Saluton

*Resumo*: Artikol-verka konkurso en Vikipedio kaj Vikivojaĝo, kun premioj, daŭros ĝis fino de Aprilo, pliaj informoj ĉe https://incubator.wikimedia.org/wiki/Wy/eo/Projekto:VikiPrintempo_COE_2020

[image: CEE_Spring_Logo_CEE-t2.png]

Oni diras, ke ni pli bone konas malproksimajn galaksiojn ol proprajn najbarojn. Kaj tio estas bedaŭrinda! Tial EliSo lanĉas la konkurson *VikiPrintempo de Centra kaj Orienta Eŭropo 2020* - samtempe *en Vikivojaĝo https://incubator.wikimedia.org/wiki/Wy/eo/Projekto:VikiPrintempo_COE_2020 kaj en Vikipedio https://en.wikipedia.org/wiki/eo:Projekto:VikiPrintempo_COE_2020*. Mi invitas vin partopreni la konkurson - verki / traduki artikolojn, tiel helpi esperantistojn per plibonigitaj scioj pri tiu regiono kaj aldone eĉ gajni interesajn premiojn!

La konkursa parto daŭras *ĝis la 30a de Aprilo 2020 23:59 UTK*. La 3 venkontoj gajnos donackartojn valorajn *20-70 eŭrojn* kaj 2 ankaŭ *abonon de Vinilkosmo* kun (ne nur) Esperanta muziko.

Temas jam pri 4a jaro de la konkurso en Esperantaj viki-projektoj. Kompare kun la antaŭaj jaroj estas precipe 6 gravaj ŝanĝoj:

- vi *povas* partopreni per artikoloj pri *via lando* - la konkurso okazas *ankaŭ en la Esperanta Vikivojaĝo* - por instigi vian partoprenon en Vikivojaĝo vi tie ĉi gajnas 2-oble pli multajn poentojn ol en Vikipedio! - Estas 2 *specialaj kategorioj* kun aldonaj premioj - por artikoloj en *Vikivojaĝo* kaj pri *genra egaleco*. - ne estas starigita minimuma kvanto de aldonita enhavo po artikolo, nek minimuma bezonata kvanto de poentoj por venki - pli gravas suma kvanto de nova kvalita enhavo ol nombro de artikoloj - kalkulado de poentoj estas pli facila, do vi ne devas zorgi pri matematikaĵoj

Vi povis rimarki, ke la vorto "Vikivojaĝo" ĉi tie ripetiĝis plurfoje. Tio estas intenca! Ĉi-jare grava celo de la konkurso estas atentigi vin pri tiu projekto kaj helpi al disvolviĝo de ĝia komunumo. Vikivojaĝo nuntempe estas en *Vikimedia Kovilo* - kvankam ĝi redakteblas, ĝi ne estas memstara projekto sur propra subdomajno, kio alportas plurajn ĝenojn. Por plenkreskiĝi, Vikivojaĝo bezonas pli aktivan komunumon. Sperto de la Novembra evento "Azia monato" klare montras, kiom povas helpi homo veninta pere de tia ĉi konkurso. Vikivojaĝo bezonas vin! Tamen, ni konscias, ke ekredakti en nova projekto povas esti iom defia. *Por helpi al vi fari tiun unuan paŝon vi havos 2 avantaĝojn* - en Vikivojaĝo vi gajnos poentojn 2-oble pli rapide, kaj aldone povos ricevi specialan premion nur por Vikivojaĝantoj!

Tial mi instigas vin rigardi al Vikivojaĝo kaj partopreni tie. Eble ankaŭ vi post la konkurso ekŝatos la projekton [image: ;-)] https://commons.wikimedia.org/wiki/File:Face-wink.svg

Partoprenu en Vikivojaĝo https://incubator.wikimedia.org/wiki/Wy/eo/Projekto:VikiPrintempo_COE_2020 Partoprenu en Vikipedio https://eo.wikipedia.org/wiki/Projekto:VikiPrintempo_COE_2020

KuboF Hromoslav ĉeforganizanto