ഭൂപടനിർമ്മാണം എന്ന വിക്കിപദ്ധതിയെ കുറിച്ചു വാർത്ത ഹിന്ദുപത്രത്തിൽ
വന്നതിനുശേഷം പല ഭാഗത്തുനിന്നും ആ പദ്ധതിയുടെ വിശദാംശങ്ങൾ
ചോദിച്ച്
അന്വേഷണങ്ങൾ ഉണ്ടായത് വെച്ചു നോക്കുമ്പോള് നമ്മൾ പ്രതീക്ഷിച്ചതിനേക്കാൾ
ശ്രദ്ധ ഈ പദ്ധതിക്കു ലഭിക്കുന്നതായി മനസ്സിലാക്കുന്നു. എന്നാല് ഭൂപടങ്ങളുടെ
നിർമ്മാണത്തിൽ നമുക്കിപ്പോഴും കൃത്യതയുള്ള ഒരു അവലംബം കിട്ടിയിട്ടില്ല.
ഒരു പിഡിഎഫ് ഫയലിന്റെ
ബലത്തിലായിരുന്നു തുടക്കം. എന്നാൽ വരച്ചുതുടങ്ങിയപ്പോൾ ഈ പിഡിഎഫിലുള്ള
ഭൂപടങ്ങളിൽ തെറ്റുകൾ ഉണ്ട് എന്നു മനസ്സിലാക്കാൻ പറ്റി. ചില പുതിയ
പഞ്ചായത്തുകൾ കൂട്ടിച്ചേർക്കുകയോ, ചില അതിരുകൾ പുനർനിർണ്ണയം നടത്തുകയോ
ഒക്കെ നടത്തിയിട്ടുണ്ട്. ഇതൊന്നും നമ്മുടെ കൈയിലുള്ള ആ ബെയ്സ്മാപ്പിൽ
ഇല്ല.
എല്ലാ ജില്ലാഘടകങ്ങളിലും അതാതു ജില്ലകളുടെ പുതിയ ഭൂപടങ്ങൾ ഉണ്ടാവും
എന്ന് കരുതുന്നു. എല്ലാ ജില്ലാഘടകങ്ങളേയും
സമീപിക്കാൻ നമുക്കേതായാലും പറ്റില്ല. സംസ്ഥാനതലത്തിൽ തന്നെ അന്വേഷിക്കാനും
ലഭ്യമായ ഭൂപടങ്ങൾ ശേഖരിക്കാനും പറ്റിയ ഒരു സംവിധാനത്തെ പറ്റി
ചിന്തിക്കേണ്ടതാണ്. സംസ്ഥാനത്തിന്റെ മൊത്തത്തിലുള്ള മാപ്പും ഈ വഴി
കിട്ടാന് ശ്രമിക്കണം. അങ്ങനെ ഗവണ്മെന്റ് ഏജൻസി മുഖേന കിട്ടുന്ന
ഭൂപടമാവുമ്പോൾ
അതിനും വിശ്വാസ്യതയും നമ്മുടെ പദ്ധതിക്കു തിളക്കവും കൂടും. അല്ലാതെ ഇപ്പോൾ
പോകുന്ന രീതിയിൽ ഔട്ട്-ഡേറ്റഡായ മാപ്പുകൾ കൊണ്ട് ശരിക്കും ഒരു ഗുണവും
ഇല്ലാ എന്നു പറയാം.
മെയിലിംഗ് ലിസ്റ്റിലെ ചര്ച്ചയോടൊപ്പം അടുത്ത വിക്കി മീറ്റില് ഒരു
തീരുമാനത്തില് എത്തുന്നതായിരിക്കും നല്ലത്. അത് വരെ ഇപ്പോഴുള്ള പദ്ധതി
തുടരാം.