തിക സമാഹരണമാണ് ലക്ഷ്യം.
രണ്ടു സി.ഡി. കളും ചേര്‍ത്ത് പരമാവധി 50 രൂപ ചെലവില്‍ ഉല്പാദിപ്പിക്കാന്‍ കഴിഞ്ഞാല്‍ 100 രൂപ വിക്കിസംഗമോത്സവത്തിലേക്ക് സംഭാവന വാങ്ങി അവ പൊതു ജനങ്ങള്‍ക്കിടയില്‍ ചെലവാക്കണമെന്ന് കരുതുന്നു. സംഗമോത്സവ നടത്തിപ്പിന്റെ ചെലവിന്റെ ഒരു ഭാഗം ഇത്തരത്തിലുള്ള തനത് വരുമാനത്തിലൂടെ കണ്ടെത്തണമെന്നാണ് ആഗ്രഹം.
ഇത്തരത്തില്‍ 100 രൂപയുടെ സി.ഡി കിറ്റ് ആലപ്പുഴയില്‍ കുറഞ്ഞത് 500 എണ്ണം ചെലവാക്കാന്‍ കഴിയും. മറ്റുജില്ലകളിലും സംവിധാനങ്ങളിലുംകൂടെ മറ്റൊരു 500 എണ്ണവും ചെലവാക്കാന്‍ കഴിഞ്ഞാല്‍ 50000 രൂപ ആ ഇനത്തില്‍ കിട്ടും വലിയ തലവേദനയില്ലാതെ പരിപാടികള്‍ നടത്തിക്കൊണ്ടുപോകാന്‍ കഴിയും.
ഈ സംരംഭത്തെക്കുറിച്ച് പരാതികളും പരിഭവങ്ങളും മാറ്റിവെച്ച് എല്ലാവരും അഭിപ്രായം പറയണേ... പരമാവധി പേര്‍ എല്ലാത്തരം സഹായങ്ങളും ചെയ്യുകയും വേണം...
സ്നേഹത്തോടെ, സുജിത്ത്
Wikiml-l is the mailing list for Malayalam Wikimedia Projects email: Wikiml-l@lists.wikimedia.org Website: https://lists.wikimedia.org/mailman/listinfo/wikiml-l
To stop receiving messages from Wikiml-l please visit: https://lists.wikimedia.org/mailman/options/wikiml-l
-- You received this message because you are subscribed to the Google Groups "വിക്കിഗ്രന്ഥശാലാസംഘം" group. To unsubscribe from this group and stop receiving emails from it, send an email to mlwikilibrarians+unsubscribe@googlegroups.com. To post to this group, send email to mlwikilibrarians@googlegroups.com. Visit this group at http://groups.google.com/group/mlwikilibrarians. For more options, visit https://groups.google.com/groups/opt_out.