Wikipedia-OR October 2014

wikipedia-or@lists.wikimedia.org

1 participants
2 discussions

ଓଡ଼ିଆ ପାଠାଗାରରେ ଓଡ଼ିଆ କବି ରାମକୃଷ୍ଣ ନନ୍ଦଙ୍କ ୧୧ ଖଣ୍ଡ ବହିର ଡିଜିଟାଲ ରୂପ ତିଆରି ପାଇଁ ପ୍ରସ୍ତୁତି
by Subhashish Panigrahi 27 Oct '14

27 Oct '14

ଓଡ଼ିଆ କବି ଓ ଜଣାଶୁଣା ପ୍ରାର୍ଥନା 'ଆହେ ଦୟାମୟ ବିଶ୍ବବିହାରୀ'ର ରଚୟିତା ରାମକୃଷ୍ଣ ନନ୍ଦଙ୍କ ପରିବାର ତାଙ୍କ ରଚିତ ଜ୍ଞାନକୋଷ "ବିଶ୍ବ ପରିଚୟ", ୮ଟି ବହିର ସିରିଜ "ପଉଷ ସନ୍ଧ୍ୟାର ଗୀତ", ଓଡ଼ିଆ ବ୍ୟାକରଣ ବହି "ଲେଖନୀର ପାଠଶାଳା" ଓ ଅନେକ ଉପାଦେୟ ପ୍ରବନ୍ଧ ସମ୍ବଳିତ ବହି "ଭାବି ଦେଖନ୍ତୁ" ଏଣିକି ରେ ଉପଲବ୍ଧ ହେବ । ଏସବୁ ବହିର ଡଜିଟାଲ ରୂପ ଓଡ଼ିଆ ପାଠାଗାରରେ ସ୍ଥାନ ପାଇବ । ଏହି ଅବସରରେ ଆମେ କବିଙ୍କ ପ୍ରତି ଆମର ଓଳଗି ଜଣାଉଛୁ । ତାଙ୍କ ପରିବାର ଏହି ମହତ କାମରେ ନିଜ ଅନୁମୋଦନ ଦେଇଥିବାରୁ ତାଙ୍କ ସାଧୁବାଦ ରୂପେ ତାଙ୍କ ପରିୱାର ବର୍ଗଙ୍କ ଅଭିମତ ଓ ଓଡ଼ିଆ ଉଇକିପାଠାଗାରର ଉପଯୋଗୀତା ସମ୍ବନ୍ଧରେ ସେମାନଙ୍କ ବିଚାର ଏକ ଛୋଟ ଡକୁମେଣ୍ଟାରି ଭାବେ ଆପଣଙ୍କ ପାଇଁ ରଖିଲୁ: http://youtu.be/eyBwbXTOE1E ଆପଣ ବହୁମୂଲ୍ୟ ସଭିଙ୍କ ମତ ଜାଣିପାରିଲେ ଆଗକୁ ସେସବୁରୁ କିଛି କାମରେ ଲଗୈବା ପାଇଁ ଚେଷ୍ଟିତ ହେବୁ । ସୁଭ ସୁଭାସିସ ପାଣିଗାହି ଆକସେସ ଟୁ ନଲେଜ ସେଣ୍ଟୃ ଫର ଇଣ୍ଟରନେଟ ଏଣ୍ଡ ସୋସାଇଟି

1 0

ଆରମ୍ଭ ହେଲା ଓଡ଼ିଆ ଭାଷାର ଇଣ୍ଟରନେଟ ପାଠାଗାର "ଉଇକିପାଠାଗାର"
by Subhashish Panigrahi 22 Oct '14

22 Oct '14

ବନ୍ଧୁଗଣ, ଓଡ଼ିଆ ଭାଷାରେ ବହି-ପୋଥି-ପୁରାଣ-ପାଣ୍ଡୁଲିପି ଆଦିକୁ ଇଣ୍ଟରନେଟ ମାଧ୍ୟମରେ ଅଧିକ ଲୋକଙ୍କ ପାଖରେ ପହଞ୍ଚାଇବା ନିମନ୍ତେ ଏକ ନୂତନ ପ୍ରକଳ୍ପ ଉଇକିପାଠାଗାରର ଶୁଭାରମ୍ଭ କରାଯାଇଛି । ଏହା ପାଖାପାଖି ଦୁଇ ବର୍ଷ ଆଗରୁ ଆରମ୍ଭ ହୋଇଥିଲା । ଏହି ସମୟ ମଧ୍ୟରେ ଅଧିକ ସଭ୍ୟଙ୍କ ଯୋଗଦାନ ଓ ଏଥିରେ ଅଧିକ ବହିର ଡିଜିଟାଇଜେସନ କାମ ଚାଲିଥିଲା । ନିକଟରେ ଉଇକିମିଡ଼ିଆ ଲାଙ୍ଗୁଏଜ କମିଟି ଓ ଉଇକିମିଡ଼ିଆ ଫାଉଣ୍ଡେସନର ବୋର୍ଡ଼ର ଅନୁମୋଦନ କ୍ରମେ ଏହାର ଲମ୍ବା ଇନକୁବେସନ ସମୟର ଅନ୍ତ ଘଟିଛି । ଓଡ଼ିଆ ଉଇକିପାଠାଗାର https://or.wikisource.org ରେ ଉପଲବ୍ଧ । ଏଥିରେ ଆଗରୁ ତିଆରି ହୋଇଥିବା ବହିର ଡିଜିଟାଲ ସଂସ୍କରଣମାନ ଧୀରେ ଧୀରେ ଅଣାଯାଉଥିବାରୁ କେତୋଟି ବହି ସମ୍ପୂର୍ଣ୍ଣ ଆସିନାହିଁ । ତେବେ ଆଉ କିଛି ଦିନ ଭିତରେ ଏହା ସମ୍ପୂର୍ଣ୍ଣ ଭାବେ କାର୍ଯ୍ୟକ୍ଷମ ହୋଇଯିବ । ଉଇକିପାଠାଗାର ଏକ ଅନଲାଇନ ପାଠାଗାର । ଏଥିର ଏଥିରେ ମୁଖ୍ୟତ କପିରାଇଟ ନଥିବା ବହି ଓ ପାଣ୍ଡୁଲିପିକୁ ଟେକ୍ସଟ ରୂପରେ ରଖାଯାଏ । ଟେକ୍ସଟରେ ରଖାଗଲେ ଲେଖାସବୁ ଇଣ୍ଟରନେଟରେ ସର୍ଚ କରିହେବା ସହିତ ପୁନବ୍ୟବହାର୍ୟୋଗ୍ୟ ହୋଇଥାଏ । କପିରାଇଟ ରହିତ ଲେଖା ବାଦ ଏଥିରେ ଜଣେ ଲେଖକ ବା ପ୍ରକାଶକ ନିଜର ପୂର୍ବ-ପ୍ରକାଶିତ ବହିର ଇ-ସଂସ୍କରଣ ଉପଲବ୍ଧ କରାଇପାରିବେ । ତେବେ ଉକ୍ତ ବହିର କପିରାଇଟ Creative Commons Share-Alike ନାମକ ଏକ ବିଶେଷ ଧରଣର ଲାଇସେନ୍ସରେ ଉପଲବ୍ଧ କରାଇବ । ଏହି ଲାଇସେନ୍ସ ବଳରେ ଲେଖାଗୁଡ଼ିକ ପୁନବ୍ୟବହୃତ ହୋଇପାରିବ ଓ ଅଧିକ ପାଠକଙ୍କ ପାଖେ ପହଞ୍ଚିପାରିବ । ତେବେ ପୁନବ୍ୟବହାର ହେଲେ ଲେଖକ/ପ୍ରକାଶକଙ୍କ ନାମ ଉଲ୍ଲେଖ ରହିବ । ଆପଣମାନେ ମଧ୍ୟ ଏଥିରେ ଆଗରୁ ସ୍କାନ ହୋଇ ଆମେ ରଖିଥିବା ଅନେକ ବହିକୁ ଟାଇପ କରିବାରେ, ଟାଇପ ହୋଇଥିବା ବହିର ଫଣ୍ଟକୁ ଇଉନିକୋଡ଼ରେ ରୂପାନ୍ତର କରିବାରେ କିମ୍ବା ଟାଇପ ହୋଇଥିବା ଲେଖାରେ ଭ୍ରମ ସଂଶୋଧନରେ ସାହାଯ୍ୟ କରିପାରିବେ । ଏଥିରେ ଭାଗନେବାକୁ ଇଚ୍ଛୁକ ସଭିଏଁ ଆମକୁ odiawiki(a)gmail.com ରେ ଇମେଲ ଯୋଗେ ଜଣାଇପାରିବେ ବା ଏହି ମେଲର ଉତ୍ତର ଦେଇ ଜଣାଇପାରିବେ । ସୁଭ

1 0

2024

2023

2022

2021

2020

2019

2018

2017

2016

2015

2014

2013

2012

2011

Wikipedia-OR October 2014