സൃഷ്ടാവ് മരിച്ച് 60 വർഷം കഴിഞ്ഞ (ഇന്ത്യയിലെ നിയമപ്രകാരം - മറ്റു ചില രാജ്യങ്ങളിലെ നിയമം കൂടുതൽ കടുത്തതുമാണ്) സൃഷ്ടികൾ മാത്രമേ നമ്മൾ വിക്കിപ്പീഡിയയിലും വിക്കിമീഡിയയിലും അനുവദിക്കാറുള്ളൂ. അതല്ലെങ്കിൽ സൃഷ്ടാവ് സ്വന്തം ഇഷ്ടപ്രകാരം സൃഷ്ടി പൊതുസഞ്ചയത്തിലേയ്ക്ക് നൽകുന്നതായിരിക്കണം.
പുതിയ ചലച്ചിത്രങ്ങ‌ൾ (സൃഷ്ടാക്കൾ ഇപ്രകാരം അനുവാദം നൽകാത്തിടത്തോളം കാലം) ടൊറന്റിലൂടെയും അത്തരം മറ്റ് സംവിധാനങ്ങളിലൂടെയും അപ്‌ലോഡും ഡൗൺലോഡും ചെയ്യുന്നത് ഇന്ത്യയിലെ നിയമപ്രകാരം പകർപ്പവകാശലംഘനം തന്നെയാണ്. ഇന്ത്യയിലെ നിയമപ്രകാരം (എന്റെ അറിവിൽ) അത് ജയിൽ ശിക്ഷയർഹിക്കുന്ന കുറ്റവുമാണ്.
വിക്കിപ്പീഡിയ എന്താശയമാണോ മുന്നോട്ടുവയ്ക്കുന്നത് (സ്വതന്ത്രമായ വിവരങ്ങൾ നിയമാനുസൃതമായരീതിയിൽ എല്ലാവർക്കും പ്രാപ്യമാവണം) എന്നതിന് വിരുദ്ധമല്ല പ്രകാശ് ബാരെ ഇതുവരെ പറഞ്ഞതോ ചെയ്തതോ ആയ ഒരു കാര്യവും എന്നാണ് എന്റെ അഭിപ്രായം.
ഒരാൾക്ക് പകർപ്പവകാശമുള്ള ചലച്ചിത്രം നിയമവിരുദ്ധമായി കമ്പ്യൂട്ടറിൽ പകർത്തിവയ്ക്കുന്നതും ഇന്റർനെറ്റ് മാദ്ധ്യമത്തിലൂടെ അത് മറ്റുള്ളവരുമായി പങ്കുവയ്ക്കുന്നതും ഇന്റർനെറ്റ് സ്വാതന്ത്ര്യമാണ് എന്ന് എനിക്കഭിപ്രായമില്ല.
അത് ചെയ്യുന്നവർക്കെതിരേ നടപടിയെടുക്കുന്നത് നിയമപരമായി ശരിയാണെങ്കിൽ (അങ്ങനെയാണെന്നാണ് എന്റെ അറിവ്)
പ്രകാശ് ബാരെയെപ്പോലെ ആ ശരി ചെയ്യുന്നവരെ ബോയ്ക്കോട്ട് ചെയ്യുകയോ ഒഴിച്ചുനിർത്തുകയോ ചെയ്യുന്നത് വിക്കിപ്പീഡിയയെ ഏതെങ്കിലും വിധത്തിൽ സഹായിക്കും എന്ന തോന്നൽ എനിക്കില്ല.
ഞാൻ ഒരു ചലച്ചിത്രം നിർമിക്കുകയാണെങ്കിൽ അതിന്റെ സാമ്പത്തിക വിജയത്തെ നിയമവിരുദ്ധപ്രവൃത്തികൾ ബാധിക്കുന്നുവെങ്കിൽ അതിനെതിരേ നടപടിയെടുക്കാൻ നിയമവാഴ്ച്ചയുള്ള നമ്മുടെ രാജ്യത്ത് സാദ്ധ്യമല്ലേ? ഞാൻ അങ്ങനെ ശ്രമിക്കുന്നത് വിക്കിപ്പീഡിയയുടെ ഏതു നയത്തിനാണ് എതിരാവുന്നത്?