രാവിലെ നടന്ന ക്ലാസ്സില്‍ 20 പേര്‍ പങ്കെടുത്തു. 12 പേര്‍ ഫോട്ടോ എടുക്കുന്നതിനായി നഗരത്തില്‍ ഇറങ്ങി. ഇത്രയും പേര്‍ ചേര്‍ന്ന് ആയിരത്തിനടുത്ത് ചിത്രങ്ങള്‍ പകര്‍ത്തിക്കാണും എന്ന് കണക്കാക്കുന്നു. നിലവാരമുളളവ എത്രുയണ്ടാകുമെന്ന് കണക്കാക്കണം. വൈകുന്നേരമായതിനാല്‍ അവ പരിശോധിച്ച് അപ്‌ലോ‍ഡ് ചെയ്യല്‍ നടന്നില്ല. എല്ലാവരും സ്വയം അപ്‌ലോഡ് ചെയ്യാമെന്ന് പറഞ്ഞ് പിരിഞ്ഞു. ശിവ കുമാര്‍ വൈക്കം അത് ഫോളോ അപ് ചെയ്യാമെന്ന് പറഞ്ഞിട്ടുണ്ട്. വിശ്വേട്ടന്റെ ക്ലാസ്സും, ഫോട്ടോവാക്ക്, നഗര ചിത്രീകരണം, ക്യു.ആര്‍. കോഡ് തുടങ്ങിയവയൊക്കെ പങ്കാളികള്‍ക്ക് ആവേശം നല്‍കുന്നതായിരുന്നു. വിക്കിപീഡിയയ്കായി ഒത്തൊരുമിച്ച് പ്രവര്‍ത്തിക്കാനായതില്‍ എല്ലാവരും സംതൃപ്തതരായിരുന്നു. കുമാര്‍ വൈക്കവും എം.പി. മനോജ് കുമാറും ഒഴികെയുള്ളവരെല്ലാം പുതുമുഖങ്ങളും അതേസമയം വളരെ പ്രതീക്ഷ നല്‍കുന്നവരുമായിരുന്നു. ഇത്തരത്തില്‍ ഒരു പരിപാടി ആദ്യമായതിനാല്‍ ചില പാളിച്ചകളുണ്ടായി. - നഗരത്തെ മുന്‍പേ തന്നെ പഠിച്ച്, അനിവാര്യമായും ചിത്രങ്ങളെടുക്കേണ്ട സംഗതികള്‍ നിര്‍ദ്ദേശിച്ച് അവയുടെ ഫോട്ടോകള്‍ നിര്‍ബന്ധമായും എടുക്കണമെന്ന് പറഞ്ഞു വിടാന്‍ കഴിഞ്ഞില്ല. ഇതിനായി നഗര ചരിത്രം അറിയാവുന്ന ആളുകള്‍ / നഗരസഭയിലെ മുതിര്‍ന്ന അംഗങ്ങള്‍ / ഉദ്യോഗസ്ഥര്‍ എന്നിവരെ കണ്ട് അവരോട് മുന്‍കൂട്ടി സംസാരിച്ച് ഫോട്ടോ എടുക്കേണ്ട സംഗതികള്‍ പട്ടികപ്പെടുത്തണമായിരുന്നു. (ഇതാലോചിച്ചതാണെങ്കിലും തിരക്കുമൂലം നടന്നില്ല) നഗര ഡിജിറ്റൈസേഷന്‍ നടത്തണമെങ്കില്‍ ഇനിയും ഒന്നോ രണ്ടോ ഡ്രൈവ് കൂടി നടത്തണമെന്ന് ചുരുക്കം. - രണ്ടു ടീമായിട്ടാണ് പോയത്. ഒരു ടീമിലെ ആളുകള്‍ മുഴുവന്‍ ഒരു സംഗതിയുടെ തന്നെ ചിത്രങ്ങള്‍ ആവര്‍ത്തിച്ചെടുക്കുന്ന സ്ഥിതി ഇതുണ്ടാക്കി. ഇവയിലെ ഓരോ ഫ്രെയിമും വ്യത്യസ്തമായേക്കാമെങ്കിലും കോമണ്‍സിനെ സംബന്ധിച്ച് ഇത് അത്ര പ്രധാനമല്ലെന്ന് തോന്നുന്നു. അപ്പോള്‍ ഇനിമുതല്‍ പരമാവധി രണ്ട് പേരേ ഒരു ടീമിലുണ്ടാകാവൂ എന്ന് ചുരുക്കം. - എടുത്ത ഫോട്ടോകള്‍ അവിടെ വെച്ചുതന്നെ അപ്‌ലോഡ് ചെയ്യിക്കാതെ വിടുന്നത് അത്ര പന്തിയല്ല... പങ്കാളികള്‍ തിരക്കുമൂലം അത് വിട്ടുപോയാല്‍ നമ്മുടെ പ്രയത്നം പാഴാകാം. - പങ്കാളികള് ടീഷര്‍ട്ട് തുടങ്ങിയ പ്രചരണോപാധികള്‍ ഇല്ലാതെയാണ് പോയത്. അതുണ്ടായിരുന്നെങ്കില്‍ നല്ല പ്രചരണം കിട്ടിയേനേ... സുജിത്ത് 2013, ഡിസംബർ 15 10:57 PM ന്, Vaishak Kallore <vaikoovery(a)gmail.com> എഴുതി: "രാധാ കണ്‍വന്‍ഷന്‍ സെന്ററിലാണ് നടക്കുന്നത്‌ " എന്നല്ലേ? -- Adv. T.K Sujith | *അഡ്വ. ടി.കെ സുജിത്* Alappuzha, Kerala | *ആലപ്പുഴ, കേരളം* 09846012841 _______________________________________________ Wikiml-l is the mailing list for Malayalam Wikimedia Projects email: Wikiml-l(a)lists.wikimedia.org Website: https://lists.wikimedia.org/mailman/listinfo/wikiml-l To stop receiving messages from Wikiml-l please visit: https://lists.wikimedia.org/mailman/options/wikiml-l