Saluton.
Vikipedio proksimiĝas al atingo de 300 000 artikoloj. Laŭ kalkuloj, tio
okazos ĉirkaŭ duono de Julio 2021.
Laŭ instigo de UEA, pluraj gravaj tutmondaj Esperantaj organizoj, nome
ELiSo / VMEO, ILEI kaj E@I, kunigas sian voĉon kaj lanĉas la kampanjon
"*Vikipedio
300 000*" por atingi tiun mejloŝtonon pli frue - jam antaŭ Julio 2021.
Ni, vikimedianoj, simple plu faru tion, kion ni jam nun faras - *ni verku
bonkvalitajn artikolojn en la Esperanta Vikipedio*. Avantaĝe ni povas tion
kunigi kun pluraj konkursoj en tiu ĉi tempo:
- VikiPrintempo de Centra kaj Orienta Eŭropo (ĝis fino de Aprilo)
- VikiPorHomajRajtoj (ĝis la 15a de Majo)
- Afrika monato (Majo)
- eble eĉ plia ;-)
Sed ni kuniĝis kun niaj partneroj ankaŭ por utiligi la okazon por *inviti
novulojn al nia Vikipedio*. Nun estas taŭga tempo por alparoli tiun
heziteman amikon, kiu pripensas ekverki, sed mankas al li taŭga okazo. Nun
ni verkas "kune" eĉ preter kutime Vikipedia komunumo!
Por pliaj informoj kaj rekomendoj, legu la kampanjan paĝon:
https://esperanto.wiki/projektoj/vikipedio-300-000
Amike
Michal Matúšov / Uzanto:KuboF Hromoslav
Esperanto kaj Libera Scio (ELiSo) <https://esperanto.wiki/>
Prezidanto
Saluton.
*Resumo*: La Estraro proponas ŝanĝi la nomon de "Esperanto kaj Libera Scio"
al pli longdaŭra (precipe "Vikimedio Esperanto" por uzado en Esperantujo).
Por tio bezonatas decidoj ankaŭ de aliaj instancoj. Precipe se vi *forte*
kontraŭas, skribu tion nun.
Ĝis nun ni kaj oficiale (kiel jura persono) kaj neoficiale (en niaj sociaj
retejoj, informpaĝoj ktp) uzas nian Uzanto-Grupan nomon "Esperanto kaj
Libera Scio". Sed ni scias, ke post kiam ni iĝos Vikimedia Tema organizo,
ni povos kaj oficiale kaj neoficiale uzadi la Temo-Organizan nomon
"Vikimedio Esperanto".
Ĝis nun tio kaŭzis nur etajn problemojn, precipe pri kreado de reputacio
por nia marko (dum jaroj ni nomas nin iel kaj poste nomos nin aliiel). Sed
nun, kiam ni faras monakiran kampanjon (kaj eble partoprenos iujn lokajn
pagatajn projektojn) en Slovakio, tiu nomo estas vere balasta. Precipe
temas pri nesufiĉa trafado al Vikimedio, kaj troa trafado al Esperanto -
kion multaj eksteruloj interpretos, ke ni estas nure Esperanta organizo (do
sen rilato al Vikimedio).
La Estraro de ELiSo ĵus decidis:
1. strebi ŝanĝi oficialan nomon (en Statuto) de "Esperanto kaj Libera
Scio" al pli longdaŭra (post-Uzanto-Grupa) nomo; kaj
2. strebi ricevi permeson de AffCom por uzado de Temo-Organiza nomon
(konkrete "Vikimedio Esperanto") en Esperantujo jam antaŭ ofiiala rekono
kiel Tema organizo.
La Estraro *ne* havas la rajton ŝanĝi nomon memstare kaj tial tion ne faros
memstare. La decidoj signifas nur tion, ke 1) la Estraro preparos
dokumentojn por la sekva Kunsido de Ĝenerala asembleo, kie Ĝenerala
asembleo povos ŝanĝi Statuton (kaj tiel nomon); kaj 2) la Estraro komunikos
kun AffCom (komisiono de la Fondaĵo Vikimedio, kiu zorgas pri aliĝintaj
organizoj) kaj petos ĝin pri permeso por pli frua uzado de nomo, kiu estas
rezervita por organizo de pli alta rekono.
La Estraro dume ne diskutis kiun oficialan nomon (en Statuto) uzi. Natura
nomo estus "Vikimedio Esperanto" (en la slovaka, ĉar ni estas registritaj
en Slovakio). Mi persone rekomendas doni pli grandan emfazon al la vorto
"Vikimedio", ĉar tio estas la afero, kiun publiko pli rekonas (kaj
konsekvence donas al ni pli grandajn ŝancojn de kunlaboro kaj helpo de la
publiko). Tial mi persone rekomendas la oficialan nomon "Vikimedio EO", kun
alternativa nomo (ankaŭ en la Statuto) "Vikimedio Esperanto". Komperneble,
aliaj proponoj estas bonvenaj!
Ŝanĝo de oficiala nomo (en statuto) estas sufiĉe enorda. La institucio per
kiu funkcias nia monakira kampanjo (en Slovakio) konfirmis tion.
Uzado de alia nomo en la internacia Vikimedia movado kaj alia nomo en sia
loka medio ne estas nekutima. Ni havas bonan reputacion kaj mi kredas, ke
AffCom permesus tion al ni.
Fine, multo dependos de decido de AffCom, ĉar ili rajtas malpermesi al ni
uzi la vorton "Vikimedio" en nia oficiala nomo.
*Kion vi faru nun?*
Se vi konsentas - nenion.
Se vi malkonsentas - skribu tion.
Ni delonge scias, ke ni ŝanĝos nian nomon al "Vikimedio Esperanto" kaj tion
emfazas nia strebo iĝi Vikimedia Tema organizo. La Estraro jam decidis sian
plian laboron en tiu kampo, do se nenio kontraŭa okazos, la Estraro simple
plenumos la laboron.
Se vi malkonsentas kun tia ŝanĝo de la nomo, skribu tion *nun*! Se pluraj
homoj *forte* kontraŭos ene de semajno, la Estraro repripensos la aferon.
Ankaŭ viaj subtenaj mesaĝoj estas aprezataj, sed ne nepre bezonataj (se
homoj ne kontraŭos).
Amike
Michal Matúšov / Uzanto:KuboF Hromoslav
Esperanto kaj Libera Scio (ELiSo) <https://esperanto.wiki/>
Prezidanto
Saluton.
Unu el rekomendoj de la tut-vikimedia strategia procezo estas Universala
Kodo de Kondutado (UCoC), kiu difinas minimumajn posutlojn pri kondutado en
Vikimedia mondo. Ĝi estis intense disvolvata ekde Junio ĝis Decembro 2020,
kaj la Estraro de la Fondaĵo Vikimedio ĝin ratifis la 2-an de Februaro.
Nuntempe venas la periodo por diskuti kaj decidi kiel precize ĝi estu uzata
kaj devigata. La celo estas, ke ĝi ne konfliktu kun nuntempaj statutoj kaj
lokaj Kodoj de Kondutado, sed komplementu ilin. Planataj estas diversaj
konsultadoj, kiuj daŭros ĝis iam en Aprilo 2021
Mi invitas vin konatiĝi kun la Kodo kaj la procezo:
https://meta.wikimedia.org/wiki/Universal_Code_of_Conduct/eo
Amike
Michal Matúšov / Uzanto:KuboF Hromoslav
Esperanto kaj Libera Scio (ELiSo) <https://esperanto.wiki/>
Prezidanto
Saluton.
Mi ĝoje anoncas, ke la Esperanta Vikipedio aliĝis al la tutmonda kampanjo
*#1Lib1Ref*. Ĝi origine celas al bibliotekistoj kaj alvokas ilin por aldoni
1 referencon al Vikipedio uzante literaturon de sia biblioteko. La kampanjo
estas malfermita ankaŭ por vi kaj ĉi-foje provizas eĉ premiojn por la plej
aktivaj kontribuantoj.
Vikipedio bezonas *referencojn* por esti fidinda. Aldonu ilin *ĝis la 5-a
de Februaro 2021* (inklude), *en la redakto-resumo* nepre uzu la *kradetikedojn
#1Lib1Ref #1Lib1RefCEE* (kaj se la artikolo temas pri homaj rajtoj, ankaŭ
*#WikiForHumanRights*) kaj vi povas *gajni premiojn* de la Fondaĵo
Vikimedio.
*Detalaj informoj*: https://eo.wikipedia.org/wiki/Projekto:1Lib1Ref
Amike
Michal Matúšov / Uzanto:KuboF Hromoslav
Esperanto kaj Libera Scio (ELiSo) <https://esperanto.wiki/>
Prezidanto
Saluton.
Jam post semajno okazos Kunsido de Ĝenerala asembleo de ELiSo. Ĉar ĝi estos
jar-fina, ni traktos precipe aferojn por sekva jaro (pliaj detaloj
<https://esperanto.wiki/evento/2-a-kunsido-de-generala-asembleo-2020-2/>).
La plej elstara parto de la Kunsido estos la *Jarplano 2021*.
Ĉar tiu dokumento starigas la bazan kadron por laboro por la tuta jaro, *via
partopreno en ĝia preparo estas aparte bonvena!* Por travidebleco kaj
ebligi vastan partoprenon okazas preparado publike en Meta-Vikio.
*Via agado tre gravas!* En organizo, funkciuloj estas kiel ostoj, kiuj
prizorgas la bazan strukturon kaj levas la plej granda pezon, sed kutimaj
senfunkciaj aktivuloj estas la muskoloj, danke al kiuj la organizo povas
vivi. Se ankaŭ *vi volegas la mondon en kiu ĉiu homo povas per Esperanto
libere partopreni en tuto de homara sciaro*, *venu kaj aliĝu al agado*!
Pripensu en kiuj stato kaj direkto vi volas vidi ELiSo-n fine de 2021,
pripensu kiujn agadojn por helpi al tia atingo vi volas fari (ĉu kiel
ĉeforganizanto aŭ helpanto), konsideru disponeblajn resusrojn kaj skribu
ĉion al
https://meta.wikimedia.org/wiki/Esperanto_kaj_Libera_Scio/Annual_agendas/20…
Viaj proponoj estos akceptataj ĝis la 26-a de Novembro UTK (inklude).
Alia grava afero estas prezento de stato de la *Strategia plano 2021-2022*.
La origina intenco estis prezenti la pretan provan version jam dum tiu ĉi
Kunsido. Tamen mi, kiel respondeculo pri tiu tasko, dum antaŭa tempo havis
kelkajn sanproblemojn, kiuj (kvankam feliĉe ne seriozaj) malhelpis al mi
prizorgi la aferon. La Estraro traktas la temon.
Ni kalkulas kun via kunagado!
Ĝis la Ĝenerala asembleo!
Michal Matúšov / Uzanto:KuboF Hromoslav
Esperanto kaj Libera Scio (ELiSo) <https://esperanto.wiki/>
Prezidanto
Saluton.
Mi invitas vin al la 2-a Kunsido de Ĝenerala asembleo de Esperanto kaj
Libera Scio (ELiSo / VMEO). Ĝi estos denove virtuala por ebligi partoprenon
de la tuta mondo. Ĉar Plenrajtajn membrojn ni havas elde Centra Eŭropo ĝis
Ameriko, tiu ĉi Kunsido estas optimumigita por tiuj horzonoj.
La 28-a de Novembro 2020
15:00 - 17:00 UTC+0
*Programo*
Programo konsistos, krom aliaj, de:
- aprobo de la Strategia plano 2021-2022;
- aprobo de la Jarplano 2021;
- aprobo de la Jara buĝeto 2021;
- eventuale aliaj.
La menciitaj dokumentoj estas preparataj kunlabore kun membroj de la
organizo kaj vikimediaj komunumanoj. Tiel unuflanke pli multaj aktivuloj
(nuntempaj kaj ankaŭ estontaj) havos ŝancon pozitive influi la agadon kaj
proponi sin por plenumi ĝin. Duaflanke, la Plenrajtaj membroj (kiuj
voĉdonos pri ili) povos konsulti la dokumentojn antaŭ la Kunsido kaj tiel
ŝpari valoran dumkunsidan tempon.
Post fino de la oficiala parto povos okazi neformala amika babilado.
*Kiel partopreni*
Teĥnika realigo de la Kunsido estas ankoraŭ decidota. Nun klaras, ke ĝi
estos virtuala. Pliajn informojn ricevos membroj kun sufiĉa anticipo,
almenaŭ 1 semajnon antaŭ la Kunsido.
Se vi ankoraŭ ne estas membro, sed volas partopreni:
1. membriĝu <https://esperanto.wiki/alighilo/>
2. sendu mesaĝon al vikimedio.esperanto(ĉe)gmail.com
3. sekvu la instrukciojn en la retpoŝta respondo
Amike
Michal Matúšov / Uzanto:KuboF Hromoslav
Esperanto kaj Libera Scio (ELiSo) <https://esperanto.wiki/>
Prezidanto
Saluton!
Dum tiu ĉi jaro multaj Vikimediaj renkontiĝoj nuliĝis, sed iuj estas
anstataŭe farataj kiel retaj. Tia ĉi sorto estas ankaŭ por *Vikimedia
Renkontiĝo de Centra kaj Orienta Eŭropo 2020* (Wikimedia CEE Meeting)
- ĝi *okazos
rete*, ekde *la 2-a ĝis la 4-a de Oktobro* kaj ankaŭ *vi povas partopreni*!
La celo de la renkontiĝo estas *plikapabligi vikimediajn aktivulojn*
kaj *plifortigi
kunlaboradon* en la regiono. Kutime estas de ELiSo / VMEO invitataj 1-2
homoj kun plena repago. Sed ĉar la evento nun okazos rete kaj pli multaj
partoprenantoj ne aldonos kostojn, ankaŭ *vi* povas partopreni nome de
ELiSo / VMEO.
Mi partoprenis plurajn tiujn renkontiĝojn (eĉ ĉeforganizis ĝin en 2013 kun
Petro Baláž :) kaj mi forte rekomendas ilin! Ili provizas bonan etoson, kiu
instigas al pensmaniero, ke "aferoj eblas". Mi specife rekomendas
partoprenon por homoj, kiuj prenis aŭ volas preni gvidajn rolojn, ĉu
interretajn (administranto, robotisto, OTRS-agento ks.) aŭ eksterretajn
(estrarano, merkatikisto, projekto-mastrumanto ks.). Se vi "nur" ŝatas
verki Vikipedion, la programo ne tiom forte taŭgus; tamen, povas esti
interese por momento rigardi al la alia flanko ;-)
Partopreno estas senpaga por ĉiuj vikimedianoj kun sia propra konto. Montru
vian intereson ĉe
https://meta.wikimedia.org/wiki/Wikimedia_CEE_Online_Meeting_2020/Participa…
(kaj
en krampojn post via nomo certe skribu "Esperanto and Free Knowledge" por
ke homoj sciu, ke vi apartenas al ni)
kaj poste *nepre* oficiale aliĝu ĉe
*https://www.eventbrite.com/e/wikimedia-cee-online-meeting-2020-tickets-116483763071
<https://www.eventbrite.com/e/wikimedia-cee-online-meeting-2020-tickets-1164…>*
Mi persone alternados inter tiu ĉi renkontiĝo kaj KAEST (vidu mian antaŭan
mesaĝon), kie mi ankaŭ prelegos kaj trejnos pri vikimedia agado (vidu
https://kaest.ikso.net/2020/ )
PS: Se vi scias pri aliaj interesaj vikimediaj renkontiĝoj, bv. ankaŭ vi
informu pri ili ĉu ĉi tie, en la Telegrama grupo aŭ rekte al mi. Ni povas
ilin ankaŭ listigi en nia retejo ĉe https://esperanto.wiki/eventoj/
Amike
Michal Matúšov / Uzanto:KuboF Hromoslav
Esperanto kaj Libera Scio (ELiSo) <https://esperanto.wiki/>
Saluton!
[image: KAEST_emblemo.jpg]
Dum la sekva (reta) KAEST (1-a - 4-a de Oktobro 2020) okazos ankaŭ
programeroj pri Vikipedio, konkrete:
- prelego "Libera edukado kiel katalizilo de daŭropoveco"
- trejnado "Traduku Vikipedion simple" pri EnhavTradukilo (dum
AMO-seminario, komence de KAEST)
Ambaŭ programerojn gvidos mi.
Partoprenkotizo estas jam nun pli-mapli simbola, sed ĝis la 25-a de
Septembro eblas eĉ peti senpagan partoprenon. Pliaj informoj kaj aliĝilo
estas ĉe https://kaest.ikso.net/2020/
PS: La organizo Esperanto kaj Libera Scio, enkadre de kiu mi prezentos dum
KAEST, faris ankaŭ videan inviton
<https://www.youtube.com/watch?v=juUwKuZEspQ> kaj tiel startis sian kanalon
ĉe YouTube (abonu
<https://www.youtube.com/channel/UCe6epPgJ2jvsWxbQxeL6kUg?sub_confirmation=1>
).
Michal Matúšov / Uzanto:KuboF Hromoslav
Esperanto kaj Libera Scio (ELiSo) <https://esperanto.wiki/>
Saluton.
Nuntempe la Vikimedia Fondaĵo gvidas projekton pri ŝanĝo de marko de la
Vikimedia movado. La projekto, kaj specife la maniero kiel ĝi estas
kondukata, vokis multan intereson, tre negativan, inter diversaj Vikimediaj
komunumoj.
La Estraro de Esperanto kaj Libera Scio aliĝis al pledo por tuj paŭzigi aŭ
haltigi la procezon kaj eventuale ĝin restarigi post pli bona preparo, kiu
ebligos vastan partoprenon de komunumanoj.
Pli multa fono estas en la plej nova artikolo en nia retejo:
https://esperanto.wiki/2020/cu-vikimedio-alinomigu-al-vikipedio-esperantist…
*Kion fari nun?*
Via informita opinio pri la afero estas bonvena en jenaj lokoj:
- esprimu vian opinion publike en la Peto pri komento – Ĉu la Fondaĵo
devus nomi sin Vikipedio
<https://meta.wikimedia.org/wiki/Requests_for_comment/Should_the_Foundation_…>
- subskribu la komunuman malfermitan leteron
<https://meta.wikimedia.org/wiki/Community_open_letter_on_renaming/eo> (se
vi volas paŭzigon aŭ haltigon de la nuntempa alimarka procezo)
Amike
--
Michal Matúšov / Uzanto:KuboF Hromoslav
Esperanto kaj Libera Scio (ELiSo) <https://esperanto.wiki/>