Posta zerrenda berria, eduki libreko beste proiektu baten inguruan: Euskalmapa. Hemen
sareko artxiboa,
http://groups.google.com/group/euskalmapa?hl=en eta izena emateko,
hemendik:
http://www.euskalmapa.com/bloga/2009/12/posta-zerrenda/ (Google edo Gmail
perfila baduzue, hortik eman izena; beste helbide batekin agertzeko, hor dagoen lagunaren
e-postara idatzi, e-posta jakin batekin parte hartu nahi duzuela adieraziz)
Proiektu honetaz jarduteko da Euskalmapa: OpenStreetMap (OSM,
http://www.openstreetmap.org
), wikipedia geografiko bat, zehatzago akaso wikipedia kartografiko bat. Euskaraz
informatzen du webgune honek gaiaz:
http://www.euskalmapa.com
Ea zerrenda honek baino suerte gehiago duen. Nik neuk bultzatu nuen wikieu-L zerrenda hau,
eta ez du ibilbide luzerik edo sakonik izan. Neure errua ere bai, ze wikipedista frustratu
baten gisara ikusten dut neure burua. Wikipedian izena eman nuen bere garaian, eta
artikulu gutxi batzuk editatu ere bai. Baina puff, zaila egiten zait artikuluak idaztea:
erantzukizun handi samarra, eta aurretiazko dokumentazio lan handia. Ostera, OSM probatu,
eta askoz errazagoa zait. Identifikatzen naiz guztiz lagun batek erdarazko bere blogean
esan zituen batzuekin:
http://macmikel.com/2009/10/me-gustan-los-mapas/
Azken batean, errazagoa egiten zait. Ez da hainbeste "pentsatu" behar. Mundua
den bezala apur bat marraztu, eta hobetzen duzu eduki libreko produktu bat. Nahikoa da
atari zenbaki bat gehitzea, mundua neurri txiki baina neurgarri batean "hobetu"
duzulako sentsazioa izateko, New York Times-eko artikulu batean irakurri nuen bezala.
http://www.nytimes.com/2009/11/17/technology/internet/17maps.html?_r=1&…
Beraz, bada, wikieu-L zerrenda honek ez du akaso funtzionatu,
<http://news.gmane.org/gmane.science.linguistics.wikipedia.basque>http://news.gmane.org/gmane.science.linguistics.wikipedia.basque
baina Wikipedia euskalduna aurrera doa, neu baino aportatzaile hobeak daude (zaudete) hor,
eskerrak. Eta jardunerako, funtzionatzen du Txokoak eta beste mekanismoek.
Neure emana eduki libreen alorrean, mapen kontu horretan emango dut aurrerantzean.
Wikipedian "eskas" ibili izanaren kontzientzia (apur bat) txarra garbituko dut
horrela.
Luistxo