<div dir="ltr"><div>Saluton.</div><div><br></div><div>Vikipedio proksimiĝas al atingo de 300 000 artikoloj. Laŭ kalkuloj, tio okazos ĉirkaŭ duono de Julio 2021.</div><div><br></div><div>Laŭ instigo de UEA, pluraj gravaj tutmondaj Esperantaj organizoj, nome ELiSo / VMEO, ILEI kaj E@I, kunigas sian voĉon kaj lanĉas la kampanjon "<b>Vikipedio 300 000</b>" por atingi tiun mejloŝtonon pli frue - jam antaŭ Julio 2021.</div><div><br></div><div>Ni, vikimedianoj, simple plu faru tion, kion ni jam nun faras - <b>ni verku bonkvalitajn artikolojn en la Esperanta Vikipedio</b>. Avantaĝe ni povas tion kunigi kun pluraj konkursoj en tiu ĉi tempo:</div><div><ul><li>VikiPrintempo de Centra kaj Orienta Eŭropo (ĝis fino de Aprilo)</li><li>VikiPorHomajRajtoj (ĝis la 15a de Majo)</li><li>Afrika monato (Majo)</li><li>eble eĉ plia ;-)</li></ul></div><div>Sed ni kuniĝis kun niaj partneroj ankaŭ por utiligi la okazon por <b>inviti novulojn al nia Vikipedio</b>. Nun estas taŭga tempo por alparoli tiun heziteman amikon, kiu pripensas ekverki, sed mankas al li taŭga okazo. Nun ni verkas "kune" eĉ preter kutime Vikipedia komunumo!</div><div><br></div><div>Por pliaj informoj kaj rekomendoj, legu la kampanjan paĝon:</div><div><a href="https://esperanto.wiki/projektoj/vikipedio-300-000">https://esperanto.wiki/projektoj/vikipedio-300-000</a><br></div><div><br></div>Amike<br clear="all"><div><div dir="ltr" class="gmail_signature" data-smartmail="gmail_signature"><div dir="ltr">Michal Matúšov / Uzanto:KuboF Hromoslav<div><a href="https://esperanto.wiki/" target="_blank">Esperanto kaj Libera Scio (ELiSo)</a></div><div>Prezidanto</div></div></div></div></div>