Saluton.
(pardonon pro sendado al pluraj kanaloj)
*Resumo:*
Ĝis la 20a de Aŭgusto eblas peti stipendion por la Vikimedia diverseca
konferenco (Stokholmo, Svedio, 3a-5a de Novembro 2017).
*Vikimedia diverseca konferenco*, 3a-5a de Novembro 2017
Vikimedio strebas al diverseco por lasi neniun malantaŭe kaj provizi
kvalitan edukan enhavon pri plej eble diversaj temoj.
Por diskuti kaj interŝanĝi siajn spertoj pri subtenado de diverseco,
minoritatoj kaj subpremataj grupoj venos ĉ. 80 vikimedianoj.
Por ni, esperantistoj, estas tiu ĉi konferenco speciale interesa, ĉar ankaŭ
Esperanto kiel lingvo kaj kultura fenomeno apartenas al la temaro de
"diverseco". Simile, pluraj niaj samideanoj laboras pri lingvaj
minoritatoj, indiĝenaj popoloj kaj lokoj kie Vikimedia movado havas grandan
lokon por kreski.
Memoru *peti stipendion ĝis la 20a de Aŭgusto* ĉe la oficiala retejo:
https://meta.wikimedia.org/wiki/Wikimedia_Diversity_Conference_2017
ELiSo ĝojos subteni siajn partoprenontojn en tiu ĉi konferenco, ekz. per
informado en niaj sociaj retejoj aŭ rekomendoj pri kontaktendaj personoj,
tial bonus anonci vian partoprenon ankaŭ ĉi tie.
PS: Homoj kiuj petis komputilon pere de la Vikimedia aparatar-donaca
programo povos ricevi sian komputilon dum tiu ĉi konferenco. Pliaj informoj
ĉe https://meta.wikimedia.org/wiki/Hardware_donation_program
Amike
KuboF Hromoslav
Esperanto kaj Libera Scio, Vikimedia Uzanto-Grupo
gvidanto
Saluton.
Jam post kelkaj monatoj okazos 2 interesaj Vikimediaj konferencoj, al kiuj
mi vin kore invitas!
Memoru, ke krom la oficiala programo tre gravas eksterprograma agado -
ekkonado de homoj, amikiĝado kaj neformala kunlaborado.
*Vikidatuma konferenco* (*WikidataCon*), 28a-29a de Oktobro 2017
Vikidatuma konferenco estas renkontiĝo por ĉiuj, kiuj laboras en
Vikidatumoj aŭ per la datumoj de ĝi. La programo nun estas preparata -
supozeble temos pri prezentoj kaj atelieroj pri atingoj, planoj kaj
praktikaj aplikoj.
Partopreno estas senpaga sed tre limigita - restis 50 disponeblaj biletoj,
kiujn vi povos rezervi komence de Septembro. Tial ne mistrafu la ŝancon kaj
atentu pri la dato - jam nun vi povas aliĝi al atendolisto.
Pliaj informoj kaj aliĝilo:
https://www.wikidata.org/wiki/Wikidata:WikidataCon_2017
*Vikimedia diverseca konferenco*, 3a-5a de Novembro 2017
Vikimedio strebas al diverseco por lasi neniun malantaŭe kaj provizi
kvalitan edukan enhavon pri plej eble diversaj temoj.
Por diskuti kaj interŝanĝi siajn spertoj pri subtenado de diverseco,
minoritatoj kaj subpremataj grupoj venos ĝis cento da vikimedianoj. Por ni,
esperantistoj, estas tiu ĉi konferenco speciale interesa, ĉar ankaŭ
Esperanto kiel lingvo kaj kultura fenomeno apartenas al la temaro de
"diverseco".
Por partoprenontoj estos disponeblaj ĉ. 80 stipendioj.
Aliĝado ankoraŭ ne estis lanĉita, sed prefere jam nun rezervu la daton kaj
atentu al oficialan paĝon:
https://meta.wikimedia.org/wiki/Wikimedia_Diversity_Conference_2017
ELiSo ĝojos subteni siajn partoprenontojn en tiuj ĉi konferencoj, ekz. per
informado en niaj sociaj retejoj, tial bonus anonci vian partoprenon ankaŭ
ĉi tie.
Amike
KuboF Hromoslav
Esperanto kaj Libera Scio
gvidanto
Saluton.
Post personaj diskutoj kaj retpoŝta alvoko por komentoj, Esperanto kaj
Libera Scio (ELiSo) partoprenis la 1an ciklon de la Strategia planado de
Vikimedia movado por la jaro 2030. La deklaroj proponitaj de ELiSo estas:
- En 2030 la Vikimediaj projektoj estos disponeblaj en lingvoj, kiuj
ebligas ricevi liberan scion en sia denaska lingvo al almenaŭ 90% de homoj
kaj en iu bone regata lingvo al almenaŭ 95% de homoj, en nivelo utila por
la komunumo.
- Organizita internacia Vikimedia movado sukcesas inkludi al aktiva
partopreno vastan gamon da diversperspektivaj aktivuloj de la tuta mondo en
kulture kaj lingve sentema kaj inkluda maniero.
La kontribuon (en la angla) vi povas vidi en
https://meta.wikimedia.org/wiki/Strategy/Wikimedia_movement/2017/Sources/Es…
Dankon al ĉiuj, kiuj partoprenis la diskutojn! Sekvos pliaj cikloj, kiuj
pintos dum Vikimanio 2017, do vi daŭre havas ŝancon kontribui. Pliaj
informoj estas ĉe
https://meta.wikimedia.org/wiki/Strategy/Wikimedia_movement/2017/eo
Amike
KuboF Hromoslav (Michal Matúšov)
Saluton.
Jam eblas kandidatiĝi por ricevi stipendion por partopreni Vikimanion. Vidu
detalojn sube kaj en la ligitaj paĝoj kaj agu sufiĉe rapide - la limdato
estas la 20a de Februaro!
Mi persone tre rekomendas partopreni Vikimanion! Ĝi iom similas al UK, sed
ĝi estas multe pli orientita al movadaj (Vikimediaj) temoj, spertiĝado kaj
kapabligo; kultura programo estas kutime nur vespere. Estas multaj ebloj
por sociaj kontaktoj kaj interpersona traktado. Vikimanion partoprenas
multaj gravaj aktivuloj kaj funkciuloj de la vikimedia movado kaj tiel per
persona kontakto eblas rapide solvi aferon, kiu per interreto solviĝadus
malrapide; tiaj kontaktoj estas tre inspiraj kaj ofte donas ideojn por
novaj agadoj kaj por pliefikigi nunajn; kaj ĉiuokaze estas agrable renkonti
siajn "virtualajn" kunlaborantojn ankaŭ en eksterreta vivo 😊
Ĉi-jare mi rekomendas Vikimanion precipe por tiuj, kiuj mistrafos la unuan
IJK-n en Afriko ĉar la aranĝoj estas en tempa konflikto. Kutime partoprenas
pluraj esperantistoj kaj okazas nia renkontiĝeto.
Bonvolu informi ankaŭ aliajn viajn vikimediajn (kaj Esperantajn) amikojn,
precipe de evoluiĝantaj landoj, por kiel eble plej multe utiligi la ŝancon.
Amike
KuboF Hromoslav
---------- Preposlaná správa ----------
Od: "DerHexer" <derhexer(a)wikipedia.de>
Dátum: 10.2.2017 15:29
Predmet: [Wikimania-l] Deadline for Wikimania Scholarships is 20 February
Komu: "Wikimania general list (open subscription)" <
wikimania-l(a)lists.wikimedia.org>
Kópia:
Hi all,
Scholarship applications for Wikimania 2017 which is being held in
Montréal, Canada on August 9–13, 2017 are now being accepted. Applications
are open until Monday, 20 February 2017 23:59 UTC.
Applicants will be able to apply for a partial or full scholarship. A full
scholarship will cover the cost of an individual’s round-trip travel,
shared accommodation, and conference registration fees as arranged by the
Wikimedia Foundation. A partial scholarship will cover conference
registration fees and shared accommodation.
Applicants will be rated using a pre-determined selection process and
selection criteria established by the Scholarship Committee and the
Wikimedia Foundation, who will determine which applications are successful.
To learn more about Wikimania 2017 scholarships, please visit:
https://wikimania2017.wikimedia.org/wiki/Scholarships
To apply for a scholarship, fill out the multi-language application form
on: https://scholarships.wikimedia.org/apply
It is highly recommended that applicants review all the material on the
Scholarships page and the associated FAQ ( https://wikimania2017.wikimedia.org/wiki/Scholarships/FAQ ) before submitting an application.
If you have any questions, please contact:
<wikimania-scholarships at wikimedia.org
<wikimania-scholarships(a)wikimedia.org>>
or leave a message at:
https://wikimania2017.wikimedia.org/wiki/Talk:Scholarships
Please help us spread the word!
Best regards,
for the Scholarship Committee
https://wikimania2017.wikimedia.org/wiki/Scholarship_committee
_______________________________________________
Wikimania-l mailing list
Wikimania-l(a)lists.wikimedia.org
https://lists.wikimedia.org/mailman/listinfo/wikimania-l
Saluton.
Mi estas ĵus veninta al Erevano por post kelkaj tagoj partopreni la
Vikimedian renkontiĝon de Centra kaj Orienta Eŭropo, kiel reprezentanto de
Esperanto kaj Libera Scio -
https://meta.wikimedia.org/wiki/Wikimedia_CEE_Meeting_2016
Ĉar mi kunorganizis la Universalan Kongreson en Nitro, mi ne havis multan
tempon okupiĝi pri mia partopreno en la renkontiĝo. Aldone, 2 el 3 planitaj
partoprenontoj de Vikimedio Slovakio rezignis, do mi (kiel prezidanto de
VMSK) urĝe zorgis ankaŭ pri tio (konsekvence mi petis la organizantojn esti
denove konsiderata kiel reprezentanto de ambaŭ ELiSo kaj VMSK). Laŭ la unua
plano devus partopreni ankaŭ Bekhruzbek Ochilov, sed li fine ne povis.
Tial mi iom lastmomente prezentas detalojn de mia imago pri mia partopreno
kaj mi antaŭĝojas viajn rimarkojn por kunlabore plibonigi la aferojn.
Bonvolu vidi nian organizan profilon ĉe
https://meta.wikimedia.org/wiki/Wikimedia_CEE_Meeting_2016/Needs#Esperanto
Mi laŭplane partoprenos: GLAM I; CEE Spring; Best practices for editing
workshops and Outreach; Wikidojo; Wikidata -- A Gentle Introduction for
Complete Beginners; Wikimedia Foundation BoT discussions: transparency,
strategy, affiliates?.
Aliaj programeroj estos interkonsentitaj surloke ĉar estas necese iom
paroli kun la gvidanto.
Kun videokonferenca partopreno de Amir E. Aharoni (fakte, esperantisto) mi
prezentos la tradukan helpin "EnhavTradukado" ("Content Translation") kaj
laŭplane gvidos tradukan maratonon per ĝi.
Mi proponas por mia partopreno jenajn celojn:
1. Spertiĝi pri ebloj profesiiĝi kiel diaspora organizo (juraj
konsekvencoj, kreado kaj laboro de teamo, administrado ktp.).
2. Ekscii kunlaboreblojn kun landaj kaj fakaj vikimediaj organizoj.
3. Plispertiĝi pri praktikaĵoj rilataj al nuntempaj projektoj de ELiSo
(kun specifa emfazo al "Espernato125" kaj "Vikio amaz ZEO-jn").
Mi bedaŭras, ke ni ne sukcesis tian ĉi planon fari en pli granda kunlaboro,
sed tio prefere servu kiel instigo por pli bone plani nian ontan
partoprenon en simila renkontiĝo.
Post la renkontiĝo mi volas verki raporton. Kaj konsciu, ke estas via tasko
rememorigi ĝin al mi, se la verkado daŭrus tro longe ;-)
Amike
KuboF Hromoslav
Saluton!
Jam post 2 tagoj, je la 9a de Januaro 23:59, fermiĝos petoj por stipendio
por Vikimanio! Vikimanio, kiu ĉi-jare okazos en bela montara vilaĝo en
Italio, estas kiel UK de vikimedia mondo (tamen, pli orientita por
plispertiĝado pri movadaj temoj). Partoprenante vi unuflanke plispertiĝas
pri diversaj projektoj kaj tendencoj en vikimedio, aliflanke distriĝas kun
homoj de tuta mondo kaj dum kulturaj programeroj (la vikia maniero).
Tamen, ĉefa lingvo de Vikimanio estas la angla kaj regado de ĝi estas
kondiĉo por ricevi stipendion.
Pliaj informoj: https://wikimania2016.wikimedia.org/wiki/Scholarships/eo
Amike
KuboF
Saluton.
Mi rememorigas vin pri la traduka konkurso, kiu nuntempe okazas en la
Esperanta Vikipedio.
La konkurso finiĝas jam post kelkaj horoj, precize la 30an de Novembro 2015
je 23:59 UTC. Se vi ankoraŭ ne aliĝis, mi invitas vin al lastminuta
partopreno, precipe se vi jam preparis vian tradukaĵon.
Pliaj informoj: https://eo.wikipedia.org/wiki/Vikipedio:Konkurso/2015
Amike
--
KuboF Hromoslav
ĉeforganizanto de la konkurso
Saluton.
[pardonu pro skribado al pluraj dissendolistoj]
Mi ĝoje anoncas al vi, ke dum Novembro 2015 vi povas partopreni diversajn
konkursojn en la Esperanta Vikipedio. Krom konscio, ke partoprenante vi
helpas al disvastigado de libera scio kaj plifortigas Esperanton, vi povas
ankaŭ gajni valorajn premiojn.
Vikipedia traduka konkurso
https://eo.wikipedia.org/wiki/Vikipedio:Konkurso/2015
Plene sub gvidado de Esperanto kaj Libera Scio kaj sub aŭspicio de UEA!
Konkurso temas pri tradukado al la Esperanta Vikipedio per nova helpilo
"EnhavTradukado". La helpilo mem faras laboron, kiu estus teda por vi kaj
vi havas pli da tempo por bonkvalita kaj nature legebla tradukado. De
kelkajn lingvoj (la angla, la hispana, la franca, la kataluna) vi povas uzi
maŝinan tradukon, kiun vi sekve revizias kaj poluras. Kiel premioj estas,
ekz.2 platkomputikoloj, pluraj libroj, muzikaj albumoj, T-ĉemizoj kaj
dankletero.
Tiun ĉi konkurson eblas kombini kun la du sekvaj - sufiĉas per
EnhavTradukado traduki artikolon pri ties temo kaj aliĝi al _ambaŭ_
konkurso.
Azia Monato
https://eo.wikipedia.org/wiki/Projekto:Azia_Monato
Konkurso estas organizata en pluraj Vikipedioj.
Partoprenantoj verkas artikolojn rilatajn al Azio (geografio, kulturo,
homoj ktp.). Kontribuantoj kun almenaŭ 5 bonaj artikoloj ricevos desegnitan
Vikipedian poŝtokarton.
Vikio amas naturon - Hispanio kaj Portugalio
https://meta.wikimedia.org/wiki/WLE_2015_Writing_Contest
Konkurso estas organizata en pluraj Vikipedioj.
Partoprenantoj verkas artikolojn pri naturaĵoj (montoj, riveroj, naciaj
parkoj ktp.).
Nome de organiza teamo mi invitas vin al partopreno!
--
KuboF Hromoslav
Esperanto kaj Libera Scio
Saluton.
Ekde la 15-a ĝis la 19-a de Julio 2015 okazos en Meksikurbo la plej granda
ĉiujara manifestiĝo de vikimedia mondo - Viimanio. Temas pri vikimedia
ekvivalento de Universala Kongreso. Dum Vikimanio okazos multaj prelegoj,
seminarion sed precipe renkontiĝoj kun vikimedianoj de tuta mondo
laborantaj pri plej diversaj laborkampoj. Preferata kaj oficiala lingvo de
Vikimanio estas la angla; tamen en 2014 Vikimanion partoprenis almenaŭ 8
esperantistoj kaj faris sian oficialan renkontiĝeton. Se vi volas
partopreni festecan renkontiĝon de tutmonda movado por plibonigi mondon,
Vikimanio tŭagas por vi.
Ĝis la 16-a de Februaro 23:59 UTC eblas peti stipendion por vojaĝo kaj
partopreno. Detalaj informoj pri kriterioj kaj postuloj disponeblas ĉe
https://wikimania2015.wikimedia.org/wiki/Scholarships/eo
Bonŝancon
--
KuboF Hromoslav (Michal Matúšov)
Saluton.
La Fondaĵo Vikimedio evoluigas novan tradukan interfacon por Vikipedioj kaj
invitas esperantistojn taksi kvaliton de tradukado. Laŭ nia takso kaj
intereso povas esti la ilo ŝaltita en Esperanta Vikipedio (sen intereso ni
ne povos uzi ĝin).
Kion fari:
Bonvolu iri al https://eo.wikipedia.org/wiki/Uzanto:KuboF/Tradukado
tie estas koncize priskribita tuta afero kun ligilo al la demandaro (
http://hexm.de/8iyt ), listigo de uzeblaj tradukiloj kaj traduk-interfacoj
kaj eĉ video pri uzado.
Bonvolu diskonigi tiun ĉi peton al pluraj homoj.
Amike
--
KuboF Hromoslav