Përshëndetje të gjithëve,
Në kuadër të bashkëpunimit të Wikipedianëve me institucione publike në Shqipëri GLAM ( https://blog.wikimedia.org/2018/01/29/glam-multimedia-metadata-commons/) është planifikuar vizitë në *Arkivin Qëndror Shtetëror i Filmit* shqiptar (AQSHF - Shqipëri) për të parë nga afër punën arkivore të industrisë së filmit në Shqipëri dhe për të konsoliduar basdhkëpunimit midis këtij institucioni dhe Wikipedianëve në Shqipëri. Gjithashtu, ky takim organizohet pak kohë para firmosjes së marrëveshjes së bashkëpunimit midis AQSHF dhe WCUGA dhe do shërbejë si punë paraprake kërkimore nga wikipedianët që do marrin pjesë*. *Në qoftë se je i interesuar të marrësh pjesë në këtë vizitë je i lutur që të regjistrohesh brenda datës 19.12.2018 ora 9.00. *
--- *Arkivi Qëndror Shtetëror i Filmit* shqiptar (AQSHF - Shqipëri) është institucion nën varësinë e Ministrisë së Kulturës së Shqipërisë. AQSHF-ja merret me ruajtjen, përpunimin shkencor, pasurimin me materiale të reja dhe shfrytëzimin e materialeve arkivore filmike për krijime të veprave të reja kinematografike e televizive dhe veprave studimore, duke respektuar të drejtat morale dhe ekonomike të autorit. Ky institucion shkëmben materiale arkivore për zgjerimin e pasurimin e inventarit te tij me homologë shtetërore e private brenda dhe jashtë Shqipërisë, në kushte reciprociteti. Website http://aqshf.gov.al/.
-- *Ky aktivitet organizohet nga Wikimedia Community user Group Albania, por pjesëmarrja është e hapur për të gjithë të interesuarit.
Faleminderit, Nafie