2002 ൽ Vinodmp എന്നൊരാൾ ഇദ്ദേഹത്തെ ഫോണിൽ ബന്ധപ്പെട്ട്, അക്കാലത്ത് വിക്കിയുടെ "വിക്കിപീഡിയ: സ്വാഗതം, നവാഗതരേ" എന്ന പേജിൽ തൂലികയൂണിക്കോഡ് ഫോണ്ട് ഡൗൺലോഡ് ചെയ്യാനുള്ള ലിങ്ക് പ്രദർശിപ്പിക്കാനുള്ള അനുവാദം ചോദിച്ചിരുന്നുവത്രേ. കാരണം അന്ന് പ്രവർത്തിക്കുന്ന ഏക മലയാളം യൂണിക്കോഡ് ഫോണ്ട് ഇത് മാത്രമായിരുന്നു പോലും. എനിക്ക് അത് മനസിലാകുന്നില്ല. ഫോണ്ട് ഡൗൺലോഡ് ചെയ്യാനുള്ള ലിങ്ക് പ്രദർശിപ്പിക്കണമെങ്കിൽ മുൻകൂട്ടി അനുവാദം വാങ്ങണോ? അതായത് ഞാൻ എന്റെ വെബ്സൈറ്റിൽ മൈക്രോസോഫ്റ്റിന്റെ ഒരു ലിങ്ക് കൊടുക്കണമെങ്കിൽ ആദ്യമേ ബിൽ ഗേറ്റ്സിനെ വിളിച്ച് അനുവാദം മേടിക്കണം എന്നാണോ?