વિકિસ્રોત પર હાલમાં જ ઝવેરચંદ મેઘાણીની "સૌરાષ્ટ્રની રસધાર ૧" નું અક્ષરાંકન પૂર્ણ થયું છે, અન્ય પરિયોજના "રસિકવલ્લભ" નું અક્ષરાંકન ૭૦% જેટલું પૂર્ણ થયું છે અને તેના પદો સહભાગી સભ્યોને વહેંચાઈ ગયા છે. આ સાથે પરિયોજના ક્રમાંક ૩૨ હેઠળ ઝવેરચંદ મેઘાણી રચિત સ્વતંત્રતાની લડતમાં જોશ જગાવવા રચાયેલા શૌર્યગીતોનો સંગ્રહ "સિંધુડો" સ્રોત પર ચડાવવાનું કાર્ય હાથમાં લઈએ છીએ. આ કાવ્ય સંગ્રહ પર અંગ્રેજ સરકારે પ્રતિબંધ પણ લગાવ્યો હતો. ગુજરાતી ભાષાની આ વીર કૃતિને વિકિસ્રોત પર ચડાવવાના આ સહકાર્યમાં આપ સૌ વીરો પણ નીચે આપેલી કડી (લિંક) પર જઈ જોડાઈ શકો છો.