[ELiSo-anoncoj] Afrika monato - konkurso ĝis fino de Majo 2020

[KuboF Hromoslav]

Saluton!

Antaŭnelonge finiĝis populara artikol-verka konkurso *VikiPrintempo COE* kaj
jam okazas nova - *Afrika monato*!

[image: Vikimedia_Afrika_monato_2020_rubando-eo.png]

Afrika monato, kiel jam nomo sugestas, invitas vin por verki aŭ
plilongigi *artikolojn
pri Afriko*. Ĝi okazos *ĝis fino de Majo 2020* en *Esperantaj Vikipedio kaj
Vikivojaĝo* kaj premiojn provizis *Vinilkosmo* kaj *Amikumu*.

Vi eble demandas vin "Kio estas Vikivojaĝo kaj kiel ĝi rilatas?".
Vikivojaĝo celas helpi al esperantistoj vojaĝi sekure kaj agrable,
provizante vojaĝgvidilojn. Sed la Esperanta versio dume bezonas vian helpon
- ĝi atendas en Kovilo kaj dume serĉas (kaj iom post iom atingas) sian
komunumon.

Ni scias, ke veni al nova vikia projekto povas esti iom defia, ankaŭ ni
tiel sentis kiam ni komencis! Tial, por instigi vin, *vi ricevas 2-oble pli
multajn poentojn ĝuste en Vikivojaĝo*.

*Venu jam hodiaŭ por partopreni al:*

   - *Vikivojaĝo*
   <https://incubator.wikimedia.org/wiki/Wy/eo/Vikivoja%C4%9Do:Afrika_monato_2020>
   - *Vikipedio* <https://eo.wikipedia.org/wiki/Projekto:Afrika_monato_2020>

*Sponsoroj*
Fine, mi dankas al niaj sponsoroj!

[image: Vinilkosmo.jpg]
*Vinilkosmo* estas *la* eldonejo de Esperant-lingva muziko, danke al kiu
estas "verda scenejo" signife pli riĉa. Vinilkosmo donacis 2 tutjarajn
abonojn de justa fluelsendejo - kun tunoj da Esperanta kaj ankaŭ alilingva
muziko de diversaj ĝenroj.

[image: Amikumu.png]
*Amikumu* helpas vin trovi proksimajn homojn, kiuj parolas samajn lingvojn
kiel vi. Ĝi celas al lingvolernantoj por helpi al praktikado, sed homoj ĝin
proponis eĉ por tradukado en malsanulejoj! Amikumu donacis 2 *Orajn
membrecojn* por 1 tuta jaro, kiuj plibonigas vian sperton, ekzemple
virtuale "teleportante" vin al fora loko. Amuza fakto: unu el fondintoj de
Amikumu fondis ankaŭ la Esperantan Vikipedion!

Amike Afrike!
KuboF Hromoslav
Ĉeforganizanto de la Afrika monato en Esperanto
------------- další část ---------------
HTML příloha byla odstraněna...
URL: <https://lists.wikimedia.org/pipermail/eliso-anoncoj/attachments/20200512/0fae4750/attachment-0001.html>
------------- další část ---------------
A non-text attachment was scrubbed...
Name: Vikimedia_Afrika_monato_2020_rubando-eo.png
Type: image/png
Size: 27550 bytes
Desc: [žádný popis není k dispozici]
URL: <https://lists.wikimedia.org/pipermail/eliso-anoncoj/attachments/20200512/0fae4750/attachment-0002.png>
------------- další část ---------------
A non-text attachment was scrubbed...
Name: Vinilkosmo.jpg
Type: image/jpeg
Size: 4286 bytes
Desc: [žádný popis není k dispozici]
URL: <https://lists.wikimedia.org/pipermail/eliso-anoncoj/attachments/20200512/0fae4750/attachment-0001.jpg>
------------- další část ---------------
A non-text attachment was scrubbed...
Name: Amikumu.png
Type: image/png
Size: 7457 bytes
Desc: [žádný popis není k dispozici]
URL: <https://lists.wikimedia.org/pipermail/eliso-anoncoj/attachments/20200512/0fae4750/attachment-0003.png>