വെബ്ഫോണ്ട് ഉൾപ്പെടുത്തൽ എന്നത് ഒരു താൽക്കാലിക പരിഹാരം മാത്രമാണ് എന്നാണ് എന്റെ പക്ഷം. ആത്യന്തികമായ പരിഹാരം എന്നത് യൂണിക്കോഡ് മലയാളം ഫോണ്ടുകളും ഇൻപുട്ട് മെത്തേഡുകളും ഇൻസ്റ്റാൾ ചെയ്യുകയാണ്. എവിടെ ക്യാമ്പ് സംഘടിപ്പിച്ചാലും രചന, മീര, അജ്ഞലി, കൗമുദി, കീമാൻ, കീമാജിക്, വരമൊഴി തുടങ്ങിയവ ഒരു സിഡിയിലോ പെൻഡ്രൈവിലോ ആക്കി കയ്യിൽ കരുതിയാൽ പോരേ? വെബ്ഫോണ്ടും നാരായവും ഉണ്ടെങ്കിൽ വിക്കിയിലെ കാര്യം നടക്കും. പക്ഷേ വിക്കിപീഡിയയിൽ മാത്രം ഒതുങ്ങുന്നതല്ലല്ലോ വെബ് മലയാളം. ഈ പ്രശ്നത്തിൽ കുറേക്കൂടി വിശാലമായ കാഴ്ച്ചപ്പാടാണ് വേണ്ടത്. നമ്മൾ നമ്മുടെ കാര്യം മാത്രം നോക്കിയാൽപ്പോരേ എന്നാണെങ്കിൽ ഒന്നും പറയാനില്ല.