പ്രിയപ്പെട്ടവരെ, ജർമ്മൻ വിക്കിപീഡിയയിൽ സൂപ്പർ പ്രൊട്ടക്റ്റ് നടത്തിയതിൽ വിക്കിമീഡിയ ഡവലപ്പർമാർക്കെതിരെ കടുത്ത പ്രതിഷേധം ഉയർന്നത് അറിഞ്ഞിട്ടുണ്ടാവുമല്ലോ. ഉപയോക്താക്കളുടെ സമവായത്തെ യാതൊരു മാനദണ്ഡവുമില്ലതെ അടിച്ചമർത്താൻ ശ്രമിക്കപ്പെട്ട മറ്റൊരുകൂട്ടം വിക്കികളുടെ ഉപയോക്താക്കൾ എന്ന നിലയിൽ ഇത് നമ്മളും ശ്രദ്ധിക്കേണ്ട കാര്യമാണ്. മീഡിയ വ്യൂവർ എക്സ്റ്റെൻഷൻ ജർമ്മൻ വിക്കിപീഡിയയിൽ ചേർക്കപ്പെടുകയൂം എല്ലാവർക്കും സ്വതേ സജ്ജമായിരിക്കുന്ന വിധത്തിൽ ക്രമീകരിക്കപ്പെടുകയും ചെയ്തതിനെ തുടർന്ന് ഉപയോക്താക്കൾ ശക്തമായി പ്രതിഷേധിക്കുകയും സ്വതേ സജ്ജമല്ലാത്ത വിധത്തിലാണ് വേണ്ടതെന്ന് സമവായത്തീലെത്തുകയൂം ചെയ്തു. ഇത് ചെയ്ത് കൊടുക്കാൻ ഡവലപ്പർമാർ തയ്യാറാവതെ വന്നതോടെ, അവർ സ്വന്തം നിലയ്ക്ക് വിക്കികളിലെ common.js താൾ ഉപയോഗിച്ച് തങ്ങളുടെ സമവായം നടപ്പാക്കി. ആ തിരുത്ത് റിവേർട്ട് ചെയ്ത്, കോമൺ.ജെഎസ് തങ്ങൾക്ക് മാത്രം തിരുത്താവുന്ന വിധത്തീൽ പ്രൊട്ടക്റ്റ് ചെയ്താണ് ഡവലപ്പർമാർ പ്രതികരിച്ചത്. ഈ ജാവാസ്ക്രിപ്റ്റ് താൾ വിക്കികളുടെ പ്രവർത്തനത്തിന് എത്രമാത്രം പ്രധാനമാണെന്നതറിയമല്ലോ. ഫലത്തിൽ മീഡിയവ്യൂവറിനായി വിക്കിയിലെ ഏതൊരു കസ്റ്റമൈസേഷൻ പ്രവർത്തനവും തടയപ്പെട്ട അവസ്ഥയാണ് ഉണ്ടായത്. ഇതിനെത്തുടർന്ന് കടുത്ത പ്രതിഷേധം ഉണ്ടായി. വിക്കിമീഡിയയെ തങ്ങളുടെ പ്രതിഷേധം അറിയിച്ചുകൊണ്ടുള്ള കത്തിൽ അറുനൂറോളം ഉപയോക്താക്കൾ ഇതുവരെ തങ്ങളുടെ ഒപ്പ് ചേർത്തിട്ടുണ്ട്. ഈ കത്തിന്റെ ഉള്ളടക്കം പ്രസക്തമാണെന്ന് താങ്കൾക്കും തോന്നുന്നുണ്ടെങ്കിൽ ഒപ്പ് ചേർത്ത് പ്രതിഷേധത്തിൽ പങ്കാളിയാവുക. കത്ത്: https://meta.wikimedia.org/wiki/Letter_to_Wikimedia_Foundation:_Superprotec… ചേഞ്ച്.ഓർഗിൽ: https://www.change.org/p/lila-tretikov-remove-new-superprotect-status-and-p… വിശദവിവരണം: https://en.wikipedia.org/wiki/Wikipedia:Wikipedia_Signpost/2014-08-13/News_… ആശംസകൾ പ്രവീൺ