മലയാളം വിക്കിപീഡിയയുടെ 2009 ഓഗസ്റ്റ് മാസത്തെ സ്ഥിതിവിവരക്കണക്കുകളും, ഓഗസ്റ്റ് മാസത്തില്‍ മലയാളം വിക്കിപീഡിയയില്‍ നടന്ന പ്രവര്‍ത്തനങ്ങളുടെ സംക്ഷിപ്ത റിപ്പോര്‍ട്ടും ആണിതു്. http://stats.wikimedia.org എന്ന വെബ്ബ്സൈറ്റില്‍ നിന്ന് ലഭിച്ച വിവരങ്ങളും, വിവിധ വിക്കിടൂളുകളുടേയും സഹായത്തോടെ ലഭിച്ച വിവരങ്ങളും ആണു് ഈ റിപ്പോര്‍ട്ട് തയ്യാറാക്കുവാന്‍ ഉപയോഗിച്ചത്.

നമ്മളുടെ റിപ്പോര്‍ട്ടിനായി സ്ഥിതിവിവരക്കണക്കുകള്‍ ശെഖരിക്കുന്ന http://stats.wikimedia.org എന്ന വെബ്ബ്സൈറ്റില്‍ ഇന്ത്യന്‍ വിക്കികളുടെ സ്ഥിതിവിവരം പുതുക്കപ്പെടാന്‍ താമസിക്കുന്നതാണു് ഓഗസ്റ്റ് മാസത്തെ സ്ഥിതിവിരക്കണക്കിന്റെ മെയില്‍ ഇത്രയും താമസിക്കാന്‍ കാരണം. ആയിരക്കണക്കിനു് വിക്കികളുടെ നൂറുകണക്കിനു് വിവരങ്ങള്‍ പ്രൊസസ് ചെയ്യാന്‍ ആഴ്ചകളെടുക്കും. അതിനാല്‍ സ്ഥിതിവിവരക്കണക്കുകള്‍ താമസിച്ചതില്‍ ക്ഷമിക്കുക.

2009 ഓഗസ്റ്റ് മാസം മലയാളം വിക്കിപീഡിയയില്‍ 297 ലേഖനങ്ങള്‍ പുതുതായി കൂട്ടിച്ചേര്‍ക്കപ്പെട്ടു. 2009 ഓഗസ്റ്റ് മാസം അവസാനിക്കുമ്പോള്‍ മലയാളം വിക്കിപീഡിയയില്‍ 10,788 ലേഖനങ്ങള്‍ ഉണ്ടായിരുന്നു.
പേജ് ഡെപ്ത് 165ല്‍ നിന്നു് 173 ആയി ഉയര്‍‌ന്നു. പേജ് ഡെപ്‌‌ത്തില്‍ നമ്മള്‍ ലോക വിക്കിപീഡിയകളില്‍ (കുറഞ്ഞതു് 1000 ലെഖനമെങ്കിലും ഉള്ള വിക്കിപീഡിയകളില്‍) അഞ്ചാം സ്ഥാനത്താണിപ്പോള്‍. ഇംഗ്ലീഷു് (445), ഹീബ്രു (190), സിംഹള (183) അറബി (179) എന്നീ വിക്കിപീഡിയകള്‍ ആണ് 1,2,3,4 സ്ഥാനങ്ങളില്‍. എങ്കിലും പേജു് ഡെപ്ത്തിന്റെ കാര്യത്തില്‍ ഇന്ത്യന്‍ വിക്കിപീഡിയകളില്‍ നമ്മള്‍ ഇപ്പൊഴും ഒന്നാം സ്ഥാനം നിലനിര്‍ത്തുന്നു. മറ്റു് ഇന്ത്യന്‍ വിക്കിപീഡിയകളേക്കാള്‍ നമ്മള്‍ ബഹുദൂരം മുന്‍പിലുമാണു്‍.നമ്മുടെ തൊട്ടു് പിറകിലുള്ള ബംഗാളി വിക്കിയുടെ പെജു് ഡെപ്ത്തു് 64 മാത്രമാണു്.
ഇതു വരെയുള്ള തിരുത്തലുകളുടെ എണ്ണം: 4,32,952. 2009 ഓഗസ്റ്റ് മാസം മലയാളം വിക്കിപീഡിയയില്‍ 23,706 തിരുത്തലുകളാണ് നടന്നത്. 2009 ജൂലൈ മാസത്തെ അപേക്ഷിച്ചു് തിരുത്തലുകളുടെ എണ്ണം കൂടിയിട്ടുണ്ടെങ്കിലും സജീവ ഉപയോക്താക്കളുടെ എണ്ണത്തിനനുസരിച്ച് നമ്മുടെ വിക്കിപീഡിയയിലെ തിരുത്തലുകളുടെ എണ്ണം വര്‍‌ദ്ധിക്കുന്നില്ല.
ഇതു വരെ വിക്കിയില്‍ അം‌ഗത്വമെടുത്ത ഉപയോക്താക്കളുടെ എണ്ണം: 12,573. 2009 ഓഗസ്റ്റ് മാസത്തില്‍ ഏതാണ്ട് 580ഓളം പേരാണു പുതുതായി അംഗത്വമെടുത്തത്. 18,601 രജിസ്റ്റേര്‍‌ഡ് ഉപയൊക്താക്കളുമായി ഹിന്ദി വിക്കിപീഡിയ ആണു് ഇന്ത്യന്‍ ഭാഷകളിലുള്ള വിക്കിപീഡിയകളില്‍ ഉപയോക്താക്കളുടെ കാര്യത്തില്‍ ഒന്നാം സ്ഥാനത്തു്. ഹിന്ദി കഴിഞ്ഞാല്‍ ഏറ്റവും കൂടുതല്‍ രജിസ്റ്റേര്‍‌ഡ് ഉപയോക്താക്കള്‍ മലയാളത്തിലാണു്.
ഇതുവരെ വിക്കിയില്‍ അപ്‌ലോഡ് ചെയ്ത ചിത്രങ്ങളുടെ എണ്ണം:6112. 2009 ഒഗസ്റ്റ് മാസത്തില്‍ 90 ഓളം ചിത്രങ്ങളാണു് അപ്‌ലോഡ് ചെയ്യപ്പെട്ടത്

സ്ഥിതി വിവരക്കണക്കുകള്‍

ആമുഖം: പ്രധാന സ്ഥിതിവിവരക്കണക്കുകള്‍

പ്രധാന സ്ഥിതിവിവരക്കണക്കുകള്‍

ഭാഷ	ലേഖനങ്ങളുടെ എണ്ണം			തിരുത്തലുകളുടെ എണ്ണം			ആഴം
ഭാഷ	ജൂണ്‍ 2009	ജൂലൈ 2009	ഓഗസ്റ്റ് 2009	ജൂണ്‍ 2009	ജൂലൈ 2009	ഓഗസ്റ്റ് 2009	ജൂണ്‍ 2009	ജൂലൈ 2009	ഓഗസ്റ്റ് 2009
ബംഗാളി	20,022	20,065	20,267	4,84,270	4,96,945	5,11,400	60	62	64
ബിഷ്ണുപ്രിയ മണിപ്പൂരി	23,416	23,416	23,416	3,92,932	4,00,817	4,05,601	12	13	13
ഗുജറാത്തി	6,664	7,455	8473	45,135	47,908	52,543	1	1	1
ഹിന്ദി	33,497	34,539	40,026	3,97,711	4,16,312	4,73,876	13	13	21
കന്നഡ	6,685	6,857	7,010	1,01,451	1,06,783	1,11,339	15	15	16
മലയാളം	10,271	10,491	10,788	3,86,760	4,09,246	4,32,952	155	165	173
മറാഠി	23,448	23,641	24,246	3,81,067	3,94,860	4,10,843	15	15	16
തമിഴ്	18,625	18,877	19,169	4,01,163	4,14,516	4,27,132	24	25	26
തെലുഗു	43,370	43,541	43,596	4,22,471	4,41,194	4,48,329	5	5	5

കൂടുതല്‍ വിശദമായ കണക്കുകള്‍ക്കായി ഇതോടൊപ്പം അറ്റാച്ച് ചെയ്തിരിക്കുന്ന പിഡി‌എഫ് ഫയല്‍ കാണുക.

ആശംസകളോടെ

ഷിജു