Saluton!
Vi ankoraŭ havas ŝancon partopreni en la konkurso VikiPrintempo 2023 kaj
tiel ne nur helpi al plibonigo de Esperantlingva scio, sed ankaŭ gajni
valorajn premiojn!
Ni konkursas *nur ĝis la 30-a de Junio 2023*, do mi invitas vin partopreni
nun ;-)
*Partoprenu en Vikipedio!
<https://eo.wikipedia.org/wiki/Projekto:VikiPrintempo_COE_2023>Partoprenu
en Vikivojaĝo!
<https://eo.wikivoyage.org/wiki/Vikivoja%C4%9Do:VikiPrintempo_COE_2023>*
Danke al viaj artikoloj, aliaj esperantistoj ekscios pli pri la regiono de
la Centra kaj Orienta Eŭropo. Kaj se vi verkos en Vikivojaĝo, ili pli
facile, sekure kaj malmultekoste povos veturi ekz. al Esperantaj
renkontiĝoj en la regiono.
Krome, ni aprezas ĉiujn viajn kontribuojn al Vikipedio kaj Vikivojaĝo!
Tial, se vi estos sufiĉe aktiva, vi povos gajni valoran premion, ekz.
donackarton ĝis 100 eŭroj, kaj abonon de Esperanta muziko de Vinilkosmo.
La konkurson subtenis la programo Erasmus+ de la Eŭropa komisiono kadre de
nia projekto ViPE - Vikio por Eŭropo. Dankon!
*Konklude, ĝis fino de Junio 2023 verku pri Centra kaj Orienta Eŭropo,
aliĝu al la konkurso kaj venku ;-)*
*Partoprenu en Vikipedio!
<https://eo.wikipedia.org/wiki/Projekto:VikiPrintempo_COE_2023>Partoprenu
en Vikivojaĝo!
<https://eo.wikivoyage.org/wiki/Vikivoja%C4%9Do:VikiPrintempo_COE_2023>*
PS: Se vi volus iom pli da helpo, volonte demandu en la Telegrama grupo de
Esperantaj Vikimedianoj <https://vikimedio.telegramo.org/>, kie pluraj
homoj vin povos tuj helpi ;-)
Amike
Michal Matúšov / Uzanto:KuboF Hromoslav
Wikimedia EO (VMEO) <https://esperanto.wiki/>
Prezidanto
Saluton.
TEJO nun diskutas pri akcepto de Vikimedio EO kiel sia nova Faka sekcio
(vidu detalojn en la mesaĝo sube)! Ni atendas baldaŭan akcepton 😎
Kun tiu bela honorigo venas ankaŭ kelkaj pliaj resopndecoj, inklude de
nomumo de nia Komitatano A por TEJO. Tiu homo reprezentos VMEO-n en TEJO,
partoprenadoj ties kunsidojn, voĉdonos kaj ĝenerale helpos kundecidi la
direkton de TEJO.
Se vi interesiĝas kandidatiĝu nun
<https://esperanto.wiki/civicrm/volunteer/signup?reset=1&needs%5B%5D=74&dest…>
aŭ legu pliajn detalojn
<https://esperanto.wiki/2023/igu-komitatano-a-de-tejo-nome-de-vikimedio-eo>!
Bonvolu kandidatiĝi *ĝis la 28-a de Februaro 2023*!
Amike
Michal Matúšov / Uzanto:KuboF Hromoslav
Wikimedia EO (VMEO) <https://esperanto.wiki/>
Prezidanto
---------- Forwarded message ---------
Od: Albert Stalin Garrido <albertstgarrido(a)gmail.com>
Date: ut 14. 2. 2023 o 11:12
Subject: [tejo-komitato] Rekomendo pri la aliĝo de Wikimedia EO kiel nova
landa sekcio
To: <tejo-komitato(a)googlegroups.com>
Karaj komitatanoj,
Ni, la laborgrupo pri la aliĝo de *Wikimedia EO* (VMEO, alinome "Esperanto
kaj Libera Scio"), post zorga ekzamenado kaj korespondado kun la aliĝanta
organizo, procezo kiu daŭris sufiĉe longe ekde 2021, decidas
*rekomendi *komitatan
voĉdonon favore al la aliĝo de la menciita organizo kiel nova faka sekcio
de TEJO.
Ni opinias, ke VMEO kontentigas ĉiujn minimumajn postulojn preskribitajn de
la Artikolo 9.2 (Fakaj Sekcioj) de la Statuto de TEJO. Krome, ili ankaŭ
adoptis novan Elektan Regularon kaj verkis agadplanon pri junulara varbado,
kion nia laborgrupo krompostulis al ili dum la aliĝprocezo.
Por via referenco mi alkroĉas kun ĉi tiu retmesaĝo ligilojn aŭ dosierojn de
iliaj esencaj dokumentoj:
- Statuto de Wikimedia EO <https://esperanto.wiki/pri-ni/statuto>
- Nova Elekta Regularo
<https://drive.google.com/file/d/15zgz2_QHnEES0c0B19zTMTH6dtWxFPby/view>
- Jara Plano 2023
<https://meta.wikimedia.org/wiki/Esperanto_kaj_Libera_Scio/Annual_agendas/20…>
- Lasta Agadraporto (sube alkroĉita)
Kun tio mi proponas al la ĝenerala sekretario Tobiasz la senprokrastan
startigon de la debata fazo kiu kondukos la temon al voĉdonado. Ni esperas,
ke la tuta procezo progresos tiel, ke VMEO havos la oportunon debuti dum la
eksterordinara Komitatkunsido la 4-an de marto 2023.
Tutmondigeme,
Albert, Patricio, Marko, & MB
La laborgrupo pri aliĝpeto de VMEO
*Albert Stalin Tancinco Garrido*
*President | **World Esperanto Youth Organisation (TEJO)*
Tutmonda Esperantista Junulara Organizo
Nieuwe Binnenweg 176 | 3015 BJ Rotterdam | Nederland
tejo.org | info(a)tejo.org | fb/tejoesperanto
<https://www.facebook.com/tejoesperanto/> | twitter/tejoesperanto
<https://twitter.com/tejoesperanto>
--
You received this message because you are subscribed to the Google Groups
"TEJO-Komitato" group.
To unsubscribe from this group and stop receiving emails from it, send an
email to tejo-komitato+unsubscribe(a)googlegroups.com.
To view this discussion on the web visit
https://groups.google.com/d/msgid/tejo-komitato/CADwXmwnRoaYrQGvURvwNd0Wvcy…
<https://groups.google.com/d/msgid/tejo-komitato/CADwXmwnRoaYrQGvURvwNd0Wvcy…>
.
Saluton!
Tre baldaux (post 2 tagoj) estos fino de la petado de stipendioj por
Vikimanio 2023 en Singapuro. Se vi volas partopreni sed bonus por vi ioma
financa helpo, certe petu la stipendion nun (aux poste bedauxru ;)!
Vi povas ricevi stipendion por plena partopreno (veturo, logxado,
partopreno), aux parta (logxado, partopreno, sed sen veturo). Mi mem
partoprenis Vikimanion plurfoje kaj (eble krom uzado de la angla...) mi tre
sxatis tion. Cxiam mi partoprenis per la stipendio, pro kio mi aparte
dankas al la Fondajxo Vikimedio! Kaj ankaux vi povas!
Por peti venu al https://wikimania.wikimedia.org/wiki/2023:Scholarships
Amike
Michal Matúšov / Uzanto:KuboF Hromoslav
Wikimedia EO (VMEO) <https://esperanto.wiki/>
Prezidanto
Saluton!
Iom post iom, Erasmus+ iĝas pli kaj pli grava parto de agado de Vikimedio
EO. Aparte ĉar ĝi provizas financojn por plenumi grandajn taskojn. Sed kio
estas Erasmus+, kiel ĝi povas helpi al nia vikimedia laboro, kiel *vi mem*
povas partopreni kaj kion vi povas gajni de tio?
*Aliĝu nun kaj vi ekscios!
<https://esperanto.wiki/evento/plibonigu-vikimedion-per-erasmus>*
En 2023 ni celas plivastigi eblojn partopreni en subvenciataj projektoj de
Erasmus+ al pli multaj niaj membroj kaj aktivuloj. Eble ankaŭ al vi!
Por povi inkludi ankaŭ vin, mi invitas vin al nia reta seminario kun
diskuto. Ĝi estas senaga kaj komencos la *25-an de Januaro je 18:00 UTK
(19:00 de Mez-Eŭropa tempo)*.
Partopreni en Erasmus+ povas homoj de la Eŭropa unio kaj aliaj programaj
landoj (Norda Makedonio, Serbio, Islando, Liĥtenŝtejno, Norvegio, Turkio).
Mallonga gustumo, de aferoj, kiujn vi povus fari ene de projekto de
Erasmus+: veturi al Esperanta evento al trejnado, viziti alian Vikimedian
organizon kaj lerni pri ilia labormaniero, lerni profesiajn kapablojn dum
kelktaga kurso, ekkoni novajn homojn de tuta Eŭropo, kaj multo pli! Kaj
aparte plaĉa parto estas, ke danke al subvencio *vi havos ĉion repagita!*
*Ĉu tio kaptis vian intereson? Aliĝu nun por ekscii pli!
<https://esperanto.wiki/evento/plibonigu-vikimedion-per-erasmus>*
Amike
Michal Matúšov / Uzanto:KuboF Hromoslav
Wikimedia EO (VMEO) <https://esperanto.wiki/>
Prezidanto
Saluton!
*Resumo*: En Vikimedio EO ni serĉas novan administranton de membroj kaj
kontaktoj (kaj kelkajn rilatajn rolojn). Grandparte temas pri laborado en
programo CiviCRM. Se vi baze interesiĝas, kontaktu min. Por helpi al vi
lerni bazan uzadon de CiviCRM mi baldaŭ gvidos 1-horan retseminarion
<https://esperanto.wiki/evento/retseminario-automatigu-varbadon-de-membroj-p…>
la *6-an de Decembro*, kaj 3-tagan trejnadon
<https://esperanto.wiki/evento/trejnado-la-sekva-nivelo-de-membro-administra…>
*dum JES en Germanio*. Se vi interesiĝas, aliĝu al ambaŭ tre baldaŭ.
En Vikimedio EO ni iom-post-iom plivastigas nian teamon de kernaj
aktivuloj, kiuj longtempe plenumas bazan funkciigadon de VMEO kaj projektan
laboron. Unu el tiuj bazaj aferoj estas mastrumado de membroj (kaj ĝenerale
kontaktoj, ekz. eventaj aliĝintoj, volontuloj, abonantoj de retpoŝtaj
novaĵleteroj ks). Nuntempe la laboron faras nur mi. Sed ĝi estas signife
kompleksa kaj vasta kaj forprenas de mi tempon, energion kaj atenton, kiun
mi ne povas tiom multe dediĉi al gvidado de VMEO kaj projekta laboro. Kaj
tial ni serĉas longtempan respondeculon pri la laboro.
Ideala kandidato:
1. estas *respondeca* (ĉar laboras pri sentemaj, personaj datumoj)
2. kapablas *regi kompleksan komputilan (retan) programon*
3. pretas *lerni multon novan*
4. estas *kunlaborema* (kunlaboros kun varbanto kaj engaĝiganto de
membroj - aŭ faros ankaŭ tion :)
5. estas *iniciatema* (ekz. proprainiciate kontaktas aktivulojn, kiuj
povus profiti de plifaciligo / ebligo de laboro per kontakt-mastruma
sistemo, ks)
6. pretas *diskonigi siajn kapablojn* (ni strebas por ĉiu labora rolo
havi ĉefan respondeculon kaj almenaŭ 1 anstataŭanton; do ideale vi zorgus
pri trejnado por iu novulo)
7. regas la skriban anglan (ĉar nuntempe CiviCRM ne estas en Esperanto,
kaj interreta helpado pri ĝi estas dume plej efika en la angla)
Nenecesaj, sed grandaj plusoj estas:
1. volo lerni uzadon de CiviCRM profunde (spertulo pri CiviCRM estas
rilata, sed aparta, rolo por kiu ni ankaŭ serĉas laboranton)
2. spertoj pri raportado de programaraj cimoj kaj proponoj por plibonigoj
3. tre granda pluso: programado en PHP
Rekompence vi ricevos
1. *bonan senton*, ke vi faras fundamente bezonatan laboron kaj tiel
ebligas al VMEO pli efike helpi al Vikimediaj projektoj
2. *lernos novan aferon*, kiu estas bezonata ankaŭ en aliaj organizoj
kaj eĉ komerce
3. eblon partopreni en *finance subtenata eduka programo* de VMEO (ekz.
individua edukado per Erasmus+)
4. (estontece ni eble povus pagi vin, sed tio nuntempe estas necerta)
Do, se vi pretas helpadi pri tiu ĉi grava laboro de VMEO, aliĝu al la
retseminario
<https://esperanto.wiki/evento/retseminario-automatigu-varbadon-de-membroj-p…>
kaj
la trejnado
<https://esperanto.wiki/evento/trejnado-la-sekva-nivelo-de-membro-administra…>.
Se vi ne povas partopreni ilin, *certe skribu al mi* - mi klopodos
videoregistri la eventojn kaj provizi la registraĵon. Kaj ni povos komenci
trakti la aferon ;-)
Amike
KuboF Hromoslav
Michal Matúšov / Uzanto:KuboF Hromoslav
Wikimedia EO (VMEO) <https://esperanto.wiki/>
Prezidanto
Saluton, kara!
Mi invitas vin veni al (repagata, danke al *Erasmus+*) trejnado pri
kontribuado al Vikipedio kaj ĝiaj frataj projektoj, kiu okazos en
Bjalistoko, Pollando la 10-a ĝis la 11-an de Decembro. *ALIĜU NUN!
<https://esperanto.wiki/evento/trejnado-pri-redaktado-kaj-tradukado-de-vikip…>*
Kunlabore kun 3 partneroj ni organizas *serion de 3 trejnadoj por trejni
bazojn de Vikimedia laboro*, konkrete:
1. baza redaktado; tradukado per speciala traduka helpilo
2. plurmediaĵoj; aŭtoraj rajtoj
3. Vikifontaro
Tiujn ĉi 3 trejnadojn ni faros en sekvaj monatoj en Pollando, Slovakio kaj
Francio. Ideale vi partoprenus ĉiujn 3, sed se tio ne eblus, ni povus
interkonsenti.
La unua trejnado okazos jam sufiĉe baldaŭ - *la 10-a ĝis 11-an de Decembro*
en *Bjalistoko, Pollando* parte dum la famaj Bjalistokaj Zamenhofaj tagoj.
Danke al subteno de Erasmus+ *ni pagos viajn vojaĝon, loĝadon, manĝadon kaj
vi partoprenos senpage*. Vi povos veni iom pli frue kaj partopreni en la
ŝatatajn Bjalistokaj Zamenhofaj tagoj. *Ni havas nur kelketajn lokojn por
homoj, kiujn ni povos repagi!*
*Ideala partoprenanto*
1. ŝatas Vikipedion aŭ ĝiajn fratajn projektojn
2. volas longtempe kontribuadi al ili
3. dume ne (multe) regas tiun kontribuadon
4. loĝas en la Eŭropa unio (pro kondiĉoj de la subvencio, kiu pagas la
partoprenon)
Ĉu tio estas vi? *ALIĜU NUN!
<https://esperanto.wiki/evento/trejnado-pri-redaktado-kaj-tradukado-de-vikip…>*
Memoru, ke entute estas malmultaj lokoj disponeblaj, kaj plejparto estas
por niaj partneroj. Do se vi seriozas, aliĝu frue aŭ poste bedaŭru!
Se vi havas demandojn, skribu al mi nun :-)
Michal Matúšov / Uzanto:KuboF Hromoslav
Wikimedia EO (VMEO) <https://esperanto.wiki/>
Prezidanto
Saluton, kara Michal!
Ĵuse okazas 2 gravaj Esperantaj virtualaj renkontiĝoj - Retoso
<https://esperanto.wiki/civicrm/mailing/url/?u=42&qid=> kaj la Virtuala
Kongreso de Esperanto 2022
<https://esperanto.wiki/civicrm/mailing/url/?u=43&qid=>.
Kaj Vikimedio EO aktive partoprenas en ili! Mi invitas vin al (parte niaj)
programeroj:
- prelego: Voĉa klavaro por Esperanto jam funkcias – provu ĝin ankaŭ vi!
- tre mallonga prezento dum "Babilu kun Amri Wandel" en la parto pri
faka agado
- prezento dum Virtuala Movada Foiro: Vikimedio EO
Michal Matúšov / Uzanto:KuboF Hromoslav
Wikimedia EO (VMEO) <https://esperanto.wiki/>
Prezidanto
Saluton!
En Vikimedio EO ni interesiĝas partneriĝi kun TEJO pri subvencipetado por
novaj projektoj – pri podkastoj kaj sciencaj prelegoj. Ĉar nia tasko estus
precipe trovi interesiĝantojn, ni alvokas vin kandidatiĝi por partopreno!
Ene de la projektoj vi partoprenos en 1-2 renkontiĝoj, kaj aŭ kreos
materialon por podkasto aŭ prelegos dum scienc-teĥnika konferenco KAEST
2023 (ĝi kutime okazas en Slovakio, Eŭropo). Danke al subvencio vi havos
repagitajn kutimajn rektajn elspezojn por partopreno. Antaŭvideble vi povos
partopreni nur se loĝas en la Eŭropa unio, aŭ programa lando de Erasmus+.
*Eksciu pli kaj kandidatiĝu ĉe:*
- *podkastoj*
<https://esperanto.wiki/civicrm/profile/create/?gid=51&reset=1>
- *sciencaj prelegoj*
<https://esperanto.wiki/civicrm/profile/create/?gid=52&reset=1>
*Limdato* por kandidatiĝi estas la *13-a de Septembro 2022 23:59 UTK*!
Amike
Michal Matúšov / Uzanto:KuboF Hromoslav
Wikimedia EO (VMEO) <https://esperanto.wiki/>
Prezidanto
Saluton, kara!
Tiu ĉi Aŭgusto estas aparte riĉa je eventoj. Krom la ĵus okazanta
Universala Kongreso de UEA en Montrealo (kie ni ĉi-foje bedaŭrinde faras
neniun vikimedian agadon) okazos tutmonda (ne-Esperanta) Vikimanio,
prezento de VMEO dum IJK en Nederlando, kaj fine eĉ plurtaga Vikipedia
trejnado en Francio.
*Vikimanio* certe estas la plej pinta eveto de la Vikimedia komunumo. Kiam
ĝi okazas ĉeeste, ĝi allogas ĉirkaŭ milon da partoprenantoj, kiujn ĝi ravas
al siaj komunumaj diskutoj, prelegoj, trejnadoj, sed ankaŭ koncertoj kaj
(ege grave!) amikaj paroloj. Ĉi-jare ĝi tamen (denove) okazos plene
virtuale. *Tempo*: 11a-14a de Aŭgusto 2022. *Kotizo*: senpaga. *Oficiala
retejo kaj aliĝilo*: https://wikimania.wikimedia.org/
*Internacia Junulara Kongreso (IJK)* estas delonge kara al koroj de multaj
esperantistaj junuloj (kaj tiuj oficiale junaj, kaj tiuj "eterne junaj en
sia koro"). Ĉi-jare ĝi invitas vin al Nederlando, kaj krom aliaj aferoj
proponas Junularan Movadan Foiron - dum 2 horoj multaj esperantistaj
junularaj movadanoj ĉe tabloj prezentos sian organizon / projekton kaj
vizitantoj libere vizitos ilin. Se vi spertis Movadan Foiron ĉe UK, vi
certe scias pri kio temas. Kompreneble, IJK proponas multon plian
partoprenendan! *Tempo*: 22a de Aŭgusto 2022. *Kotizo*: senpaga por
partoprenantoj de IJK. *Oficiala retejo kaj aliĝilo*:
https://ijk2022.tejo.org/
*Noto*: Ni serĉas helpantojn por Vikimedia agado dum tiu ĉi kaj eĉ pli
estontaj IJK-j. Povas temi pri prezentado ĉe tablo / en budo, prelego,
trejnado, gvidado de komuna redaktado ks. Kandidatiĝu por esti Vikimedia
helpanto dum IJK-j!
<https://esperanto.wiki/civicrm/civicrm/volunteer/signup?reset=1&needs%5B%5D…>
La Esperanto-Centro KVINPETALO denove organizas semajnan staĝon fokusitan
al redaktado de Vikipedio kaj ĝiaj frataj projektoj nomitan *Dispartigi
sciaĵojn helpe de la Vikimediaj projektoj*. La staĝon gvidas Arno Lagrange,
kiu apartenas al la plej fruaj pioniroj de la Esperanta Vikipedio! *Atentu,
ke la limdato por aliĝi estas la 15-a de Aŭgusto!* *Tempo*: 29a de Aŭgusto
- 2a de Septembro 2022. *Kotizo*: ĉ. 35 eŭrojn / tago (dependas ke pluraj
aferoj). *Oficiala retejo kaj aliĝilo*:
http://www.kvinpetalo.org/spip.php?rubrique17
Kiel vi vidas, la sekvaj semajnoj estas vere abunda je Vikimediaj eventoj!
Ĝuu ilin, eventuale invitu viajn amikojn, kaj esperebe ni renkontiĝos en
iuj el ili!
Amike
Michal Matúšov / Uzanto:KuboF Hromoslav
Wikimedia EO (VMEO) <https://esperanto.wiki/>
Prezidanto
Saluton!
Meze de Oktobro en Norda Makedonio okazos Vikimedia renkontiĝo de Centra
kaj Orienta Eŭropo 2022
<https://meta.wikimedia.org/wiki/Wikimedia_CEE_Meeting_2022>. La renkontiĝo
celas helpi al disvolviĝo de la regionaj Vikimediaj organizoj kaj
komunumoj, kaj plifortigi kunlaboradon inter ili.
*Estas 2 gravaj invitoj en tiu ĉi mesaĝo!*
*Invito 1: kandidatiĝu por partopreno*
VMEO rajtas je 1 repagita reprezentanto. Dum antaŭaj jaroj tiun renkontiĝon
nome de VMEO partoprenadis precipe mi. Kaj mi volonte tion ripetos :-) Sed
eĉ pli volonte mi vidus, ke pluraj niaj aktivuloj havu tiun sperton, lernu
de ĝi kaj danke al tio pli forte engaĝiĝu en gvidado de VMEO!
La partopreno estu laŭeble aktiva, kun multa lernado, interŝanĝado de
spertoj, amikiĝado kaj alia retigado, kaj post la renkontiĝo ion alportu al
VMEO. Ideala kandidato estu:
- je komunika nivelo de la angla
- envolviĝinta en decidado en VMEO
- klopodanta helpi formi estontecon de la vikimedia movado
- aŭ spertulo pri partnerecoj
- aŭ programa gvidanto
Mi (kaj eventuale aliaj aktivuloj) helpos prepariĝi al nia reprezentanto
antaŭ la renkontiĝo.
Se tio estas vi (aŭ vi aspiras esti tia por sekvaj jaroj ;), *kandidatiĝu
per la volontula formularo*
<https://esperanto.wiki/civicrm/civicrm/volunteer/signup?reset=1&needs%5B%5D…>.
*Limdato: la 7-a de Aŭgusto 2022*. Poste nia Estraro elektos nian
reprezentanton.
(Se ni havos plurajn bonajn kandidatojn, ni eventuale povos pripensi
finance subteni iun aldonan! Do certe kandidatiĝu se vi interesiĝas!)
*Invito 2: proponu programeron*
Sed eĉ ekster tiu ĉi oficiala (reprezenta) partopreno, vi povas *proponi
iun programeron
<https://meta.wikimedia.org/wiki/Wikimedia_CEE_Meeting_2022/Submissions>*
kaj eble vi estos elektita por partopreni kiel invitita preleganto (estas
kelketaj, malmultaj lokoj disponeblaj por invititaj prelegantoj). Mi mem
intencas proponi 1 prelegon, 2 trejnadojn kaj 1 grandafiŝon :) Ĉiuokaze, se
ni en la Estraro vidos, ke vi vere interesiĝas kaj havas bonajn proponojn,
viaj ŝancoj por esti elektita kiel nia reprezentanto plialtiĝos!
Sed rapidiĝu! *La limdato estas la 31-a de Julio 2022* 😎
Amike
Michal Matúšov / Uzanto:KuboF Hromoslav
Wikimedia EO (VMEO) <https://esperanto.wiki/>
Prezidanto