વાહ મિત્રો, આ મેલ વાંચી ને ખૂબ મજા આવી. હું પ્રશસ્તિ પત્ર એટલે કે સર્ટીફીકેટ નો પેહ્લો draft આપને કાલે સવાર ના મોકલીશ. સૌ ની સંમતિ લેવા માટે, હું તેને ગુજરતી મેલિંગ લીસ્ટ ઉપર મોકલીશ તો ચાલશે? નૂપુર 2012/9/10 Ashok Vaishnav <ashokmvaishnav(a)yahoo.com> -- Noopur Raval Student Arts and Aesthetics Jawaharlal Nehru University, New Delhi Ph: 9650567690

અશોકભાઈ અને અન્ય મિત્રો, આપ સહુનો ઘણો આભાર કે આપ ગુજરાતી વિકિપીડીયાને જન સામાન્યમાં વિદિત કરાવવાના પ્રયત્નોની રૂપરેખા ઘડી રહ્યા છો. મેં ગુજરાતી વિકિપીડિયા પર વિકિપીડિયા:પ્રચાર-પ્રસાર નામે નવું પાનું બનાવ્યું છે, જ્યાં આપણે આ કાર્યક્રમની ઘોષણા કરી શકીએ અને આગામી કાર્યક્રમોની રૂપરેખા ઘડવામાં શક્ય છે કે અન્ય સભ્યો પણ ત્યાં સહભાગી બને. જે લોકોને અહિં ઉમેલના માધ્યમથી વિચારોનું આદાન-પ્રદાન કરવું સરળ લાગતું હોય તે અવશ્ય તેમ કરી શકે છે. ગુજરાતી વિકિપીડિયાનું પૃષ્ઠ ફક્ત એક વધારાનું માધ્યમ બની રહેશે. આભાર, ધવલ સુધન્વા વ્યાસ 2012/9/4 Ashok Vaishnav <ashokmvaishnav(a)yahoo.com> વિદ્યાર્થીકાળથીજ ગુજરાતી ભાષાનાં ડીજીટલ સ્વરૂપ સાથે કામ કરવાનો મહાવરો પડે તેવા આશયથી Wikimedia India Chapterનાં નૂપુરબહેન રાવળ અને તેમની સહયોગી ટીમદ્વારા ગુજરાતની કેટલીક શાળાઓના સંપર્ક કરવાનું શરૂ કરાયું . તેમના પ્રથમ પ્રયાસનો સકારાત્મક પ્રતિઘોષ અમદાવાદની ત્રિપદા શિક્ષણ ટ્રસ્ટનાં સંચાલન મંડળએ આપ્યો. જેને પરિણામે તેઓની શાળાઓ ઉપરાંત અન્ય ૧૦ શાળાઓનાં વિદ્યાર્થીઓને કોઇ પણ એક ગુજરાતી સાહિત્યકાર વિષે ૩૦૦ થી ૫૦૦ શબ્દનો સંશોધનાત્મક લેખ લખવાની એક નાની સ્પર્ધાનું આયોજન કરવામાં આવ્યું છે. આ શાળાઓને આ વિષે જાણ કરવામાટે સંપર્ક કરવાનો પ્રથમ તબક્કો પૂરો થયો છે.તે સાથે સપ્ટેમ્બર ૯,૨૦૧૨ સુધી મળી રહે તેવી સમયરેખા સાથે આ શાળાઓનાં વિદ્યાર્થીઓને તેમના પ્રથમ પ્રયાસ સ્વરૂપ નિબંધને 'ત્રિપદા' શિક્ષણ વિષયક સંદેશ માધ્યમ The Open Page [theopenpage.co.in] ને પહોંચતા કરવાનું આમંત્રણ અપાયું છે. બીજા તબક્કામાં તેમાંથી પસંદ કરાયેલ ૧૦ થી ૨૦ લેખનાં વિદ્યાર્થીઓને કમ્પ્યુટર પર ગુજરાતીમાં ટાઇપ કરવાની તાલિમ આપી તેમના હજૂ વધારે સુગઠિત કરાયેલ લેખોને વિકિજ્ઞાનકોષપર મુકવાનું વિચારાયું છે. આ તબક્કો પૂરો કરવા માટે સપ્ટેમ્બર ૧૬,૨૦૧૨ની તારીખનો લક્ષ્યાંક નક્કી કરવામાં આવ્યો છે. તે પછીથી આ પ્રયોગને વધારે વ્યાપક અને સ્વયંસંચાલિત પણે ચાલતો રાખવા વિષે સક્રિય વિચારણાની જરૂર છે. વિકિસ્રોતના સ્થાપક સભ્યોપૈકી શ્રી સુશાંત સાવલાનું સુચન છે કે દરેક શાળા ગુજરાતી મુકત સાહિત્યનાં પુસ્તકોને ડીજીટાઇઝ કરવાની પ્રવૃતિને તેમની ઇતર-પ્રવૃતિનો એક સ્થાયી કાર્યક્રમ બનાવે. આ વિચારના પ્રસાર્માટે તેઓ જરૂરી સાહિત્ય પણ તૈયાર કરી રહ્યા છે. આવું જ પ્રચારસાહિત્ય વિકિજ્ઞાનકોષ અને Wikimedia India Chapterવિષે પણ આ જ સમયમર્યાદામાં તૈયાર થાય તે મહત્વનું છે જેથી કોઇ પણ સભય સરળતાથી પોતપોતાનાં વર્તુળમાં આ વિચારનો પ્રસાર કરી શકે. -- અશોક વૈષ્ણવ _______________________________________________ Wikipedia-gu mailing list Wikipedia-gu(a)lists.wikimedia.org https://lists.wikimedia.org/mailman/listinfo/wikipedia-gu _______________________________________________ Wikipedia-gu mailing list Wikipedia-gu(a)lists.wikimedia.org https://lists.wikimedia.org/mailman/listinfo/wikipedia-gu