2011 ജനുവരി 15-നു് വിക്കിപീഡിയയുടെ പത്താം വാർഷികം ആണെന്നറിയാമല്ലോ. ലോകമെമ്പാടും നടക്കുന്ന ആഘോഷ പരിപാടികളുടെ ഭാഗമായി കണ്ണൂർ ജില്ലയിലും ഒരു പരിപാടി നടത്തുവാൻ തീരുമാനിച്ചിരിക്കുന്നു. കണ്ണൂർ ടൗണിൽ കാൽടെക്സിനടുത്തുള്ള കണ്ണൂർ ജില്ലാ ലൈബ്രറി കൗൺസിൽ ഹാളിൽ 2011 ജനുവരി 15 ശനിയാഴ്ച രാവിലെ 10 മുതൽ വൈകീട്ട് 5 മണി വരെയാണ് പരിപാടി നടത്തുന്നത്. കാൽടെക്സിലുള്ള ഇന്ത്യൻ കോഫീ ഹൗസിനു തൊട്ടടുത്ത ബിൽഡിങ്ങ് ആണ് ജില്ലാ ലൈബ്രറി കൗൺസിലിന്റേത്.

കാര്യപരിപാടികൾ

•  വിക്കിപീഡിയയുടെ പത്താം വാർഷികാഘോഷവും. മലയാളം വിക്കിപീഡിയയുടെ എട്ടാം വാർഷികാഘോഷവും

• വിക്കിപീഡിയയുമായും സ്വതന്ത്രവിജ്ഞാനവുമായി ബന്ധപ്പെട്ട വിഷയത്തെക്കുറിച്ചു വിഷയത്തിൽ അവഗാഹമുള്ളവരും, വിക്കിപീഡിയരും പൊതു ജനങ്ങളും പങ്കെടുക്കുന്ന ക്ലാസും ചർച്ചയും

• മലയാളം വിക്കി സംരംഭങ്ങളെ പരിചയപ്പെടുത്തുൽ

• മലയാളം വിക്കി സംരംഭങ്ങളുടെ പ്രവർത്തനങ്ങളിൽ എങ്ങനെ പങ്കെടുക്കാം,

•  മലയാളം വിക്കികളിൽ എങ്ങനെ മലയാളത്തിൽ ടൈപ്പ് ചെയ്യാം എന്നീവിഷയങ്ങളിൽ നടത്തുന്ന ക്ലാസ്
  

• സദസ്സിന്റെ സംശയങ്ങൾക്കുള്ള മറുപടി

• വിദ്യാർത്ഥികൾക്കുള്ള മത്സരങ്ങൾ
  

കൂടുതൽ വിവരങ്ങൾക്കും, പരിപാടിയിൽ പങ്കെടുക്കുന്നതിനും, പേര് രജിസ്റ്റർ ചെയ്യുന്നതിനും  വിക്കിപീഡിയയിലെ താൾ സന്ദർശിക്കുക.

ഈ പരിപാടിയിലേക്ക് താങ്കളെ സാദരം ക്ഷണിക്കുന്നു.

അനൂപ്