<div dir="ltr"><div dir="ltr"><div dir="ltr">Saluton.<div><br></div><div>Kiam mi prelegas pri Vikipedio, homoj en la publiko kutime asertas, ke <i>la</i> problemo de Vikipedio estas, ke ĉiu ajn rajtas redakti ĉion ajn. Ili pensas, ke tial la enhavo ne povas esti fidinda...</div><div><br></div><div>Ni, kiuj jam havas sperton pri redaktado kaj komprenas la procezon, vidas ke reale ne estas tiel. Ni ĉion tion spertis proprahaŭte. Sed por la publiko la aferoj estas novaj kaj tute teoriaj. Kutime ili kaptas la ideon nur post la jenaj simplaj 2 rimarkoj:</div><div><ol><li>ĉiu ajn ankaŭ rajtas korekti / plibonigi ĉion ajn, kaj la korekta / pliboniga rezulto estas pli granda ol eventuala detrua; kaj</li><li>Vikipedio, same kiel aliaj enciklopedioj, estas nur tiom fidinda, kiom fidindaj estas ĝiaj fontoj, do rigardu citatajn referencojn.</li></ol></div><div>Kvalita citado per referencoj estas vere la bazo de fidindeco de Vikipedio. Sed, ni diru la veron, ilia uzado povas esti aldona problemo, precipe por novuloj. Kiel fari, ke tiom grava parto estu vere uzata kaj, sekve, Vikipedio fidinda?</div><div><br></div><div>Ĝuste tio estas unu el demandoj de la evento WikiCite 2018, kiu fokusiĝas pri bibliografiaj datumoj kaj ilia uzado en Vikimediaj projektoj. Se vi interesiĝas pri la teĥnologio malantaŭ citado, ĉu kiel informa aŭ bibliografia spertulo, programisto aŭ kontribuanto ĉe Vikipedio, vi povas tre interesiĝi pri la evento WikiCite!</div><div><br></div><div>WikiCite 2018 okazos fine de Novembro 2018 en <span style="font-family:sans-serif;font-size:19.25px">Berkeley, Usono kaj kandidatiĝado estas malfermita <b>nur ĝis la 17a de Septembro</b>. Vi povas eĉ ricevi monsubtenon por partopreno. Ĉar estas atendataj multaj partoprenontoj kaj lokoj estas limigitaj, organizantoj pritaksos kandidatiĝojn kaj elektotaj povos registriĝi.</span></div><div><br></div><div>Por pliaj detaloj venu kaj kandidatiĝu ĉe</div><div><a href="https://meta.wikimedia.org/wiki/WikiCite_2018">https://meta.wikimedia.org/wiki/WikiCite_2018</a></div><div><br></div><div>Amike<br clear="all"><div><div dir="ltr" class="gmail_signature"><div dir="ltr">KuboF Hromoslav<br></div></div></div></div></div></div></div>