Kaixo.
Nik blokeatu nuen IP hori, 3 egunez.
Hemen daude xehetasunak: http://eu.wikipedia.org/wiki/Berezi:Undelete/Peio_errota
14:46an izan zen bandalismoa. IP horrek "Peio errota" izeneko artikulu bat egin zuen, eduki gisa "potoloa eta itsusie da" jarriz. Ondoren, Wutsje lankideak ezabatzeko aginduagatik ordezkatu zuen; IP berdinak ezabatzeko oharra kendu zuen geroago.
Galdera gehiago edukitzekotan (edo blokeoaren gaineko iruzkinak edo kritikak), bota lasai.
Izan ondo,
Unai Fdz. de Betoño
Jokin LACALLE USABIAGA jlacalle@jakintza.net(e)k idatzi du:
Arratsaldeon guztioi
Eskaera txiki batekin natorkizue, ea laguntza eskaintzeko moduan zaudeten. Gaur goizean euskal Wikipedian informazio bila ari nintzela, albiste triste honekin egin dut topo: http://eu.wikipedia.org/w/index.php?title=Lankide_eztabaida:85.86.133.132&am...
Egia esatea nahi baduzue, ez nuen horrelakorik espero gure ikastolan eta nahiko izorratuta utzi dit kontu honek. Dena den, moskeoarekin ez dela ezer konpontzen ikusi dut eta egoerari buelta emateko aukera ona daukadala iruditu zait. Eskola orduetan horrelako pifia asko egiten direla iruditzen (duela gutxi gure herriko eskola publikoko ikasle batzuek egindakoen berri izan genuen, adibidez) eta barrabaskeria bera baino grabeagoa dela iruditzen zait, hauen aurrean irakasleok jarrera pasota izatea. Beraz, uste dut aukera polita daukagula, alde batetik, ikasleen aurrean hezigarria izan daitekeen neurri bat hartzeko eta bestetik, irakasleen artean horrelakoen aurrean ezin dugula ez-ikusiarena egin, gure ikasleek mundu birtualetan azaltzen duten jokabideetan heztea ere gure ardura dela.
Kontua da ez dakidala oso ondo nora joan datu bila. Pantailaren aurrean agertu zaidan mezuan Zariquiegui erabiltzailearen aipamena ikusi dut, baita berak egindako zuzenketaren ordua ere (urriaren 9an eta 21an, atzo bertan). Baina ordu horietan zein klase genuen begiratzen aritu gara eta ez dugu ebidentziarik ordu horietan inon ordenagailuekin lanean ari zirenik. Seguruenik egindako aldaketak aurretik egin dira. Ikusi dut, baita ere, gure IPa Unai Fdez. de Betoñok blokeatu duela zertxobait beranduago. Galdera da; norengana edo nora joan behar dut jakiteko zein ordu zehatzetan egin ziren aldaketak eta zein eduki dira aldatu zirenak jakiteko?
Mila esker, aldez aurretik
Jokin