ദയവുചെയ്ത് ഈ ചര്ച്ച ഒന്ന് അവസാനിപ്പിച്ചുകൂടെ !
സി.പി.ഐ. എം നേതൃത്വത്തില് വിക്കിപീഡിയയിലെ ഇടപെടലിനായി പ്രത്യേക ടീം രൂപീകരിക്കുന്നതായി മനോരമയില് വന്നവാര്ത്ത സംബന്ധിച്ച് ആ പാര്ട്ടിയുടെ ഔദ്യോഗിക സ്ഥിതീകരണമൊന്നും തന്നെ ഇതുവരെ ലഭ്യമായതായി അറിയില്ല.
അത്തരമൊരു നീക്കത്ത അനുകൂലിച്ചും എതിര്ത്തുമുള്ള നിലപാടുകള് ഇവിടെ നമ്മുടെ ചങ്ങാതിമാര് കൈക്കൊള്ളുകയുണ്ടായി.
മാര്ക്സിസ്റ്റ് പാര്ട്ടിയെപ്പോലെ സമൂഹത്തിലെ വൈജ്ഞാനിക രംഗത്തേക്കാവശ്യമായ അനവധി വിവരങ്ങള് കൈകാര്യം ചെയ്യുന്ന പ്രസ്ഥാനത്തിലെ ആളുകള് സജീവമായി വിക്കിപീഡിയയിലേക്ക് കടന്നുവരുന്നത് നല്ലതാണെന്നും അതുവഴി വിക്കിയില്, സാമൂഹ്യ - രാഷ്ട്രീയ - ചരിത്ര മേഖലകളിലെ ഇനിയും കടന്നുവന്നിട്ടില്ലാത്ത ഒട്ടനവധി വിവരങ്ങള് ഉള്പ്പെടുത്തപ്പെടാമെന്നും അതിനെ സ്വാഗതം ചെയ്യുന്നവര് പ്രതീക്ഷിക്കുന്നു. ഒപ്പം സന്തുലിതമല്ലാത്ത ചില ലേഖനങ്ങളിലെ സന്തുലിതാവസ്ഥ നിലനിര്ത്തുവാന് അത് സഹായിച്ചേക്കാമെന്നും അവര് കരുതുന്നു.
എന്നാല് വ്യക്തമായ താല്പര്യത്തോടെ വിക്കിപീഡിയയില് തിരുത്തലുകള് നടത്തുന്നത് വിക്കിപീഡിയയുടെ നയങ്ങള്ക്കെതിരാവുമെന്നും നിഷ്പക്ഷതയെ തകര്ക്കുമെന്നും എതിര്ക്കുന്നവര് വാദിക്കുന്നു. സി.പി.ഐ.എം തീരുമാനമെടുക്കുന്നതിനൊപ്പം മറ്റു രാഷ്ട്രീയ - സാമുദായിക സംഘങ്ങളും ഇതേ തീരുമാനമെടുക്കാമെന്നും അത് വലിയൊരു തിരുത്തല് യുദ്ധത്തിലേക്ക് വിക്കിപീഡിയയെ നയിച്ചേക്കാമെന്നുമുള്ള ആശങ്കകളും ഇക്കൂട്ടര് പങ്കുവെയ്കുന്നു.
എന്തായാലും ഇതെല്ലാം സി.പി.ഐ.എം അതിന്റെ ടീമിനെ രൂപീകരിച്ച് വിക്കിയില് പ്രവര്ത്തനം ആരംഭിച്ചാലത്തെ കാര്യം മാത്രമണല്ലോ. ഇനി അങ്ങനെയെങ്ങാനും അവര് തീരുമാനിച്ചിട്ടുണ്ടെങ്കില് വിക്കിപീഡിയ സമൂഹത്തിന് അതില് പ്രത്യേകിച്ചൊന്നും ചെയ്യാനുമാവില്ല. കോടതിയില് നിന്ന് സ്റ്റേ കിട്ടുന്ന ഏര്പ്പാടൊന്നുമല്ലല്ലോ ഇത് :)
മാത്രമല്ല, വിക്കിപീഡിയയില് ഇടപെടാന് വേണ്ടി അവര് ആളുകളെ പരിശീലിപ്പിക്കുകയാണെങ്കില് വിക്കിയില് ഇപ്പോള് തന്നെ സജീവായി നില്ക്കുന്നവര് മിക്കവാറും ആ പരിശീനത്തിനായി ക്ഷണിക്കപ്പെട്ടേക്കാം. അത്തരം പരിശീലനത്തിലൂടെ വരുന്നവര് വിക്കിപീഡിയയുടെ നയങ്ങള്ക്ക് വിരുദ്ധമായി, POV പുഷേഴ്സായി, തിരുത്തല് യുദ്ധം നടത്തി,
ഐ.പി. തടയല് ചോദിച്ചുവാങ്ങുവാന് മാത്രം മണ്ട ശിരോമണികളായിരിക്കും എന്ന് ഏതെങ്കിലും സാമാന്യബുദ്ധിയുള്ള വിക്കിപീഡിയന് കരുതുമെന്ന് തോന്നുന്നില്ല...
അപ്പോള് ഭാവിയില് നടന്നേക്കാവുന്നതും വിക്കിപീഡിയയ്ക്ക് ആശങ്കപ്പെടുന്നതുപോലുള്ള ക്ഷതമൊന്നും ഏല്പ്പിക്കാന് സാദ്ധ്യതയില്ലാത്തതുമായ ഒരു കാര്യത്തെപ്പറ്റി ഇത്ര ബേജാറാകുന്നതിന് പിന്നിലെന്താണുള്ളത് ? വിക്കിപീഡിയയെ സംരക്ഷിക്കുക എന്ന വ്യഗ്രതമാത്രമാണോ ?