کچھ عرصہ قبل پنجابی وکیپیڈیا حاضنہ کے مرحلہ سے نکل کر باقاعدہ درجہ حاصل کر
چکی ہے۔ خالد محمود صاحب ،جن سے اردو وکیپیڈیا کے پرانے ساتھی واقف ہیں، کی
سرکردگی میں دن دوگنی رات چگنی ترقی کر رہی ہے۔ جو اصحاب پنجابی لکھنا جانتے
ہوں، وہ اردو وکیپیڈیا سے مضامین وہاں ترجمہ کر سکتے ہیں (کہ یہ آسان طریقہ ہے)۔
پنجابی وکیپیڈیا کو اردو سے بھی سے زیادہ معمّوں کا سامنہ ہے، کہ خالد صاحب کے
مطابق پنجابی کے ہجوں کی صحیح لغت موجود نہیں، اس لیے خالد صاحب اپنی صلاحیتوں
کے مطابق ہجہ سازی کر رہے ہیں۔ اصطلاحات بارے فی الحال کوئی واضح حکمت عملی
نہیں نظر آ رہی ہے، ابھی یہ مسئلہ کھل کر سامنے آیا بھی نہیں کہ زیادہ تر
مضامین غیر سائنسی موضوعات پر ہیں، اور زور اسی بات پر ہے کہ مضامین کی تعداد
بڑھائی جائے۔ فی الحال لکھنے ولے تین چار ہیں مگر لگن سے کام کر رہے ہیں۔ زیادہ
تر مضامین خالد صاھب نے ہی جوش و جذبہ سے تحریر کیے ہیں، اور تعداد 3000 سے
اوپر پہنچا دی ہے۔ ہماری جانب سے پنجابی وکیپیڈیا کو مبارکباد۔
http://pnb.wikipedia.org/wiki/Special:RecentChanges
السلام علیکم! وکیپیڈیا پر شہروں کی زمرہ بندی کے دو طریقے رائج ہیں جسے یکساں
کرنے کی ضرورت ہے۔ مثال کے طور پر یا تو ہم [[زمرہ:پاکستان کے شہر]] ڈال دیتے
ہیں یا پھر [[زمرہ:شہر (پاکستان)]] ۔ اس سلسلے میں کوئی ایک طریقہ مستقلاً رائج
کرنے کے حوالے سے رائے درکار ہے۔ میں [[زمرہ:شہر (پاکستان)]] کے حق میں ہوں۔
اسی طرح دیگر ممالک کے شہر بھی ایسے ہی مرتب کردہ زمرہ جات میں ڈالے جائیں جیسے
[[زمرہ:شہر (سعودی عرب)]] ۔
--
Visit my blog at
www.abushamil.com