Egin daitekeena baita zera da, idatzizko baimena lortu Euskarazko wikipediarako euren edukia (testuak sikera) askatzen dutela GFDL lizentziapean.

Baina, CC-BY beti izango da konpatiblea ez, azken batean iturria aipatzea besterik ez da? Hots, hasieran CC-BY den testua geroago GFDL bihur daiteke inolako arazorik gabe ez?

Eta bai, esan nahi nuena da edukiak GFDL lizentziaren arabera askatzea, baina pentsatzen dut Euskarazko Wikipedia esplizituki adierazita jendea gehiago animatuko litzatekeela... Bestela, egia da GFDL lizentziak ez dutela Creative Commons lizentziek duten hedapena gizartean, eta baliteke arrotz egitea. Dena dela, ez dakigunez noiz etorri daitekeen bateragarritasun hori, hobe da zerbait mugitzea ez? Ni baimenak eskatzearen aldekoa naiz, baina betiere edukiak mundu guztiarentzako askatzen badira, baina agertuko balitz "era honetan euskarazko wikipedian agertu ahal izango da" jende gehiago animatuko dela uste dut.

Beno, ba axola ez bazaizue testutxo bat idatziko dut Hiru.com-era bidaltzeko. Zerrendan jarriko dut bidali aurretik.

Asier Sarasua(e)k dio: Berandu baina idatzi dut. Ea zer iruditzen zaizuen. "Egunon, Euskarazko Wikipedia (http://eu.wikipedia.org) osatzen laguntzen ari den boluntarioen talde bat gara. Agian jakingo duzuenez, Wikipedia entziklopedia digital bat da, gure denbora librean eta lankidetzan eraikitzen ari garena. Edozeinek har dezake parte artikulu berriak idazten, edo wikipediaren beste hizkuntzetako bertsioetan existitzen diren artikuluak itzultzen. Benetan uste dugu, Interneten euskarazko kalitatezko edukiak sortzeko, ezinbestekoa dela euskaldun guztion partaidetza eta lana sustatzea. Are gehiago, hain komunitate txikia izanik, eduki horiek, ezinbestez, irekiak izan behar dutela uste dugu. Euskal Wikipedia euskaldun guztiontzat eta, batez ere, euskal ikasleentzat eta hezkuntzan murgilduta dauden lagun guztientzat tresna baliotsua izan dadin nahi dugu. Lurmutur Hirian hezkuntza baliabide irekien alde sinatu zen aitorpenaren alde gaude: http://www.capetowndeclaration.org/translations/basque-translation Hiru.com atarian oso kalitate handiko informazioa dagoela ikusi dugu, Wikipediarentzeko oso baliotsua izan daitekeena. Informazio hori Wikipedian berrerabiltzea interesgarria dela iruditzen zaigu. Hala ere, horretarako traba bat aurkitu dugu: copyright lizentzia. Wikipediarako sortzen ari garen informazio guztia "lizentzia libre" baten pean (http://www.gnu.org/copyleft/fdl.html) argitaratzen dugu. Horrela, nahi duenak erabil dezake Wikipediako informazioa, nahi duen erara (kopiatu, banatu, eraldatu...), betiere lizentzia horren baldintzak betetzen baditu. Lizentzia hau ez da bateragarria Hiru.com-ek darabilen copyright lizentzia klasikoarekin. Beraz, ezin dugu besterik gabe Hiru.com-eko testuak eta irudiak hartu eta Wikipedian kopiatu edo Wikipediarako moldatu. Oztopo hau gainditzeko ikusten dugun biderik zuzenena (eta momentu honetan bakarra), Eusko Jaurlaritzak Hiru.com-eko lizentzia aldatu eta euskal Wikipediak erabiltzen duen litzentzia onartzea litzateke. Aurrekoa posible ez bada, Hiru.com-ek behintzat lizentzia irekiago bat erabil dezan (Euskaltzaindiak Hiztegi Batuarekin egin duen bezala) proposatu nahi genuke. Gure ikuspuntutik, lizentziarik egokiena Creative Commons-Attribution-Share Alike (http://creativecommons.org/licenses/by-sa/2.5/es/deed.eu) litzateke. Izan ere, agian etorkizunean euskal Wikipediako lizentzia eta beste hau bateragarriak izango dira, eta orduan bai, informazio hori berrerabili ahal izango genuke. Eskerrik asko idatzi hau irakurtzeagatik. Zuen erantzunaren zain geratzen gara." Asier. _______________________________________________ Wikieu-l mailing list Wikieu-l(a)lists.wikimedia.org https://lists.wikimedia.org/mailman/listinfo/wikieu-l