Saluton.
Ni venas al fino de Novembro, kiu estas en la Esperantaj Vikipedio kaj
Vikivojaĝo dediĉita al komuna virtuala redaktado pri Aziaj temoj - Azia
monato.
Tamen, la tutmondaj organizantoj informis min, ke Irano spertis unusemajnan
baron de interreto. Tial *la Azia monato estis plilongigita ĝis la 7-a de
Decembro 23:59 UTK*. Se vi ĝuis partopreni, vi havas plian semajnon ;-)
Mi speciale invitas vin konsideri *partoprenon en la Esperanta Vikivojaĝo
<https://incubator.wikimedia.org/wiki/Wy/eo/Vikivoja%C4%9Do:Azia_monato_2019>*.
Ĝi estas nova frata projekto, nuntempe en Vikimedia Kovilo, kiu nun
disvolviĝas kaj akiras sian komunumon. Ĝia celo estas helpi al vojaĝantoj
pli sekure kaj plene ĝui siajn vojaĝojn danke al altkvalitaj informoj pri
veturceloj. Kiam pli multaj redaktantoj kontribuados al ĝi regule, oni de
Vikivojaĝo faros memstaran projekton (je propra subdomajno,
eo.wikivoyage.org). Tiel ĝi ne plu estos en Kovilo kaj esperantistoj pli
facile uzados ĝin por siaj vojaĝoj.
Amike Azie
KuboF Hromoslav
ĉeforganizanto de la Vikimedia Azia monato (en Esperanto) 2019
Saluton.
Dum lasta tempo ni laboris en la Prepara Komisiono (por meti ELiSon al
sekva nivelo) kaj okazis:
1. mi *kunsidis kun AffCom* (Komisiono pri aligitaj organizoj de VMF),
ili donis al mi multajn utilajn informojn, konsultis niajn imagojn pri
estonteco kaj kuraĝigis nin pluiri - raporton de la kunsido mi provizis al
la Komisiono;
2. ni *volas esti rekonitaj kiel "Tema organizo"* (simile kiel en
Esperantio estas "Fakaj organizoj") - tiel VMF rekonos kvaliton de nia
organiziĝo kaj agado kaj ni estos "oficialaj" reprezentantoj de Esperanto
en la Vikimedia mondo;
3. por iĝi "Tema organizo" ni *devos laŭjure registriĝi* - tiel ni devos
prioritate elekti landon por registriĝo kaj verki statuton - tio okazos en
sekvaj malmultaj monatoj kaj ni kalkulas pri viaj ideoj kaj proponoj!
Danke al tio ĉi ni havos *klaran organizan strukturon*, do ni scios kiu
estas respondeca pri kio kaj kiu povas fari kiujn decidojn (multe pli
simplaj kaj tempoŝparaj proceduroj ol ni havas nun), ni iĝos *oficialaj
reprezentantoj de Esperanto* en la Vikimedia mondo, kaj malfermiĝos al ni
la pordo por *ricevi monsubtenon* de VMF por tutjara laboro (enkalkulante
dungitojn).
La vojo estas ankoraŭ longeta (ni kalkulas pri fino de 2020 por finlabori
ĉion) kaj ni informados vin kiam io grava okazos survoje.
*Bonvolu*, se estas io en tiu ĉi mesaĝo, kion vi konsideras esti barilo sur
la vojo - tuj respondu kaj ni diskutu! Aliokaze mi dimanĉe, la 3an de
Novembro oficiale informos AffCom-n pri nia intenco iĝi Tema organizo.
Persona aldono: Mi estas tre ekscitita pri tiu ĉi evoluo! Ni kreskos kaj
kiel organizo, kaj kiel homoj, eĉ pli multe subtenos Vikipedion kaj,
nelaste, piedbatos la vojon por aliaj Esperantlingvaj Vikimediaj organizoj,
kiuj naskiĝos paralele apud ni! Zamenhof ĝojus! Kaj ankaŭ ĝoju!
de la Prepara Komisiono
KuboF Hromoslav
Saluton.
Post 1-jara paŭzo revenas al Esperantaj Vikipedio kaj Vikivojaĝo ŝatata
redakta maratono - Azia monato. Dum la tuta Novembro vin Aziaj Vikimediaj
komunumoj kunorganize kun Esperanto kaj Libera Scio invitas kontribui per
novaj artikoloj pri Azio - ĝiaj geografio, historio, kulturo, socio,
scienco ktp.
Azia monato estas t.n. "redakta maratono". Kontraste al konkursoj, redakta
maratono celas pli komunuman, kunlaboran etoson. Post kiam vi verkos 4
novajn artikolojn, por plifortigi amikecon kaj kulturan interŝanĝon vi
ricevos speciale fasonitan poŝtokarton de iu hazarde elektita Azia
Vikimedia komunumo.
Specifaĵo de tiu ĉi jaro estas, ke Azia monato okazas ankaŭ en Vikivojaĝo -
liberaj vojaĝ-gvidiloj pri tuta mondo! Imagu kiom pli facile kaj amuze
estus vojaĝi al ekz. Esperantaj renkontiĝoj kun detalaj rekomendoj pri ties
lando kaj kun plena frazlibro! Nu, tion vi povas kunkrei per Vikivojaĝo!
Vikivojaĝo dume funkcias en testa reĝimo kaj atendas pli multajn
kontribuantojn por povi esti memstara projekto. Tial mi specife invitas vin
provi Vikivojaĝon dum Azia monato - sufiĉas, ke nur 2 en vi restos labori
tie kaj la projekto maturiĝos!
Ankoraŭ hodiaŭ venu al Vikipedio aŭ Vikivojaĝo kaj verku pri Azio!
https://eo.wikipedia.org/wiki/Projekto:Azia_Monato_2019https://incubator.wikimedia.org/wiki/Wy/eo/Vikivoja%C4%9Do:Azia_monato_2019
Amike Azie
KuboF Hromoslav
Esperanto kaj Libera Scio
<http://www.avg.com/email-signature?utm_medium=email&utm_source=link&utm_cam…>
Bez
virů. www.avg.com
<http://www.avg.com/email-signature?utm_medium=email&utm_source=link&utm_cam…>
<#DAB4FAD8-2DD7-40BB-A1B8-4E2AA1F9FDF2>