WikiIS-l

wikiis-l@lists.wikimedia.org

48 discussions

Re: [WikiIS-l] Beiðni til íslenskra stjórnmálaflokka um CC-leyfi á kynningarefni
by Snaevar 26 Feb '13

26 Feb '13

Þar fyrir utan mætti taka myndir af gömlum íslenskum byggingum. Það væri einnig hægt að leysa þetta vandamál á tvo vegu. 1) Fá sjálfboðaliða til að mæta á opinbera viðburði og taka myndir af þessu fólki. 2) Sækja um Individual Engagement Grant (http://meta.wikimedia.org/wiki/Grants:IEG), boða allt þetta fólk í myndatöku og ráða atvinnuljósmyndara í að taka myndirnar. Styrkurinn myndi fara til ljósmyndarans og ljósmyndarinn þyrfti helst að gefa myndirnar út undir leyfi sem commons getur sætt sig við. Kveðja, Snaevar.

4 3

Beiðni til íslenskra stjórnmálaflokka um CC-leyfi á kynningarefni
by Bjarki Sigursveinsson 20 Feb '13

20 Feb '13

Hæ öll, Sú hugmynd hefur komið upp oftar en einu sinni að mögulegt verkefni fyrir Wikimedia Ísland gæti verið að þrýsta á opinberar stofnanir, samtök og aðra aðila til þess að veita verkum sínum frelsi. Sérstaklega áhugavert nú í aðdraganda kosninga er að þrýsta á stjórnmálaflokka og samtök að gefa út kynningarefni sitt á borð við myndir af frambjóðendum samkvæmt Creative Commons leyfi þannig að það sé hægt að nota myndefnið t.d. á Wikipediu. Flokkarnir ættu að sjá sér hag í því vegna þess að markmiðið með slíku kynningarefni er auðvitað að það fari sem víðast og enginn vill vera eini flokkurinn sem fær ekki myndskreyttar greinar um frambjóðendur sína á Wikipediu (sem er gríðarlega áberandi í niðurstöðum leitarvéla). Það sem þarf að gera er að annars vegar kynna það fyrir flokkunum hvað felst í frjálsum afnotaleyfum og hins vegar að leiðbeina þeim um hvernig þeir geti staðið rétt að því að gera þetta þannig að það gangi ekki á rétt ljósmyndarans og sé einfalt og þægilegt fyrir notendur Wikimedia Commons þegar kemur að því að hlaða myndunum þar inn. Ég hef sett mig í samband við Wikimedia Foundation um að fá afnot af nafni og lógói stofnunarinnar til þess að nota með bréfi til flokkanna til þess að í því felist meiri vigt en ef það væri sent á vegum einstaklings. Líta má á þetta sem "pilot project" fyrir stofnun Wikimedia Ísland í framtíðinni. Fyrstu drög að bréfi til stjórnmálaflokka eru hér fyrir neðan. Þetta verður að vera skýrt þannig að fólk sem hefur aldrei áður heyrt minnst á Creative Commons geti áttað sig á því um hvað málið snýst og má helst ekki verða svo langt að upptekið fólk freistist til þess að lesa ekki allt bréfið. Efni: Varðar notkunarskilmála kynningarmyndefnis Xflokksins. Undirritaður sendir þessi skilaboð fyrir hönd hóps áhugamanna um framgang íslensku Wikipediu og með samþykki Wikimedia Foundation til þess að benda íslenskum stjórnmálaframboðum á kosti þess að kynningarefni á borð við myndir af frambjóðendum sé gefið út með "frjálsum" afnotaleyfum á borð við þau sem kennd eru við Creative Commons. Hvað er Wikimedia Foundation? Wikimedia Foundation eru bandarísk félagasamtök sem ekki starfa í ágóðaskyni og reka fjölmargar vefsíður. Þekktasta verkefni WMF er Wikipedia sem er frjálst alfræðirit sem er skrifað af notendum sínum og hefur á sinni rúmlega 12 ára sögu orðið að einni fjölsóttustu vefsíðu í heimi. Wikipedia er til á 285 tungumálum, þar á meðal íslensku. Hvað er frjálst afnotaleyfi? Með frjálsu afnotaleyfi er átt við leyfi sem rétthafi höfundaréttar á einhverskonar hugverki veitir almenningi til þess að nota, dreifa eða byggja á hugverkinu með litlum takmörkunum. Frjáls afnotaleyfi gera almenningi þannig auðvelt fyrir að dreifa hugverkinu og vinna með það sem stuðlar að hámarksútbreiðslu verksins. Stærsti notanda frjálsra afnotaleyfa á heimsvísu er Wikipedia, frjálsa alfræðiritið, sem er gefin út samkvæmt Creative Commons BY-SA leyfi sem þýðir að hver sem er má afrita efni Wikipediu, dreifa því áfram, byggja afleidd verk á því og jafnvel selja það í ágóðaskyni svo lengi sem höfundar þess er getið og svo lengi sem möguleg afleidd verk verði gefin út undir sama leyfi. Einhverjir kunna að staldra við það að sala í ágóðaskyni sé leyfð og hugsa sem svo að það sé ómögulegt að gefa öðrum svo víðtækt leyfi til afnota á verkinu en þá ber að líta á það að /allir/ hafa þennan rétt og því er það í framkvæmd þannig að lítil hagnaðarvon er af slíkri sölu þar sem enginn einokunarréttur er til staðar. Margar útgáfur frjálsra afnotaleyfa eru til en langþekktust eru leyfin á vegum Creative Commons sem eru bandarísk félagasamtök. Creative Commons afnotaleyfi gera höfundum kleift að gefa út verk sín með frjálsum skilmálum sem þeir geta sniðið að eigin þörfum. Sjá umfjöllun á íslensku á vef Creative Commons: https://creativecommons.org/licenses/?lang=is Af hverju ætti Xflokkurinn að gefa út kynningarefni samkvæmt frjálsu afnotaleyfi? Wikipedia er sem áður segir "frjálst alfræðirit" sem gefið er út samkvæmt frjálsu afnotaleyfi. Það þýðir að myndefni sem er notað á Wikipediu þarf líka að vera gefið út samkvæmt frjálsu almennu afnotaleyfi. _Það er ekki nóg að flokkurinn veiti sérstakt leyfi fyrir notkun mynda á Wikipediu eða veiti almennt leyfi til notkunar í kynningar- eða fræðsluskyni eins og stundum er gert._Það er heldur ekki nóg að velja hvaða Creative Commons leyfi sem er vegna þess að sum CC-leyfi fela í sér takmarkanir á notkun í ágóðaskyni eða bann við gerð afleiddra verka. Hvorugt passar innan skilmála Wikimedia um frjáls afnotaleyfi. Eingöngu leyfin CC-BY og CC-BY-SA eru nægjanlega frjáls í skilningi Wikimedia. Með því að myndefni er gefið út með frjálsu afnotaleyfi er heimilt að hlaða því inn á miðlægan gagnabanka Wikimedia og þar með nota það á öllum vefjum Wikimedia, t.d. Wikipediu. Þannig er hægt að myndskreyta Wikipediugreinar um einstaka frambjóðendur flokksins með myndum sem eru af miklum gæðum, teknar af fagmönnum og hafa samræmt útlit á milli frambjóðenda. Ef frjálsu myndefni frá flokkinum sjálfum er ekki til að dreifa verða höfundar Wikipediu að reiða sig á frjálst myndefni frá öðrum aðilum sem þýðir það að annað hvort eru greinar ekki myndskreyttar eða þeir notast við myndir sem ekki hafa sömu tæknilegu gæði og eru líkast til teknar af áhugaljósmyndurum við ýmis opinber tækifæri fremur en í stúdíói. Greinar Wikipediu eru alla jafna á meðal efstu niðurstaðna í leitarvélum á netinu og það er því til mikils að vinna fyrir stjórnmálaframboð að þær líti sem best út og noti bestu mögulegu myndirnar. Bent skal á að fjölmargir aðilar úti um allan heim hafa nú þegar kosið að fara þessa leið. Þar má til dæmis benda á stjórn Baracks Obama í Hvíta húsinu og Norðurlandaráð.(tenglar) Hvernig getur flokkurinn gefið myndefni sitt út með frjálsu afnotaleyfi? Í fyrsta lagi þarf flokkurinn að afla leyfis síns ljósmyndara fyrir því að heimilt sé að gefa myndirnar út samkvæmt frjálsu afnotaleyfi. Ef flokkurinn kaupir þjónustu atvinnuljósmyndara við myndatökur af frambjóðendum þá eru líklega nú þegar um að ræða skilmála þar sem rétthafi myndanna, ljósmyndarinn, afsalar sér til flokksins réttinum til dreifingar og útgáfu myndanna. Þessa skilmála þarf að útvíkka þannig að þeir nái til þess að gefa myndirnar út samkvæmt frjálsu afnotaleyfi á borð við Creative Commons BY. Í öðru lagi þarf flokkurinn að gefa myndirnar út opinberlega sjálfur, annað hvort á eigin vefsvæði eða til dæmis á þjónustu á borð við Flickr þannig að ekki fari á milli mála að myndirnar séu gefnar út samkvæmt CC-leyfi. Það getur einfaldlega verið stuttur texti á borð við: "Myndir á þessari síðu eru gefnar út samkvæmt afnotaleyfinu Creative Commons BY-SA 3.0." Ef flokkurinn er með Flickr-aðgang þá er innbyggður möguleiki í viðmóti vefsins til þess að gefa myndir út samkvæmt CC-leyfum. -- Bjarki Sigursveinsson +354 8215644 Mánagötu 8 105 Reykjavík Iceland

3 4

Wikimedia Ísland
by Bjarki Sigursveinsson 17 Feb '13

17 Feb '13

Sæl öll, Fyrir mörgum árum var uppi umræða um stofnun Wikimedia-félags á Íslandi en hún fjaraði út og hefur legið í dvala lengi. Ég vil gjarnan lífga þetta við og sjá WMIS verða að veruleika. WMF mælir þó ekki með því að gengið sé frá opinberri skráningu og formlegri stofnun félags fyrr en sýnt er fram á að virkur kjarni félagsmanna sé til staðar þannig að fyrst þurfum við að sýna fram á það að við getum komið hlutum í verk sem óformlegur félagsskapur. Ef það hjálpar til, þá eru þau hjá WMF tilbúin til þess að leyfa svona óformlegum hópum wikiáhugamanna að nota nafn og logo WMF en það er þá hvert verkefni metið fyrir sig. Kjörið er að lífga við þennan póstlista til þess að varpa fram hugmyndum að hentugum verkefnum en ég held jafnframt að það gæti verið gagnlegt að áhugasamir einstaklingar hittist og fundi um stöðuna og næstu mögulegu skref. Ég hef undanfarið verið að kanna stöðuna á íslensku útgáfum Wikimedia-verkefnanna og punkta hjá mér athugasemdir og pælingar en það er ljóst að Wikipedia þarf á rækilegri innspýtingu að halda, svo ekki sé nú minnst á litlu systurnar hennar. Ég hef einnig tekið frá IRC-rásina #wikimedia-is á Freenode þar sem ræða má þessi mál. -- Bjarki Sigursveinsson +354 8215644 Mánagötu 8 105 Reykjavík Iceland

6 11

Re: [WikiIS-l] Wikimedia Ísland
by Snaevar 15 Feb '13

15 Feb '13

> Ég legg hins vegar til að við setjum í forgang þa verkefni að reyna að fjölga virkum notendum. Ég velti því > sérstaklega fyrir mér hvort snðugt sé að reyna að höfða til framhaldsskólanema eða háskólanema þar sem þeir eru > hvorteðer allan daginn á netinu. Þá tel ég að það þurfi að taka allar stoðsíður í mjög kerfisbundna endurhönnun > með það fyrir augum að einfalda mjög ímynd þess að bæta við efni á WP. Við ættum jafnvel að skoða það að búa til > kennslumyndbönd "Hvernig á að skrifa stubb?" á Youtube, með sögumanni og allt. > > Hvernig líst ykkur á það? Mér líst mjög vel á það að höfða til framhaldskólanema og háskólanema. Ég ætla að nefna tvær pælingar tengt því. 1. Á wikiheimild væri hægt að setja upp námskeið fyrir framhaldskóla og/eða háskólanema, þar sem þeir villulesa bækur í almenningi sem þeir eru að læra um. Á Wikiheimild er kerfi sem tekur við ljóslesnum skrám sem þarf síðan að villulesa. Ég trúi því að þetta sé námskeið sem bæði wikiheimild og nemendur græði á. Wikiheimild myndi fá villulesna bók og nemendurnir myndu væntanlega bæði læra um námsefnið með því að villulesa bókina, plús það að þegar ferlið er búið væri bókin til á rafbókarformi. 2. Þegar kemur að kennslumyndböndum myndi ég frekar vilja fá þau á commons. Þar getum við notað kennslumyndböndin ekki bara á hjálparsíðum heldur líka bent notendum á þau á spjallsíðum. Þar að auki eru nokkrar rannsóknir (þar á meðal ein sem var gerð við endurgerð hjálpar efnisyfirlitsins á en.wikipedia - http://en.wikipedia.org/wiki/Wikipedia:Help_Project/Usability_Testing_1 ) sem sýna að ef það er myndband á hjálparsíðu, þá horfa frekar notendurnir á það, frekar en að lesa textann á síðunni. Sem dæmi um youtube myndband um wikimedia vefi vill ég nefna röð af kennslumyndböndum frá Salvör á youtube, undir heitinu "Glerblástur wikibók" og http://www.youtube.com/watch?v=EdjYg4wmpLs . Ég myndi ekki vera hissa ef einhver væri að heyra af þeim núna í fyrsta skipti. Kveðja, Snaevar

1 0

Hittingurinn
by Bjarki Sigursveinsson 04 Feb '13

04 Feb '13

Sæl öll. Við vorum fimm sem mættum á Glætuna í dag (og fleiri sem höfðu látið vita af sér sem voru með í anda) og áttum gott og gagnlegt spjall um stöðuna. Við vorum sammála um það að þetta þyrfti að gera oftar og helst þá fljótlega, t.d. eftir hálfan eða heilan mánuð. Þó að ekki væri lagt upp með sérstaka dagskrá vantaði ekki umræðuefnin. Möguleg stofnun Wikimedia félags var rædd og því velt upp hvað slík félög í öðrum löndum væru helst að gera og hvort að við þyrftum endilega formbundinn félagsskap til þess að gera þessa hluti. Talað var um að 10-20 áhugasamir þátttakendur væru forsenda þess að halda úti WM félagi. Á meðal mögulegra verkefna íslensks WM-félags var minnst á a.m.k. eftirfarandi atriði: * Þegar stofnanir, söfn og aðrir aðilar eru beðnir um að opna sitt efni og sín gögn þá er það sterkara að formlegur félagsskapur hafi milligöngu um það en einstaklingar. * Kynningarstarf. Það þarf að kynna Wikipediu og önnur WM-verkefni mun meira með auglýsingum, Facebook-hóp, reglulegum opnum fundum o.s.frv. * Námskeiðshald um notkun Wikipediu og annara verkefna. Þá var rætt um stöðuna á Wikipediu og öðrum WM-verkefnum og hvað mætti betur fara. Menn voru sammála um að lækka þyrfti þröskuldinn fyrir nýliða að taka þátt og að bæta þyrfti allt hjálparefni á WP til þess að gera verkefnið aðgengilegra. Jafnframt var rætt um möguleika á því að búa til leið fyrir almenning, og kannski sérstaklega eldri kynslóðina, til þess að leggja til texta á Wikipediu án þess að viðkomandi þurfi sjálfur að stofna greinina. Það færi þá í gegnum okkur sjálfboðaliðana að vinna með textann og koma honum inn. Þetta er allt eftir minni og örugglega er ég að gleyma einhverju en þetta var í það minnsta vel heppnað og þarf tvímælalaust að endurtaka innan skamms. kv. -- Bjarki Sigursveinsson +354 8215644 Mánagötu 8 105 Reykjavík Iceland

3 3

Ráðstefna FSFÍ 2010
by Tryggvi Björgvinsson 25 Nov '10

25 Nov '10

Sæl öll og afsakið krosspóstun, Árleg ráðstefna FSFÍ um stafrænt frelsi verður haldin í þriðja sinn þann 1. desember næstkomandi á Háskólatorgi, stofu HT-104. Aðalfyrirlesarar ráðstefnunnar í ár verða Christer Gundersen frá Friprogsenteret í Noregi og Karen Reilly frá TOR verkefninu en auk þeirra verður fjöldi áhugaverðra innlendra fyrirlesara. Ráðstefnan í ár verður opnuð af mennta- og menningarmálaráðherra, Katrínu Jakobsdóttur, klukkan 09:00 og stendur allt þar til Frelsisverðlaun FSFÍ árið 2010 hafa verið afhent klukkan 17:00. Dagskrá ráðstefnunnar í ár má sjá í meðfylgjandi skjali og hér fyrir neðan. Vinsamlegast áframsendið auglýsinguna til allra sem þið haldið að hafið áhuga. Ráðstefnan er eins og alltaf ókeypis og opin fyrir alla. Þeir sem vilja leggja FSFÍ lið við skipulagningu ráðstefnunnar er bent á að hægt er að styrkja FSFÍ með fjárframlagi. Reikningsnúmer FSFÍ er 526-26-3638 og kennitala félagsins er 470308-1170. Allir sem styrkja FSFÍ fara á styrktaraðilalista FSFÍ http://www.fsfi.is/styrktaradilar/ nema óskað sé eftir nafnleynd. Dagskrá ráðstefnunnar: 09:00 Skráning og kaffi 10:00 Katrín Jakobsdóttir, mennta- og menningarmálaráðherra Kynning og opnun ráðstefnu 10:20 Christer Gundersen Frjáls hugbúnaður hjá norskum stjórnvöldum 11:20 Sigurbjörg Jóhannesdóttir Opin námsgögn 11:40 Þorbjörg St. Þorsteinsdóttir Frjálst efni á Tungumálatorgi 12:00 Snorri Þór Tryggvason Cloudberry verkefnið 12:20 Hádegishlé 13:00 Gunnar Grímsson Stafrænt lýðræði með samráðskerfum 13:20 Birita í Dali Viðskiptalíkön fyrir frjálsa menningu 13:40 Hildur Björn Vernudóttir Frjáls hugbúnaður í litlum og miðlungsstórum fyrirtækjum 14:00 Bjarni Rúnar Einarsson 1000x stækkun vefsins með PageKite.net 14:20 Anna Jonna Ármannsdóttir Frjáls hugbúnaður í Háskóla Íslands 14:40 Kaffihlé 15:00 Karen Reilly TOR: Privacy, anonymity, and freedom of expression 16:00 Berglind Ósk Bergsdóttir Stafrænt frelsi og umhverfisvernd 16:20 Jóhannes Birgir Jensson Frjálsar bókmenntir og Gutenberg verkefnið 16:40 Frelsisverðlaun FSFÍ 2010 17:00 Ráðstefnuslit Yfirlitssíða ráðstefnunnar: http://www.fsfi.is/atburdir/radstefna-um-stafraent-frelsi-2010/ Facebook atburður ráðstefnunnar: https://www.facebook.com/event.php?eid=172903766062293 Vefsíða Friprogsenteret: http://friprog.no/ Vefsíða TOR verkefnisins: https://www.torproject.org/ http://fsfi.is/

1 0

Tilkynning: Hjólakort af Íslandi fyrir Garmin tæki
by Ævar Arnfjörð Bjarmason 07 Aug '08

07 Aug '08

(Þessi skilaboð eru send á nokkra umræðuhópa sem ég taldi viðkomandi þessu máli) Ég er farinn að búa til hjólakort af Íslandi fyrir Garmin tæki upp úr OpenStreetMap gögnunum. Þessi kort eru eins og venjuleg Garmin kort nema að hlutir á kortinu sem viðkoma hjólum eru sérlega áberandi, t.d. hjólastígar, stæði fyrir hjól, reiðhjólaverslanir, vatnshanar svo eitthvað sé nefnt: http://wiki.openstreetmap.org/index.php/Garmin_map_of_Iceland Það vantar enn mikið upp á á þessum kortum en þau eru alltaf að verða betri eftir því sem bætt er við openstreetmap verkefnið: http://wiki.openstreetmap.org/index.php/Main_Page Ef einhverjir vilja hjálpa til við að búa til svona kort er tilvalið að fara út að hjóla með GPS tækið og bæta svo inn gögnum á OpenStreetMap. Í Bretlandi eru OpenStreetMap kortin bestu hjólakort af landinu sem til eru og engin ástæða til að það gæti ekki orðið tilfellið hér, ekki er samkeppnin mikið allavegana. Hér má t.d. sjá kort af london með hjólaleiðum merktum inn á: http://www.gravitystorm.co.uk/osm/?zoom=13&lat=6710742.75466&lon=-12708.292… Ef fólk hér hefur áhuga á því að aðstoða verkefnið er tilvalið að fara út að kortleggja og/eða setja sig í samband við restina af verkefninu á Íslandi, sem er bæði með póstlista og wiki-síðu: http://lists.openstreetmap.org/listinfo/talk-is http://wiki.openstreetmap.org/index.php/WikiProject_Iceland

1 0

Wikimedia Ísland
by Bjarki Sigursveinsson 31 Aug '07

31 Aug '07

Góðan daginn. Nú er til umræðu að stofna sérstakt félag Wiki-áhugamanna á Íslandi: Wikimedia Ísland. Svona félög eru rekin í ýmsum Evrópulöndum til þess að kynna Wikimedia-verkefnin á hverjum stað og stuðla að framþróun þeirra. Umræða um mögulegt Íslandsfélag fer nú fram á: http:// is.wikipedia.org/wiki/Wikipediaspjall:Wikimedia_%C3%8Dsland -- Bjarki Sigursveinsson laganemi bjarki(a)gmail.com +354 8215644 Tröllagili 29 (605) 603 Akureyri, Iceland

1 0

Nýleg viðbót rel="nofollow" í <a>
by Ævar Arnfjörð Bjarmason 11 Feb '05

11 Feb '05

Nýlega var byrjað að nota nofollow innan <a> merkisins á Íslensku Wikipedia og á öðrum Wikimedia vefum, afleyðingar þessarar viðbótar er sú að vinsælustu leitarvélarnar hunsa þá þessa tengla. Ég er þeirrar skoðunar að það eigi að taka þessa breytingu aftur, og er tilgangur þessa pósts að kanna hvort aðrir séu það svo þá sé hægt að biðja um að þetta verði fjarlægt. Sjá: Um nofollow: http://www.google.com/googleblog/2005/01/preventing-comment-spam.html Atkvæðagreiðsla á .en: http://en.wikipedia.org/wiki/Wikipedia:Nofollow

1 0

Breytingar á póstsíjunni
by Ævar Arnfjörð Bjarmason 22 Jan '05

22 Jan '05

Ég hef breytt póstsíjunni þannig að ekki er lengur hægt að senda póst á listann nema var áskrifandi að honum, mér þykir leitt að þurfa að grípa til þessara ráða en eins og málin standa einfaldlega nenni ég ekki að fá um fimm tölvupósta á dag um viagratöflur, typpa– og brjóstastækkanir, frá nígerískum prinsum auk ýmiss bulls á tungumálum sem ég skil ekki. Ef einhver vill taka að sér „starf" „list moderators" er hægt að slökkva á þessu aftur, en ekki nenni ég að fara yfir þetta sorp allt.

2 2

2024

2023

2022

2021

2020

2019

2018

2017

2016

2015

2014

2013

2012

2011

2010

2009

2008

2007

2006

2005

2004

WikiIS-l