வணக்கம்,
செந்தமிழ்ச் சொற்பிறப்பியல் அகரமுதலித் திட்ட இயக்கத்தின் வெளியீடுகளைப்
பொதுவுரிமையில் வெளியிட்டு, பொதுவகத்திற்குக் கொடையாகக் கொடுத்துள்ளனர்.
சுமார் 31 நூல்களுள்ளன. அவற்றுள் பிடிஎப் வடிவ வெளியீடுகள் பொதுவகத்தில்
ஏற்றப்பட்டுள்ளன.
https://commons.wikimedia.org/wiki/Category:PDF_books_from_DTEDP_2022
மீதியுள்ள pmd வடிவ நூல்களை நண்பர் சக்திவேல் pdf வடிவிற்கு மாற்றித்
தரவுள்ளார் பின்னர் அவையும் பொதுவகத்தில் ஏற்றவுள்ளோம்.
ஏற்கனவே சொற்குவைச் சொற்கள் 4.4 லட்சம் மற்றும் செந்தமிழ்ச் சொற்பிறப்பியல்
அகரமுதலிகள் 13 மடலத்தின் மென்படியும் வழங்கியுள்ளனர் என்பது குறிப்பிடத்
தக்கது. விக்சனரியில் இவை ஏற்றப்படவுள்ளன. ஆர்வமுள்ளவர்கள் இத்திட்டத்தில்
இணைந்து பங்கெடுக்கலாம்.
https://ta.wiktionary.org/s/852r
--
அன்புடன்,
நீச்சல்காரன்
neechalkaran.com <http://www.neechalkaran.com/p/author.html>
வணக்கம்,
தமிழின் முக்கிய சொற்களஞ்சியமான சொற்குவைத் தளத்தின் சொற்களின் ஒரு பகுதி
சுமார் 4.4 லட்சம் ஆங்கிலச் சொற்களுக்கு இணையான தமிழ்ச் சொற்களைத் தற்போது
தமிழ் விக்சனரிக்குக் கொடையாக அளித்துள்ளனர். இவை விரைவில் விக்சனரியில்
ஏற்றப்படவுள்ளது.
https://sorkuvai.com/disclaimer/wordsforwiktionary/
சில மாதங்களுக்கு முன்னர் சொற்குவைத் தளம் பொதுவுரிமையில் வெளியிடப்பட்டது
குறிப்பிடத் தக்கது. தமிழ் விக்சனரி உட்பட பல்வேறு தரவகங்களுக்கு இச்சொற்களை
இனி நாம் எளிதில் கொண்டு சேர்க்கலாம். தமிழ் வளர்ச்சித் துறை மற்றும்
அகரமுதலித் திட்ட இயக்கத்திற்கும் நன்றி.
--
அன்புடன்,
நீச்சல்காரன்
neechalkaran.com <http://www.neechalkaran.com/p/author.html>
வணக்கம்
கணினி மொழியியல்(Computational Linguistics) துறைக்குக் கிடைத்துள்ள புது வரவு
விக்கித்தரவு(wikidata) என்று ஐந்தாண்டுகளுக்கு முன்னர் ஓர் ஆய்வுக்கட்டுரை
<https://tech.neechalkaran.com/2016/09/Wikidata.html>வந்தது. அந்தக் கற்பனை
இன்று chatwiki api மூலம் நிரூபிக்கப்பட்டுள்ளது. விக்கித்தரவை அடிப்படையாகக்
கொண்டு தமிழ் உரையாடி(chatbot) உருவாக்க முடிகிறது. ஏதேனும் சிறிய
கேள்வியினைக் கேட்டால் அது விக்கித்தரவிற்கேற்ப அடிச்சொல்லைப் புரிந்து கொண்டு
வினாவல் செய்து விடையைத் தமிழில் அளிக்கிறது.
உதாரணக் கேள்விகள்:
இந்தியாவின் தலைநகரம் எது?
இந்தியாவின் பரப்பளவு எவ்வளவு?
மு. க. ஸ்டாலினின் பிறந்த நாள் எது?
மு. கருணாநிதியின் தாய் யார்?
ஜெயலலிதாவின் பிறந்த நாள் என்று?
நரேந்திர மோடியின் பிறந்த நாள் என்று?
மதுரையின் மக்கள் தொகை எத்தனை?
நீங்களும் முயன்றும் பார்க்கலாம்:
https://chatwiki.toolforge.org/api?q=சிலப்பதிகாரத்தின் நூலாசிரியர் யார்?
இப்படி விக்கித்தரவில் தமிழில் பெயர் கொண்ட எந்த ஒரு தரவையும் இயல்பாகக்
கேள்வியாகக் கேட்கமுடியும். விக்கித்தரவில் தமிழில் இல்லாத போதோ, தமிழ்
இயல்மொழிப் பகுப்பாய்வில் புரிந்து கொள்ள முடியாதபோதோ பதிலளிக்காது.
விக்கித்தரவில் தமிழ்ப் பெயர்களும் மேம்பட்ட தமிழ் இயல்மொழிப் பகுப்பாய்வுப்
பொதியும் நல்ல இடைமுகமும் உருவாகும் நாளில் உலகின் மிகப் பெரிய தமிழறிவுச்
சுரங்கம் கிடைக்கும்.
--
அன்புடன்,
நீச்சல்காரன்
neechalkaran.com <http://www.neechalkaran.com/p/author.html>