Saluton de Vikimanio en Stokholmo, Svedio!
Vikimanio estas la plej granda manifestacio / konferenco / festivalo de la
tutmonda Vikimedia movado. Sed bedaŭrinde, pro pluraj kialoj, ne ĉiuj
Vikimediaj samideanoj povas ĝin partopreni persone. Tiun personan kontakton
kun koleg-amikoj de la tuta planedo povas anstataŭi nenio.
Tamen, ĉar Vikimedio estas moderna movado, vi povas spekti multajn
prelegojn rekte de komforto de via hejma sofo aŭ de oficejo de via loka
vikia klubo aŭ organizo. Viva video-elsendado komenciĝos vendrede la 16an
de Aŭgusto.
Preskaŭ ĉiuj prelegoj estos registrataj, multaj eĉ vive elsendataj. (mia
prelego pri artefaritaj lingvoj, en kiu aperos ankaŭ Esperanto, estos
registrita kaj provizita nur poste)
Por vive spekti videojn de Vikimanio venu al la paĝo:
https://wikimania.wikimedia.org/wiki/2019:Video
Amike
KuboF Hromoslav
Saluton.
Estas plezuro por mi oficiale anonci venkintojn de la Esperantlingva parto
de la plurlingva artikol-verka konkurso *VikiPrintempo COE 2019
<https://eo.wikipedia.org/wiki/Projekto:VikiPrintempo_COE_2019>*, kiu
okazis en Aprilo kaj Majo samtempe en la Esperantaj Vikipedio kaj
Vikivojaĝo.
La venkintoj estas:
1. Alzinous
2. Yurij Karcev
Aldona venkinto
1. Mutichou
(Mutichou verkis 2 akceptitajn kaj 2 neakceptitajn (pro nesufiĉa longeco)
artikolojn en Vikivojaĝo akirinte 4 poentojn, tial li *ne* rajtas je plena
premio (provizita de la Fondaĵo Vikimedio). De ĉiuj partoprenintoj, kiuj ne
atingis necesajn 10 poentojn, li tamen estis plej proksime al la sojlo.
Danke al Vinilkosmo <https://vinilkosmo-mp3.com/>, Esperanta sponsoro de la
konkurso, li tamen ricevis aldonan premion. Dankon al Mutichou pro
partopreno kaj al Vinilkosmo pro sponsorado!)
Gratulon al venkintoj kaj dankon al ĉiuj partoprenintoj pro helpo al kreado
kaj disvastigado de libera scio por tuta homaro!
La konkurso estis fokusita pri la regiono de la Centra kaj Orienta Eŭropo,
la Balkana duoninsulo kaj Kaŭkazo. Ĉiujare okazas pluraj similaj
multlingvaj eventoj (ekzemple pri Afriko kaj pri Azio). Ankoraŭ ne estas
decidita, ĉu ni organizos iun el ili - se vi interesiĝas helpi, private min
kontaktu.
KuboF Hromoslav
VikiPrintempo COE 2019
ĉeforganizanto
Saluton.
La konkurso *VikiPrintempo de Centra kaj Orienta Eŭropo 2019* progresas kaj
proksimiĝas al sia fino - jam la *31an de Majo*, post malpli ol 2 semajnoj,
ni fermos ĝin!
Kutime ni pro nia sindediĉa laborado en Vikipedio gajnas ĝojon pro agrabla
labora procezo, senton de plenumiĝo pro io, kio utilas al tuta mondo kaj
ankaŭ rilatojn en la komunumo. Ĉio tio estas tre belaj aferoj kaj ili logas
ankaŭ min persone al volontula laborado dum pli ol jardeko! Tamen, ja eblas
ankaŭ io pli. Ne tre ofte - ekzemple VikiPrintempon ni lastatempe organizis
antaŭ 2 jaroj kaj mi sincere ne scias, kiam ni sekvafoje faros ion similan.
Ĉar nia bonega komunumo meritas subtenon, premioj en tiu ĉi konkurso estas
vere valoraj - aĉetkuponoj ĝis *100 eŭroj* kaj aliro al fluelsendata *Esperanta
muziko de Vinilkosmo* (kaj multegaj aliaj eldonejoj). Ĉu vi jam monatojn
cerbumas pri "tiu" libro de UEA, sed hezitas ĝin aĉeti? Aŭ ĉu vi volas la
plej novan KD-n de Vinilkosmo? Nun vi povas ricevi ilin kontraŭ laboro,
kiun vi jam nun faras!
Tamen rapidu - la konkurso daŭras *ĝis la 31a de Majo 23:59 UTK*.
Por partopreni venu al sekvaj paĝoj, verku / traduku / plilongigu kelkajn
artikolojn kaj enskribiĝu inter partoprenantojn!
- *Vikipedio
<https://eo.wikipedia.org/wiki/Projekto:VikiPrintempo_COE_2019>*
- *Vikivojaĝo
<https://incubator.wikimedia.org/wiki/Wy/eo/Projekto:VikiPrintempo_COE_2019>*
Kaze de ajnaj demandoj, ne hezitu skribi al mi!
Amike
KuboF Hromoslav
Saluton.
(bv. pardoni plusendon al pluraj listoj)
Vikimanio 2019 nun akceptas aliĝojn en la unua aliĝperiodo "Fruaj birdoj".
Pliaj informoj en la mesaĝo sube, de la organizantoj (en la angla, ĉar tio
estas la lingvo de Vikimanio).
Mi planas Esperantistan renkontiĝon dum Vikimanio, dum ĉ. 1-2 horoj.
Detalojn mi sendos al la dissendolistoj "eliso" kaj "wikieo-l" kaj en
sociaj retejoj kiam tiuj pretos.
Amike
KuboF Hromoslav
---------- Forwarded message ---------
Od:Isabel Cueva <icueva(a)wikimedia.org>
Date: pi, 17. máj 2019 19:22
Subject: [Wikimania-l] Wikimania 2019 Early Bird Registration is Now Open!
To: <Wikimania-l(a)lists.wikimedia.org>
Attention Everyone (and please spread the word):
Early Bird Registration is now open for Wikimania 2019 on our Eventbrite
<https://www.eventbrite.com/e/wikimania-2019-registration-60631780287>
page.
This discount pricing ends on May 24th so don’t delay!
Online registration will be open from today to July 30th, 2019.
For more information please visit:
https://wikimania.wikimedia.org/wiki/Registration
Wikimania 2019 will be held at Stockholm University
<https://en.wikipedia.org/wiki/Stockholm_University>, Sweden
<https://en.wikipedia.org/wiki/Sweden>, from 14th to 18th August 2019.
The venue will host the majority of the conference, hackathon, meetups, and
pre-events.
We would like to encourage all speakers and attendees to register early and
book their flight and travel as soon as possible. If you have questions
about visas, please visit our wiki visa page
<https://wikimania.wikimedia.org/wiki/Visas>.
If you have any questions with regard to the conference, please contact:
wikimania-info(a)wikimedia.org
Don’t forget: If you want to make a presentation, run a workshop, or
display a poster during Wikimania, the Call for Submissions is NOW OPEN
<https://wikimania.wikimedia.org/wiki/Wikimania>
We hope you can join us in Stockholm this summer!
Isabel Cueva, WMF Event Program Manager
on behalf of the Wikimania ‘19 Organizing Team
--
*Isabel Cueva*
Event Program Manager
Wikimedia Foundation <https://wikimediafoundation.org/>
_______________________________________________
Wikimania-l mailing list
Wikimania-l(a)lists.wikimedia.org
https://lists.wikimedia.org/mailman/listinfo/wikimania-l
Saluton.
Oni diras, ke ni pli bone konas malproksimajn galaksiojn ol proprajn
najbarojn. Kaj tio estas bedaŭrinda! Tial estis komence de Aprilo lanĉita
la konkurso *VikiPrintempo de Centra kaj Orienta Eŭropo 2019* - samtempe *en
Vikipedio <https://eo.wikipedia.org/wiki/Projekto:VikiPrintempo_COE_2019>
kaj en Vikivojaĝo
<https://incubator.wikimedia.org/wiki/Wy/eo/Projekto:VikiPrintempo_COE_2019>*.
Mi invitas vin partopreni la konkurson - verki / traduki artikolojn, tiel
helpi esperantistojn per plibonigitaj scioj pri tiu regiono kaj aldone eĉ
gajni interesajn premiojn!
La konkursa parto daŭras *ĝis la 31a de Majo 23:59 UTK*. La 5 venkontoj
gajnos donackartojn valorajn *20-100 eŭrojn* kaj 4 ankaŭ *abonon de
Vinilkosmo* kun (ne nur) Esperanta muziko. Vinilkosmo subtenis la konkurson
per kelkaj aldonaj abonoj - dankon!
Temas jam pri 3a edicio de la konkurso en Esperanta Vikipedio. Kompare kun
la antaŭaj jaroj estas precipe 2 gravaj ŝanĝoj:
- la konkurso okazas *ankaŭ en la Esperanta Vikivojaĝo*, nova projekto
kun turismaj gvidiloj - por instigi vian partoprenon en Vikivojaĝo vi tie
gajnas 2-oble pli multajn poentojn (poentoj de Vikipedio kaj Vikivojaĝo
sumiĝas)
- vi povas konkursi nur per artikoloj, kiuj *temas ne pri via lando*
(do, artikoloj pri propra lando estas malpermesataj) - tio por subteni
ekkonon de aliaj kulturoj
Do jen venu, helpu kaj aldone eĉ gajnu en
- *Vikipedio
<https://eo.wikipedia.org/wiki/Projekto:VikiPrintempo_COE_2019>*
- *Vikivojaĝo
<https://incubator.wikimedia.org/wiki/Wy/eo/Projekto:VikiPrintempo_COE_2019>*
Amike
KuboF Hromoslav
Esperanto kaj Libera Scio
Saluton!
Kiel ĉiujare, ankaŭ tiun ĉi someron okazos Vikimanio - la plej granda
renkontiĝo de la Vikimedia movado, iom konferenco, iom festivalo kaj multaj
subtenantoj de Vikimedio! Ĝi okazos la *14an-18an de Aŭgusto 2019* (la
antaŭkonferenco 14an-15an) en Stokholmo, Svedio.
Ni scias, ke por multaj el vi tio estas longa vojaĝo kaj tia ĉi partopreno
povas esti signifa ŝargo por familia buĝeto. Ankaŭ pro tio la Fondaĵo
Vikimedio provizas certan kvanton da stipendioj, danke al kiuj *vi havas
ŝancon partopreni malpli koste aŭ eĉ senpage!* Pro kiu eblo ni tre dankas!
En la laborgrupo Esperanto kaj Libera Scio ni por Esperanto-parolantaj
Vikimedianoj jam la 2an fojon provizas specialan servon - konsultadon de
stipendipetoj! (dume temas nur pri mi, eventuale pluraj homoj aliĝos) Se vi
ŝatus scii opinion de tiuj, kiuj jam plurfoje sukcesis ricevi stipendion,
nun vi havas la oportunon! Por ke ni povu konsulti viajn petojn kaj vi havu
ankaŭ tempon por entekstigi niajn rekomendojn, sendu al ni vian tekston *ĝis
la 12a de Marto!*
*La formularon estas ĉe https://goo.gl/forms/eS2YeZnnLnPdCLSk1
<https://goo.gl/forms/eS2YeZnnLnPdCLSk1>*
*Atentigo*: Tiu ĉi konsultado estas volontula agado de aktivuloj de
Esperanto kaj Libera Scio; ĝi estas sendependa de la organizantoj de
Vikimanio. Se vi volas peti stipendion sen konsultado, sekvu la
instrukciojn en la oficiala retejo:
https://wikimania.wikimedia.org/wiki/Scholarships/eo
Multan sukceson pri via stipendio kaj ni esperas, ke ni multaj renkontiĝos
en Stokholmo!
KuboF Hromoslav
Esperanto kaj Libera Scio
Saluton!
En la Vikimedia movado ni ree kaj ree alfrontas la saman problemon: kutimaj
verkoj estas protektataj per aŭtoraj rajtoj kaj pro tio ni ne povas ilin
uzi en Vikimediaj projektoj. La problemo eĉ pligrandiĝas, se la aŭtoro
forpasas kaj ties familio ne estas konata aŭ ne pretas cedi pri (hereditaj)
aŭtoraj rajtoj.
Okazis, ekzemple, ke slovaka amatora Esperanta verkisto forpasis kaj lia
familio postulis tre grandan sumon kontraŭ liaj poemoj. Slovakoj ne povis
tiom pagi kaj la granda poemaro ŝajne estas poreterne pereita. Ĉu la
verkisto volus disvastigi siajn poemojn, ekz. en Vikifontaro? Nu, mi ne
scias. Sed ĉar li ne liberigis ilin, ni ŝajne neniam plu pvos tion fari.
Aliflanke, ankoraŭ vivas multaj kapablaj kaj kreemaj homoj, kiuj volonte
provizos siajn librojn, filmojn aŭ muzikon por Vikifontaro aŭ Komunejo. Se
nur se tio estos sufiĉe facila. Kun ties bonvolo povos niaj projektoj tre
kreski!
Tial E@I (konata pro lernu.net, Somera Esperanto-Studado, sed ankaŭ diversa
Vikimedia agado kaj simile) monpetis ĉe la Fondaĵo Vikimedio por projekto
por plifaciligi liberigadon de propraj verkoj (kiu estos eĉ pli kapabla ol
OTRS). Se vi kredas je la projekto, bonvolu subskribiĝu ĉe la ligita paĝo
en la sekcio "Endorsements", eventuale komentu ĉi tie aŭ en ties diskutpaĝo.
https://meta.wikimedia.org/wiki/Grants:Project/E@I/Testamentu#Endorsements
Antaŭdankon!
KuboF Hromoslav
Saluton.
Ĉiujare (jam 4an fojon) la Fondaĵo Vikimedio demandas pri dezirataj
teĥnikaĵoj por aktivaj vikimedianoj. Diversaj vikimedianoj faras siajn
proponojn kaj ĉiu aktiva vikimediano povas voĉdoni por ili. La 10 plej
subtenitaj ideoj estos prilaboritaj.
Nun ni estas en voĉdona fazo, do vi havas ŝancon subteni teĥnikaĵojn, pri
kiuj vi kredas, ke ili plej subtenos atingon de celoj de nia movado. Venu
kaj voĉdonu ĉe:
https://meta.wikimedia.org/wiki/Community_Wishlist_Survey_2019/eo
Amike
KuboF Hromoslav
Saluton.
La 18an de Septembro 2018 atingis nia, Esperanta, Vikipedio rimakeblan
mejloŝtonon - 250 000 artikolojn. Esperanto kaj Libera Scio (ELiSo) aliĝis
al UEA kaj preparis komunan gazetaran komunikon pri la temo, kiun mi
plusendas sube.
Ni jam atingis rimarkeblajn atingojn (laŭ jaroj ni povas konstati ankaŭ pli
grandan atenton pri kreskanta kvalito de unuopaj artikoloj!) kaj tio klare
montras, ke nia vojo estas irebla kaj irinda.
PS: Mi nun komunikas kun UEA pri liberigo de la gazetara komuniko. Dume
estas bona evoluo.
Jen nia komuna komuniko:
Gazetaraj Komunikoj de UEA
N-ro 757
2018-09-20
VIKIPEDIO EN ESPERANTO ATINGAS SIAN 250-MILAN ARTIKOLON
La 18-an de Septembro 2018 Vikipedio en Esperanto atingis sian 250-milan
artikolon. La koncerna artikolo estas "Livaie", pri komunumo en Francio,
kaj verkis ĝin kontribuanto Dominik. Legu ĝin ĉe
https://eo.wikipedia.org/wiki/Livaie.
La Esperanto-lingvan version de Vikipedio fondis Chuck Smith la 6-an de
novembro 2001. Kun la helpo de Jerry Muelver kaj Stefano Kalb, li
publikigis la unuan version la 2-an de januaro 2002, kun pli ol 300 paĝoj.
La artikoloj estas libere redakteblaj kaj lastatempe pli ol 300 uzantoj
redaktas Vikipedion en Esperanto ĉiumonate. La volontuloj de Vikipedio
daŭre aldonas novajn artikolojn kaj samtempe pligrandigas kaj plikvalitigas
jam ekzistantajn. En la enciklopedio estas krom teksto ankaŭ fotoj, videoj,
sonaĵoj kaj eĉ 3D-objektoj. La tuta projekto estas ebla nur danke al tuja
kunlabora reviziado per interreto -- kaj multaj volontuloj.
La Esperanta Vikipedio tenas la 32-an pozicion inter Vikipedioj laŭ nombro
de artikoloj. Proksimaj estas la eŭska (45 mil pli), la bulgara (5 mil
malpli) kaj rapide proksimiĝas la armena. Sed kvanto de artikoloj ne estas
ĉio -- gravas ankaŭ kvalito de ili. Konsiderante kvaliton de la 1 000 plej
gravaj artikoloj, la Esperanta Vikipedio estas en tre bela 16-a loko. En la
tutmonda Vikimedia movado ĝi estas pozitive taksata, ĉar ĝi fondiĝis tre
frue, kunigas signifan komunumon kaj eĉ estas oficiale reprezentata de la
organizo Esperanto kaj Libera Scio (ELiSo).
Vikipedio ebligas aliron al artikoloj pri plej diversaj temoj kutimaj en
enciklopedio, el ĉiuj fakoj, sed por la Esperanto-komunumo ĝi havas kroman
valoron, nome registri artikolojn pri Esperanto-aktivaĵoj kaj iniciatoj,
kun fotoj kaj ilustraĵoj pri multaj faktoj kaj homoj, kiuj konsistigis la
evoluon de nia lingvo laŭlonge de pli ol 130 jaroj. La artikoloj de
Enciklopedio de Esperanto (1934) estis enretigitaj kaj (ankaŭ) vi povas
daŭre grandigi kaj plibonigi ilin. Specife utila ĝi estas por fakaj
asocioj, kiuj per ĝi povas facile disvastigi informojn de sia fako.
Dum multaj jaroj de sia ekzisto Vikipedia medio multe ŝanĝiĝis. Komence
redaktado okazis per speciala kodo, ne tre malfacila, sed neintuicia por
neteĥnikemuloj. Nuntempe vi povas redakti kaj formatigi tekston simile kiel
en retpoŝto. Aldone, progresaj teĥnikaj iloj nun faras plurajn monotonajn
laborojn, do vi povas fokusiĝi pri la vera kerno -- bonkvalita teksto. Eĉ,
ĉiam pli da homoj faras simplajn redaktojn (ekz. korektado de mistajpoj)
per poŝtelefona aplikaĵo. Por helpi al Vikipedio, komencu per
https://eo.wikipedia.org/wiki/Vikipedio:Bonvenon_al_Vikipedio.
Ĉar Vikipedio estas utila al la Esperanta komunumo, pluraj organizoj jam
helpis kaj plu helpas ĝin. Inter ili estas UEA, TEJO, E@I kaj novfondita
Esperanto kaj Libera Scio, specife fokusiĝanta pri Vikimedia agado. Sen
tiuj organizoj Vikipedio ne estus tiom bunta, kiom ĝi estas nun.
Statistikaĵojn pri ĉiuj pli ol 200 versioj de Vikipedio oni trovas ĉe
https://en.wikipedia.org/wiki/List_of_Wikipedias#Detailed_list, dum
specifaj pri la Esperanto-versio troviĝas ĉe
https://eo.wikipedia.org/wiki/Specialaĵo:Statistikoj.
UEA kaj ELiSo varme gratulas -- kaj kore dankas -- tiom da aktivuloj, kiuj
praktike anonime, sed plenanime kaj volontule laboras por libera scio en
Esperanto.
KuboF Hromoslav
Pasintan semajnon niaj amikoj en Brazilo spertis kortuŝan baton - la Nacia
muzeo forbruliĝis kaj kun ĝi preskaŭ tuta ĝia kolekto. Nun estas aparte
grava tempo por helpi niajn brazilajn amikojn pri konservado de memoro pere
de Vikimediaj projektoj.
La Nacia muzeo, en la urbo Rio-de-Ĵaneiro, estis starigita antaŭ 200 jaroj,
en iama imperiestra domo, kaj ekde tiu tempo kolektis 20 milionojn da
eksponaĵoj. Ĝi apartenas al pintaj sciencaj institucioj de Brazilo. Al ĝia
vasta kolekto apartenis multaj arĥeologiaj, geologiaj kaj historiaj
unikaĵoj, inter ili la plej malnova homa fosiolio de Ameriko. Jam
konfirmiĝis, ke pereis tuta kolekto pri indiĝenaj lingvoj, ankaŭ muzikaj
registraĵoj de ne plu parolataj lingvoj. Unu el malmultaj aferoj, kiuj
ŝajne transvivis estas meteoritoj.
*Nun estas via tempo!*
La incendio frapis forte kaj ni ĉiuj kunsentas kun brazilanoj. Nun, kiam la
originalaĵoj malaperis, la plej bona maniero por helpi estas konservi
almenaŭ ciferecan dokumentadon. Se vi aŭ viaj amikoj vizitis la muzeon kaj
fotis aŭ filmis ĝin, ni alvokas vin alŝuti viajn fotojn kaj videojn al
Vikimedia Komunejo, de kie ilin povos plu uzi Vikipedio kaj ĉiuj aliaj
Vikimediaj projektoj.
Se vi aŭ viaj amikoj ankoraŭ ne havas sperton pri alŝutado al Komunejo,
venu al jena paĝo por enkonduko:
https://pt.wikipedia.org/wiki/Wikip%C3%A9dia:Comunicado_sobre_o_Museu_Nacio…
Se vi jam spertas pri Komunejo, alŝutu viajn fotojn per tiu ĉi paĝo:
https://commons.wikimedia.org/wiki/Campaign:MuseuNacional
Via kontribuo estas nun aparte grava por helpi konservi sciaron de Brazilo
kaj homaro entute!
Ni petas vin disvastigi tiun ĉi mesaĝon al viaj konatoj, por savi kiom eble
plej multe!
Fine ni ŝatas danki ankaŭ al UEA, pro ĝia inspira morala subteno de Brazilo
en tiu ĉi korprema situacio kaj alvoko por helpi per Vikipedio!
Sincere
Vikimedianoj de Esperanto kaj Libera Scio