[Wikiia-l] Traduction de MediaWiki complete
Martijn Dekker
martijn a inlv.org
Ven Apr 17 17:21:54 UTC 2009
Post novem menses de labor, le traduction in interlingua del
interfacie de MediaWiki e de tote su extensiones es ora complete. Le
total es 2286 messages traducite pro MediaWiki e ancora 6814 pro le
collection de extensiones a MediaWiki.
Un resultato importante de iste labor es su subproducto: le
derivation (a base de traductiones de Wikimedia in altere linguas e
de dictionarios existente de interlingua) de un glossario
international de terminos technic, relative al wikis in particular e
al informatica in general. Vide:
http://translatewiki.net/wiki/Portal:Ia#Parolas
Naturalmente, omne suggestiones pro melioration (del traduction e del
glossario) continua a esser benvenite. In addition, le traduction
require mantenentia continue durante que le software es in
disveloppamento. Ergo io vole ancora un vice invitar omnes que
cognosce interlingua de inscriber se como traductor. Pro contribuer
al mantenentia, comencia a iste pagina:
http://translatewiki.net/w/i.php?title=Main_Page&setlang=ia
- Martijn (McDutchie)
Plus informationes super le lista Wikiia-l