Wikiml-l January 2014

wikiml-l@lists.wikimedia.org

27 participants
27 discussions

വിക്കിപീഡിയ സ്റ്റാൾ @ കെ.എം.സി.റ്റി. കോളേജ്, കോഴിക്കോട്

by Netha Hussain

സുഹൃത്തുക്കളേ, കോഴിക്കോട് മണാശേരിയിലെ കെ.എം.സി.റ്റി. എഞ്ചിനിയറിങ് കോളേജിലെ ടെക്ക്ഫെസ്റ്റായ 'കർമ്മ' ഫെബ്രുവരി 20 മുതൽ 23 വരെയുള്ള തിയ്യതികളിൽ നടക്കുന്നു. പരിപാടിയുടെ സംഘാടകർ വിക്കിമീഡിയ സ്റ്റാൾ വേണമെന്ന് ആവശ്യവുമായി എന്നെ സമീപിക്കുകയുണ്ടായി. ഈ ദിവസങ്ങളിൽ ഒഴിവുള്ള രണ്ടോ-മൂന്നോ വിക്കിമീഡിയരും, വിക്കിമീഡിയ കൈപ്പുസ്തകവും, കുറച്ച് വിക്കിപീഡിയ സ്റ്റിക്കറുകളുമൊക്കെയുണ്ടെങ്കിൽ നമുക്ക് ഈ പരിപാടി വിജയകരമായി നടത്താവുന്നതേ ഉള്ളൂ. പരിപാടിയിൽ പങ്കെടുക്കാൻ താല്പര്യമുള്ളവർ എന്നയോ, പരിപാടിയുടെ കോഡിനേറ്ററായ അംജദിനെയോ (amjadm61(a)gmail.com) എത്രയും പെട്ടെന്ന് വിവരമറിയിക്കുമല്ലോ. പരിപാടിയുടെ വെബ്സൈറ്റ് : http://karmakmct.com/ നന്ദി. -- Netha Hussain Student of Medicine and Surgery Govt. Medical College, Kozhikode Blogs : *nethahussain.blogspot.com <http://nethahussain.blogspot.com>swethaambari.wordpress.com <http://swethaambari.wordpress.com>*

10 years, 3 months

WSDC 2014 More Details

by manoj k

സുഹൃത്തുക്കളെ, കഴിഞ്ഞ ഒരു മാസത്തിലധികമായി ഡിജിറ്റൈസേഷൻ മത്സരം 2014 നടന്നിരുന്ന അണിയറപ്രവര്‍ത്തനങ്ങള്‍ക്കും പല സ്ഥാപനങ്ങളുമായി സംസാരിയ്ക്കുമ്പോഴുള്ള അവ്യക്തകളും നീങ്ങിതുടങ്ങിയിരിക്കുന്നു. ഇതിന്റെ സംഘാടനവുമായി ബന്ധപ്പെട്ട അവ്യക്തതകളും ആരുടെ ഭാഗത്തുനിന്നും പ്രത്യേകിച്ച് ഉറപ്പുകള്‍ കിട്ടത്തതും മൂലവും ഓണ്‍ലൈന്‍ ആയി മാത്രമാണ് ഇപ്പോള്‍ മത്സരം പുരോഗമിച്ചിരുന്നത്. സൂചികാതാളുകള്‍ ഇവിടെ (http://goo.gl/ih9zmx ) ലിസ്റ്റ് ചെയ്തിട്ടുണ്ട്. ചുരുങ്ങിയ സമയം കൊണ്ട് തന്നെ 100ല്‍ അധികം പേജുകള്‍ ടൈപ്പ് ചെയ്ത് തീര്‍ന്നതും സമീപകാലങ്ങളിലെ സജീവ ഇടപെടലുകളും മത്സരത്തെ ഉപയോക്താക്കള്‍ ആവേശത്തോടെ ഇടപെടുന്നതും ഇതിന്റെ ലക്ഷണമാണ്. ബാലു തയ്യാറാക്കിയ സ്കോര്‍ബോര്‍ഡ് ( http://balasankarc.in/ProofreadingContest/index.html )ഇത് എങ്ങനെ കൂടുതല്‍ ലോജിക്ക് ആക്കാമെന്ന് ചര്‍ച്ച (http://goo.gl/m97fUL ) ചെയ്യേണ്ടതുണ്ട്. ജനുവരി 31ഓടെ ഈ പദ്ധതി തിരുന്നതിന് മുമ്പ് ഇത് ഫിക്സ് ചെയ്യേണ്ടതുണ്ട്. കേരള സാഹിത്യ അക്കാദമിയുമായി സഹകരിച്ച് 2012ല്‍ നടപ്പാന്‍ പരിശ്രമിച്ച GLAM ( https://ml.wikisource.org/wiki/WS:Kerala_Sahitya_Akademi ) പദ്ധതിയും നമ്മുടെ ഇടപെടലിന്റെ പ്രശ്നമൂലവും സാധാരണ സര്‍ക്കാര്‍ സ്ഥാപനങ്ങളിലുള്ള ചുവപ്പുനാടയുമൊക്കെ ചേര്‍ന്ന് ഇത് വിചാരിച്ചതുപോലെ നടക്കാതെ പോയി. അന്ന് ലഭിച്ച രസികരഞ്ജിനിയുടെ ലക്കങ്ങള്‍ മാത്രമാണ് വിക്കിഗ്രന്ഥശാലയ്ക്ക് ലഭിച്ച ആകെയുള്ള മെച്ചം. പല തവണ അക്കാദമിയുമായി ഇടപെടാന്‍ ശ്രമിയ്ക്കുകയും എന്തിന് RTI ഫയല്‍ ചെയ്ത് വിവരങ്ങള്‍ തേടേണ്ടിവരുന്ന അവസ്ഥയടക്കമുണ്ടായിട്ടുണ്ട്. :) CISലെ വിഷ്ണുവര്‍ദ്ധന്‍ വിക്കിസോഴ്സിന്റെ പത്താം വാര്‍ഷികത്തോടനുബന്ധിച്ച് ലോകവ്യാപകമായി നടക്കുന്ന പ്രൂഫ് റീഡിങ്ങ് മത്സരങ്ങളും ഇന്ത്യന്‍ ഭാഷകളിലെ ഏറ്റവും സജീവമായ വിക്ക്സോഴ്സ് കമ്മ്യൂണിറ്റി ആയ മലയാളം വിക്കിഗ്രന്ഥശാലയോടെ ഇതിന്റെ നടത്തിപ്പ് ഏറ്റെടുക്കാമോ എന്ന് ചോദിയ്ക്കുകയും ഈ-ബുക്ക് റീഡറുകടക്കമുള്ള സമ്മാനങ്ങള്‍ സ്പോണ്‍സര്‍ ചെയ്യുന്നതുമാണ് ഈ ഒരു കാര്യത്തിലേക്കിറങ്ങിപ്പുറപ്പെടാന്‍ ഉണ്ടായ സാഹചര്യം. വിക്കിഗ്രന്ഥശാ സിഡിയുടെ പുറത്തിറക്കലുമായി ബന്ധപ്പെട്ട ഗൂഗിള്‍പ്പ്ലസ്സിലെ അടക്കം സുഹൃത്തുക്കളുടെ സഹകരണത്തോടെ 1000നടുത്ത് പേജുകള്‍ പ്രൂഫ് റീഡ് ചെയ്ത് മത്സര രൂപത്തിലല്ലെങ്കിലും പരിപാടി നടത്തിയത് അതിന് തൊട്ടുമുമ്പുള്ള ഒക്ടോബര്‍ മാസത്തിലായിരുന്നു. 50 സജീവ ഉപയോക്താക്കളുമായി നിന്നിരുന്നത് ഇതിന് ശേഷം നിര്‍ജ്ജീവമായതും ഇങ്ങനെയുള്ള പദ്ധതികള്‍ നടത്തേണ്ടതിന്റെ ആവശ്യകതയുണ്ടെന്ന് തോന്നിപ്പിച്ചു. മുന്‍കാല പ്രാബല്യത്തോടെഈ മത്സരം നടത്താമോ എന്ന് ചോദിച്ചതിന് (http://goo.gl/3JT4be) അത് വേണ്ട, പുതിയൊരു മത്സരം നടത്തുകയാണ് നല്ലതെന്നാണ് വിഷ്ണു, സ്വകാര്യ സഭാഷണത്തില്‍ പറഞ്ഞത്. പിന്നീടുള്ള ശ്രമം ഇത് വിക്കിസംഗമോത്സവത്തിന്റെ ഭാഗമായി സംഘടിപ്പിക്കാമോ എന്നതായിരുന്നു. സാഹിത്യ അക്കാദമിയില്‍ ഇതുമായി ബന്ധപ്പെട്ട് തൃശ്ശൂരിലെ രഞ്ജിത്ത് മാഷെയും കൂട്ടി അക്കാദമി സെക്രട്ടറിലെ പോയി കണ്ടു. എന്താണ് ഉദ്ദ്യേശിക്കുന്നതെന്ന് ഒരു വെള്ള കടലാസില്‍ എഴുതിക്കൊടുക്കുകയും പിന്നീട് പദ്ധതിയുടെ വിശദവിവരങ്ങള്‍ സമര്‍പ്പിയ്ക്കാനും പറഞ്ഞു. സാഹിത്യ അക്കാദമിയുടെ ഭാഗത്തുനിന്നുണ്ടായ ഈ നല്ല പ്രതികരണങ്ങള്‍ കണ്ടപ്പോള്‍ കണ്ണന്‍ മാഷെയും ശ്രീജിത്ത് മാഷെയുമൊക്കെ ബന്ധപ്പെട്ട് ഇതിന് it@schoolമായി ബന്ധിപ്പിക്കാന്‍ കഴിയുമോ എന്നായി ശ്രമം. അക്കാദമിയ്ക്ക് എഴുതിക്കൊടുത്ത (നേരത്തെ തന്ന ഗലം പ്രോജക്റ്റിലുള്ളതിന്റെ വികസിത രൂപം) തന്നെ ഐറ്റി അറ്റ് സ്കൂളിനും കൊടുത്തു. ഡിസംബം 1 മുതല്‍ 22 വരെ നടത്താമെന്ന് വിചാരിച്ച പദ്ധതി ( http://goo.gl/tTNS1A ) വിചാരിച്ചത് പോലെ സമയബന്ധിതമായി ഫീഡ്ബാക്കുകള്‍ കിട്ടാത്തത് മൂലം പിന്നെയും വൈകി. ഗ്രന്ഥശാല ഗ്രൂപ്പിലെ ചര്‍ച്ചയില്‍ കണ്ണന്‍മാഷും അനിവറും സുഗീഷ് സുബ്രമണ്യവും ബാലുവുമെല്ലാം സജീവമായി പങ്കെടുത്തിരുന്നെങ്കിലും അതില്‍ കാര്യങ്ങളൊന്നും വ്യക്തമായി തിരുമാനിക്കാന്‍ സാധിച്ചില്ല (http://goo.gl/Ihb9yS). പഞ്ചായത്തില്‍ ചര്‍ച്ചയ്ക്ക് വച്ചുവെങ്കിലും എന്നത്തെ പോലെ അതിലും ആരും കാര്യമായൊന്നും ഇടപെട്ടില്ല ( http://goo.gl/xzqAWS ). ഇതുമായി ബന്ധപ്പെട്ട കാര്യങ്ങള്‍ പിന്നീട് വികസിച്ചത് ഇതിലെ പ്രധാനമായും പാട്നര്‍ ചെയ്യുന്ന ഗവ. സ്ഥാപനങ്ങളിലും ഇതുമായി ബന്ധപ്പെട്ട സംഘടനകളും ഇന്‍വോള്‍ ചെയ്തിട്ടാണ്. ഇതില്‍ കൂടുതല്‍ ഇടപെട്ടതോടെ ഇങ്ങനെയൊരു പദ്ധതി നടത്തിപ്പിന്റെ ഏകോപന ചുമതലയുടെ ഭാരം എന്റെ ചുമലിലേയ്ക്കെത്തി. വളരെ നാളത്തെ ആഗ്രഹമായിരുന്നു ഇങ്ങനെയൊന്ന് നടന്നുകിട്ടാന്‍. ഇതുമായി ബന്ധപ്പെട്ട ആളുകളെയെല്ലാം ഒന്നിച്ച് നിര്‍ത്തിയാല്‍ നല്ല രീതിയിലുള്ള മുന്നേറ്റമുണ്ടാമെന്ന് തോന്നി. കേരള സാഹിത്യ അക്കാദമി, ഐറ്റി അറ്റ് സ്കൂള്‍, സ്വതന്ത്രമലയാളം കമ്പ്യൂട്ടിങ്ങ്, സെന്റര്‍ ഫോര്‍ ഇന്റര്‍നെറ്റ് സൊസൈറ്റി തുടങ്ങിയവരുമായി നിരന്തരം ഫോണിലും മെയിലിലുമെല്ലാം ബന്ധപ്പെടേണ്ടിവന്നിട്ടുണ്ട്. അതിനാല്‍ തന്നെ ഒരു പരിധിയില്‍ കവിഞ്ഞ് എനിക്ക് ഓണ്‍ലൈനില്‍ പബ്ലിക്ക് ആയി അപ്ഡേറ്റ് ചെയ്യാന്‍ സാധിച്ചിരുന്നില്ല. എന്നാല്‍ ഇതുമായി സഹകരിക്കാവുന്ന വിക്കിമീഡിയരെ ഇമെയില്‍ ചരടുകള്‍ കണ്ണിയാക്കിയിരുന്നു. ചര്‍ച്ചകളുടെ അവരുടെ അഭിപ്രായങ്ങളും അറിഞ്ഞാണ് പദ്ധതി പുരോഗമിച്ചതും. സംഗമോത്സവവേദിയില്‍ വച്ച് ഇതുമായി ബന്ധപ്പെട്ട കൂടിയിരിപ്പില്‍ ചര്‍ച്ച ചെയ്യുകയും എങ്ങനെ ഇടപെടണമെന്നതിനെക്കുറിച്ച് പരസ്പരധാരണയുണ്ടാക്കുകയും ചെയ്തിരുന്നു. (കണ്ണന്‍ മാഷെടുത്ത ഫോട്ടോ http://goo.gl/iDQGE3 ) ശേഷം സംഗമോത്സവത്തിന്റെ രണ്ട് ദിവസം മുമ്പാണി അക്കാദമിയുടെ പുസ്തകശേഖരത്തിന്റെ ലിസ്റ്റ് (http://goo.gl/V4fMPO ) കിട്ടുന്നത്. ഇതില്‍ നിന്നും മലയാളം അദ്ധ്യാപകനായ രഞ്ജിത്ത് മാഷെക്കൊണ്ട് കുറച്ച് പുസ്തകങ്ങള്‍ തിരഞ്ഞെടുത്ത് കൊടുക്കുകയും സംഗമോത്സവത്തിന്റെ അന്ന് ചെല്ലാന്‍ പറഞ്ഞത് ഫോളോപ്പ് ചെയ്യാന്‍ സാധിക്കാതിരിക്കുകയും ചെയ്തു. ശേഷം കഴിഞ്ഞ ദിവസങ്ങളിലായി 55 ടൈറ്റിലുകള്‍ 22 GB ക്കടുത്ത് വരുന്ന ഡാറ്റ ഞാന്‍ പോയി കളക്റ്റ് ചെയ്തിട്ടുണ്ട്. അക്കാദമിയിലെ ഇടപെടലുകള്ക്ക് സുനിൽ പ്രഭാകറെ പോലുള്ളവരുടെ സഹായങ്ങളും ഈ സമയത്ത് വിലപ്പെട്ടതായിരുന്നു. സാഹിത്യ അക്കാദമിയില്‍ നിന്ന് ലഭിച്ച പുസ്തകങ്ങള്‍ ഇവിടെ (http://goo.gl/HVz6aV) ലിസ്റ്റ് ചെയ്തിട്ടുണ്ട്. അക്കാദമിയില്‍ പുസ്തകം വാങ്ങാന്‍ പോയ വകയില്‍ ഒരു ദിവസം മുഴുവനായി തന്നെ ചിലവാകുകയും ഹാര്‍ഡ്ഡിസ്ക്ക് അവര്‍ സ്വീകരിക്കാത്ത് മൂലം ഈ പദ്ധതിയ്ക്കായി ഒരു പുതിയ 16gb പെന്‍ഡ്രൈവ് വാങ്ങി നല്‍കുകയും ചെയ്യേണ്ടിവന്നിട്ടുണ്ട്. 11 മണിയ്ക്ക് ചെന്ന എന്നെ 5 മണി വരെ ഇത് ലഭിക്കുന്നതിന് വേണ്ടി കാത്തുനിര്‍ത്തിയെങ്കിലും ജീവനക്കാരെല്ലാം നല്ലരീതിയിലാണ് പെരുമാറിയത്. ഓഡിറ്റ് ഒബ്ജക്ഷനും മറ്റുമുള്ളതിനാല്‍ വാട്ടര്‍മാക്കില്ലാത്ത സ്കാനുകള്‍ തരുന്നതില്‍ ബുദ്ധിമുട്ടുകളുണ്ടെന്ന് സെക്രട്ടറി നേരിട്ടു തന്നെ പറഞ്ഞിരുന്നു. പദ്ധതിയില്‍ പങ്കുചേരുകയും പുസ്തകങ്ങള്‍ നല്‍കിയതൊഴിച്ച് സാഹിത്യ അക്കാദമി ഉറപ്പുകളൊന്നും ഇപ്പോള്‍ നല്‍കിയിട്ടില്ല. കൂടുതല്‍ സമ്മാനങ്ങളും പങ്കെടുക്കുന്ന സ്കൂളുകള്‍ക്ക് നിര്‍ബന്ധമായും പുസ്തകക്കെട്ടുകള്‍ മുതലായവ സമ്മാനിയ്ക്കണമെന്നുമൊക്കെ സെക്രട്ടറി പറഞ്ഞതനുസരിച്ച് അപേക്ഷ എഴുതിക്കൊടുത്തിട്ടുണ്ട്. ജനുവരി 10ന് മാത്രമേ അവരുടെ കമ്മറ്റി കൂടി ഇതിലെന്തെങ്കിലും അപ്ഡേറ്റ് കിട്ടൂ. വിക്കിഗ്രന്ഥശാലയാണ് ഇതിന്റെയൊക്കെ പ്രധാന ഗുണഭോക്താവ് എന്നതുകൊണ്ടും ഡിസിഷന്‍ തിരുമാനിയ്ക്കുന്നതില്‍ പ്രത്യേകിച്ച് റോളുകളൊന്നുമില്ലാത്തതുകൊണ്ടും ഇതിലെ പ്രധാനപ്പെട്ടവരെ കോര്‍ ഗ്രൂപ്പില്‍ ചേര്‍ത്തുകൊണ്ടും ഇതുമായി സഹകരിക്കുന്നവരുമായൊക്കെ ഉള്‍ക്കൊള്ളിച്ച് സംഘാടനസമിതി ഉണ്ടാക്കുകയാണ് ചെയ്തത്. എനിക്ക് ചെയ്യാന്‍ കഴിയുന്നതിന്റെ പരമാവധി ഉപയോഗിച്ച് തന്നെ ഇത് മുന്നോട്ട് കൊണ്ടുപോകാന്‍ ശ്രമിച്ചിട്ടുണ്ട്. ഇതേ സമയം ഐറ്റി അറ്റ് സ്കൂളിലെ കാര്യവും ഒരു രൂപമായിരുന്നില്ല. ശ്രീജിത്ത് മാഷുടേയും കണ്ണന്‍ മാഷുടേയും നേതൃത്വത്തില്‍ ഹസനാര്‍ മാഷ്, ടോണിമാഷ് തുടങ്ങിയവരൊക്കെ ഇടപെട്ടിട്ടാണ് ഇത് പുരോഗമിച്ചിരുന്നത്. ഐറ്റി അറ്റ് സ്കൂള്‍ ഇതില്‍ എന്ത് ചെയ്യുമന്നെതിന്റെ കാര്യങ്ങളില്‍ ഉറപ്പുകള്‍ കിട്ടാത്തത് മൂലം പങ്കാളിത്തം മാത്രമേ അനൗണ്‍സ് ചെയ്തിരുന്നുള്ളു. ഐറ്റി അറ്റ് സ്ക്കൂളിന്റെ ഔദ്ദ്യൊഗിക പങ്കാളിത്തം (ലോഗോ/പേര് ഉപയോഗിക്കാന്‍) അനുമതി കിട്ടിയില്ലെങ്കിലും ഗ്രന്ഥശാലയോടെ സഹകരിക്കുന്ന സ്കൂളുകളെ ഉള്‍പ്പെടുത്തി ഈ പദ്ധതി മുന്നോട്ട് കൊണ്ടുപോകാവുന്ന ആത്മവിശ്വാസം തന്ന മാഷുമ്മാരാണ് നമ്മുടെ ശക്തി. ഇന്നലെ രാത്രി ശ്രീജിത്ത് മാഷുടെ അപ്ഡേറ്റ് അനുസരിച്ച് ഈ പ്രോജക്റ്റ് ഐറ്റി അറ്റ് സ്കൂള്‍ സഹകരിക്കാമെന്ന് തിരുമാനിയ്ക്കുകയും സര്‍ക്കുലര്‍ പുറത്തിറക്കാനുള്ള നടപടികളെടുക്കുകയും ഇതിനായി ഓരോ ജില്ലയില്‍ നിന്നുള്ള മാസ്റ്റര്‍ ട്രൈയിനേഴ്സിനായുള്ള പരിശീലനപരിപാടിയ്ക്കുള്ള സാമ്പത്തികമനുവദിയ്ക്കുകയും ചെയ്തിട്ടുണ്ടെന്ന സന്തോഷവാര്‍ത്തയാണുള്ളത്. ഇതിന് പിന്നില്‍ പ്രവര്‍ത്തിച്ചവര്‍ക്ക് അഭിനന്ദനങ്ങള്‍ അറിയ്ക്കുന്നു. ഇങ്ങനെ ഒരു തിരുമാനമുണ്ടായത് മൂലം നമുക്ക് ഇപ്പോള്‍ ലഭ്യമായിരിക്കുന്ന 13800 താളുകള്‍ മതിയാകില്ലെന്ന സ്ഥിവിശേഷമാണുള്ളത്. ഇതിന്റെ ട്രൈയ്നിങ്ങ് വര്‍ക്ക്ഷോപ്പിനുള്ള അധിക ബാധ്യതയ്ക്കുള്ള പണം കണ്ടെത്താന്‍ പലരേയും വിളിച്ചിരുന്നു. ഐറ്റി അറ്റ് സ്കൂൾ തന്നെ ഇതിനുള്ള സോഴ്സ് കണ്ടെത്തിയെന്നത് വളരെ വലിയൊരു ഭാരം ഒഴിവാക്കി. ഇതിന്റെ നിയന്ത്രണവും ഏകോപനവും ഐടി അറ്റ്‌ സ്കൂൾ തന്നെ നിർവഹിക്കുന്നതാണ്. അടിസ്ഥാനവിവരങ്ങളുൽക്കൊള്ളുന്ന ഒരു കൈപ്പുസ്തകം ഡിജിറ്റൽ രൂപത്തിൽ നമ്മൾ തയ്യാറാക്കി കൊടുക്കെന്ടതുണ്ട് . SMC യുടെ പ്രതിനിധിയായ അനിവറുമായി സംസാരിച്ചതനുസരിച്ച് വ്യക്തിഗത മത്സരത്തിനായുള്ള സമ്മാനങ്ങള്‍ സ്പോണ്‍സര്‍ ചെയ്യാന്‍ ശ്രമിയ്ക്കാമെന്ന് പറയുകയും ഋഷിയും ബാലുവുമടങ്ങുന്ന ടീം സാങ്കേതികപരമായ കാര്യങ്ങള്‍ എഡിറ്റ് കൗണ്ട് ടൂളുണ്ടാക്കണമെന്നതും മറ്റും ചെയ്ത് തരാമെന്ന് പറയുകയും നടപ്പാകുകയും ചെയ്തു. പദ്ധതിയുടെ മുന്നോട്ട് പോക്കിലും മറ്റും ഇവരൊക്കെ എനിക്ക് തരുന്ന സപ്പോര്‍ട്ടും മാനസിക പിന്തുണയും ഈ ഘട്ടത്തില്‍ വളരെ വലുതായിരുന്നു. CIS ലെ വിഷ്ണുവര്‍ദ്ധന്‍ വാഗ്ദാനം ചെയ്ത ഇ-ബുക്ക് റീഡറും സ്കാനറും മാത്രമാണ് നിലവിലുള്ള സമ്മാനങ്ങളില്‍ ഉള്ളത്. കൂടുതല്‍ കാര്യങ്ങള്‍ക്കായി സമീപിച്ചിട്ടെങ്കിലും മറുപടിയൊന്നും കിട്ടിയിട്ടില്ല. ജനുവരി 31ന് മത്സരം തീരുകയാണെങ്കില്‍ തൃശ്ശൂരില്‍ വച്ച് നടക്കുന്ന സാഹിത്യ അക്കാദമി പുസ്തകോത്സവ വേദിയില്‍ 2012ല്‍ നടന്നതുപോലെ ഒരു വിക്കിയ്ക്കായി അരദിവസത്തെ വേദിയും പൊതുപരിപാടിയും അക്കാദമിയുടെ ചിലവില്‍ തന്നെ ചെയ്യാമെന്ന് സെക്രട്ടറി ഇങ്ങോട്ട് സജഷന്‍ തന്നിട്ടുണ്ട്. ഇതിന്റെ നടത്തിപ്പുമായി ബന്ധപ്പെട്ട് ഇതുവരെ ആയിരത്തിലധികം രൂപ എന്റെ കയ്യില്‍ നിന്ന് ചിലവായതൊഴിച്ച് ഇനി കൂടുതല്‍ സാമ്പത്തിക ബാധ്യതകള്‍ ഉണ്ടാകാനിടയില്ല. സാമ്പത്തിക ചിലവുകള്‍ വരുന്നത് അതാത് സ്ഥാപനങ്ങള്‍ വഹിക്കുന്ന രീതിയിലാണ് മുന്നോട്ട് പോയ്ക്കൊണ്ടിരിക്കുന്നത്. ഇതില്‍ കുറച്ച് പണം ആവശ്യം വരികയാണെങ്കില്‍ കൈയ്യില്‍ നിന്ന് ചിലവാക്കാന്‍ സന്മനസ്സുള്ളവരുമുണ്ട് എന്നത് കമ്മ്യൂണിറ്റിയെ സംബന്ധിച്ച് നല്ല കാര്യമാണ്. കൂടുതല്‍ സമ്മാനങ്ങള്‍ സ്പോണ്‍സര്‍ ചെയ്യുന്നതിനായി ഇന്ദുലേഖ.കോമിനേപ്പോലുള്ളരുമായും തൃശ്ശൂരിലെ പുസ്തകക്കടകളുമായും ബന്ധപ്പെടാന്‍ ശ്രമിയ്ക്കുന്നുണ്ട്. സഹായിക്കാന്‍ പറ്റുന്നവര്‍ എനിയ്ക്ക് എഴുതുമല്ലോ. അല്ലെങ്കില്‍ വിക്കിയിലോ ലിസ്റ്റിലോ ഇട്ടാലും മതിയാകും. മലയാളം വിക്കിപീഡിയയുടെ പ്രചരണത്തിനായി വലിയ രീതിയില്‍ നമ്മള്‍ ശിബിരങ്ങളും മറ്റും നടത്തി ഓണ്‍ലൈന്‍ കമ്മ്യൂണിറ്റി സ്ട്രെങ്ങ്ത്ത് വര്‍ദ്ധിപ്പിക്കാന്‍ ശ്രമിയ്ക്കുന്നുണ്ടെങ്കിലും വിക്കിഗ്രന്ഥശാലയെ കാര്യമായി ശ്രദ്ധിക്കുന്നില്ല എന്നതാണ് വിക്കിസമുഹത്തിന് പൊതുവായി എനിക്ക് അനുഭവപ്പെട്ടിട്ടുള്ളത്. പുതുതായി എത്തുന്ന ഉപയോക്താക്കള്‍ക്ക് ഏറ്റവും നന്നായി കോണ്ട്രിബ്യൂട്ട് ചെയ്ത് പഠിക്കാന്‍ ഉതകുന്ന ഒരു പ്ലാറ്റ് ഫോം എന്ന നിലയില്‍ ഇത് വേണ്ടത്ര ഉപയോഗിക്കപ്പെടുന്നില്ല. ആലുവ യുസി കോളേജില്‍ വച്ച് സംഘടിപ്പിച്ച ശിബിരത്തില്‍ മാത്രമാണ് ഗ്രന്ഥശാലയെ കാര്യമായി നമ്മള്‍ എടുത്തത്. സ്കൂള്‍ വിദ്യാര്‍ഥികളുടെ പദ്ധതികള്‍ നിരവധി നടക്കുന്നുണ്ടെങ്കിലും അത് വേണ്ടത്ര തലത്തിലേക്ക് വ്യാപിപ്പിക്കുന്നില്ല. ഇങ്ങനെയൊക്കെ യുള്ള ഒരു സാഹചര്യത്തിലാണ്ഈ ഒരു പദ്ധതിയുടെ പ്രസക്തി. വിക്കിസംരംഭങ്ങളിലേക്ക് കൂടുതല്‍ ഉപയോക്താക്കളെ എത്തിയ്ക്കുന്നതിലും ഒ.സി.ആര്‍ അടക്കമുള്ള സാങ്കേതിക വികാസം മലയാളഭാഷയ്ക്കായി വരുന്നത് വരെ ഇങ്ങനെയുള്ള പ്രവര്‍ത്തനങ്ങള്‍ നടത്തേണ്ടതുണ്ട്. വിക്കിസോഴ്സിന്റെ പത്താം വാര്‍ഷികമാഘോഷിക്കുന്നഈ വേളയില്‍ ഇങ്ങനെ ഒരു മത്സരം സംഘടിപ്പിക്കാന്‍ ഒപ്പം ചേര്‍ന്ന് നില്‍ക്കാന്‍ കഴിഞ്ഞതില്‍ അതിയായ സന്തോഷമുണ്ട്. ഇപ്പോള്‍ സമീപകാലമാറ്റങ്ങളില്‍ കാണുന്ന പുതിയ ഉപയോക്താക്കള്‍ തന്നെ ഇതിന്റെ കാരണം. സമയമില്ലാത്തതുകൊണ്ടോ താല്പര്യമില്ലാത്തത് കൊണ്ടോ ആണോ എന്നറിയില്ല വിക്കിയിലെ പലരും ഈ പദ്ധതിയില്‍ നിന്ന് മാറി നില്‍ക്കുന്നതായി ശ്രദ്ധിച്ചു. ഏവരേയും ക്ഷണിയ്ക്കുകയാണ്. ഒരുമിച്ച് നിന്ന് മലയാളം വിക്കിസമൂഹത്തിനായി പുതിയ നാഴികക്കല്ലുകള്‍ തീര്‍ക്കാന്‍.. വിശ്വസ്ഥതയോടെ, സ്വന്തം മനോജ്

10 years, 3 months

ഗ്രന്ഥശാല ഡിജിറ്റൈസേഷൻ മത്സരം - സ്കോർബോർഡ്

by ബാലശങ്കർ സി

വിക്കിഗ്രന്ഥശാല ഡിജിറ്റൈസേഷൻ മത്സരം<https://ml.wikisource.org/wiki/%E0%B4%B5%E0%B4%BF%E0%B4%95%E0%B5%8D%E0%B4%9…>ഇന്നലെ തുടങ്ങിയ വിവരം അറിഞ്ഞു കാണുമല്ലോ.മലയാളത്തിലെ പകര്‍പ്പാവകാശകാലാവധി കഴിഞ്ഞ ഗ്രന്ഥങ്ങളുടെ സംഭരണവും ഡിജിറ്റൽ രൂപത്തിൽ യൂണിക്കോഡിൽ ലഭ്യമാക്കലും കൂടുതൽ ജനകീയമാക്കുന്നതിന്റെ ഭാഗമായിട്ടാണ് ഈ ,മത്സരം നടത്തുന്നത്. മലയാളഗ്രന്ഥങ്ങളുടെ ഡിജിറ്റൽ രംഗത്തെ ലഭ്യത വർദ്ധിപ്പിക്കുകയാണ് ലക്ഷ്യം. ആദ്യഘട്ടത്തില്‍ പദ്ധതിയിൽ ഉൾപെടുത്തിയിരിക്കുന്ന പുസ്തകങ്ങൾ ഇവയാണു് - സൂചിക:A Grammer of Malayalam 1863.pdf<https://ml.wikisource.org/wiki/%E0%B4%B8%E0%B5%82%E0%B4%9A%E0%B4%BF%E0%B4%9…> - സൂചിക:Samkshepavedartham 1772.pdf<https://ml.wikisource.org/wiki/%E0%B4%B8%E0%B5%82%E0%B4%9A%E0%B4%BF%E0%B4%9…> - സൂചിക:Malayalam New Testament complete Gundert 1868.pdf<https://ml.wikisource.org/wiki/%E0%B4%B8%E0%B5%82%E0%B4%9A%E0%B4%BF%E0%B4%9…> - സൂചിക:കവിഭാരതം (മണിപ്രവാളം) 1893<https://ml.wikisource.org/wiki/%E0%B4%B8%E0%B5%82%E0%B4%9A%E0%B4%BF%E0%B4%9…> - സൂചിക:രസികരഞ്ജിനി, വോല്യം 2 ഭാഗം 1<https://ml.wikisource.org/wiki/%E0%B4%B8%E0%B5%82%E0%B4%9A%E0%B4%BF%E0%B4%9…> - സൂചിക:രസികരഞ്ജിനി, വോല്യം 2 ഭാഗം 2<https://ml.wikisource.org/wiki/%E0%B4%B8%E0%B5%82%E0%B4%9A%E0%B4%BF%E0%B4%9…> - സൂചിക:രസികരഞ്ജിനി, വോല്യം 2 ഭാഗം 3<https://ml.wikisource.org/wiki/%E0%B4%B8%E0%B5%82%E0%B4%9A%E0%B4%BF%E0%B4%9…> - സൂചിക:രസികരഞ്ജിനി, വോല്യം 2 ഭാഗം 4<https://ml.wikisource.org/wiki/%E0%B4%B8%E0%B5%82%E0%B4%9A%E0%B4%BF%E0%B4%9…> - സൂചിക:രസികരഞ്ജിനി, വോല്യം 2 ഭാഗം 6<https://ml.wikisource.org/wiki/%E0%B4%B8%E0%B5%82%E0%B4%9A%E0%B4%BF%E0%B4%9…> ആദ്യ ദിനം കഴിഞ്ഞപ്പോൾ, *97 താളുകൾ* ടൈപ്പ് ചെയ്തു് കഴിഞ്ഞിരിക്കുന്നു. സുഗീഷ് ജി സുബ്രഹ്മണ്യം, ജയ്ദീപ് റോഡ്രിഗസ് എന്നിവരാണു് ആദ്യ രണ്ട് സ്ഥാനങ്ങളിൽ. സ്കോർബോർഡ് തത്കാലം ഇവിടെ കാണാം - http://balasankarc.in/ProofreadingContest/index.html താളുകൾ ആപേക്ഷികമായതു് കൊണ്ട് തൽക്കാലം അക്ഷരങ്ങളുടെ എണ്ണം വെച്ചാണു് സ്ഥാനം നിർണ്ണയിച്ചിരിക്കുന്നതു്. കൂടുതൽ നല്ല നിർദ്ദേശങ്ങളുടണ്ടെങ്കിൽ തീർച്ചയായും ഇവിടെ പറയൂ - https://ml.wikisource.org/wiki/%E0%B4%B5%E0%B4%BF%E0%B4%95%E0%B5%8D%E0%B4%9… മത്സരത്തിൽ ഏവരും പങ്കെടുക്കണമെന്ന് ഒരിക്കൽ കൂടി അഭ്യർത്ഥിക്കുന്നു. Regards, Balasankar C http://balasankarc.in "Freedom is never easily won, but once established, freedom lasts, spreads and chokes out tyranny." - Trent Lott

10 years, 3 months

WS2014 - മലയാഴ്മയുടെ വ്യാകരണം (1863)

by manoj k

*വിക്കിഗ്രന്ഥശാല:ഡിജിറ്റൈസേഷൻ മത്സരം 2014* മലയാളത്തിലെ കോപ്പിറൈറ്റ് കാലാവധി കഴിഞ്ഞ ഗ്രന്ഥങ്ങളുടെ സംഭരണവും ഡിജിറ്റൽ രൂപത്തിൽ യൂണിക്കോഡിൽ ലഭ്യമാക്കലും കൂടുതൽ ജനകീയമാക്കുന്നതിന്റെ ഭാഗമായി മലയാളം വിക്കിസമൂഹത്തിന്റെ മുൻകൈയിൽ സെന്റർ ഫോർ ഇന്റർനെറ്റ് ആൻഡ് സൊസെറ്റി (CIS-A2K), കേരള സാഹിത്യ അക്കാദമി, ഐറ്റി @ സ്കൂൾ പദ്ധതി, സ്വതന്ത്ര മലയാളം കമ്പ്യൂട്ടിങ്ങ് തുടങ്ങിയ സ്ഥാപനങ്ങളുടെയും സംഘടനകളുടേയും സംയുക്താഭിമുഖ്യത്തില്‍ ഒരു ഡിജിറ്റൈസേഷന്‍ മത്സരം സംഘടിപ്പിക്കുന്നു. 2014 ജനുവരി ഒന്നിനു് തുടങ്ങി, 31 വരെ ഒരു മാസം നീണ്ടുനിൽക്കുന്ന ഈ മത്സരത്തിൽ ഏറ്റവും കൂടുതൽ ടൈപ്പിങ്ങും പ്രൂഫ്‌റീഡിങ്ങും ചെയ്യുന്ന വ്യക്തികൾക്കും സ്കൂളുകൾക്കും പ്രോത്സാഹനമായി ഇബുക്ക് റീഡറുകളും ടാബ്ലറ്റുകളും പുസ്തകങ്ങളും അടക്കം നിരവധി സമ്മാനങ്ങൾ ഉണ്ടാവും . പദ്ധതിതാള്‍ : https://ml.wikisource.org/wiki/WS:DC2014 #ws2014<https://plus.google.com/s/%23ws2014> ടൈപ്പ് ചെയ്ത് ഡിജിറ്റല്‍ മുക്തിലഭിയ്ക്കാന്‍ കാത്തുകിടക്കുന്ന മറ്റു പുസ്തകങ്ങള്‍ http://goo.gl/AQNEKU. പങ്കെടുക്കുന്നതിന് മുമ്പ് http://goo.gl/gXfXzo രജിസ്റ്റര്‍ ചെയ്യാന്‍ മറക്കരുത്. വിക്കിയില്‍ തിരുത്തുമ്പോഴും ലോഗിന്‍ ആണ് എന്ന് ഉറപ്പുവരുത്തുക. ഇതിന്റെ ഭാഗമായി ഡിജിറ്റൈസ് ചെയ്യുന്ന ആദ്യ പുസ്തകം:- ഒരു മലയാളി പൂർണ്ണമായി മലയാളത്തിൽ എഴുതിയ ആദ്യത്തെ മലയാള വ്യാകരണഗ്രന്ഥമാണ് *മലയാഴ്മയുടെ വ്യാകരണം* (1863) രചയിതാവ് : *റഫ. ജോർജ് മാത്തൻ* വര്‍ഷം : *1863* പ്രസാധകർ : *COTTAYAM: C. M. PRESS.* 1851-ൽ ഗുണ്ടർട്ട് വ്യാകരണത്തിന്റെ ആദ്യഭാഗം പ്രസിദ്ധീകരിക്കുന്നതിനു മുൻപു തന്നെ എഴുതി പൂർത്തിയാക്കി അച്ചടിക്കായി നൽകിയെങ്കിലും 1863-ൽ മാത്രമാണ് ഗ്രന്ഥം പുറത്തു വന്നത്. പ്രിഫേസ് മാത്രം ഇംഗ്ലീഷിലാണ്. 1852-ൽ മാനുസ്കൃപ്റ്റിനെപ്പറ്റി ഹെന്റീ ബേക്കർ (സീനിയർ) അടക്കമുള്ളവർ എഴുതിയ നോട്ടുകളും ആമുഖത്തിന്റെ ഭാഗമായി ചേർത്തിട്ടുണ്ട്. A Grammar of Malayalam in The Language Itself എന്ന് ഗ്രന്ഥനാമം ഇംഗ്ലീഷിലും കൊടുത്തിട്ടുണ്ട്.അക്ഷര ലക്ഷണം, പദലക്ഷണം എന്നീ രണ്ടു കാണ്ഡങ്ങളാണ് കൃതിക്കുള്ളത്. ഒന്നാം കാണ്ഡത്തിൽ അക്ഷര സംജ്ഞകളും സന്ധികളും വിശദീകരിക്കപ്പെട്ടിരിക്കുന്നു. രണ്ടാം കാണ്ഡത്തിൽ നാമം, വചനം, അവ്യയം എന്നിവയെപ്പറ്റീയും പ്രതിപാദിക്കുന്നു. പുസ്തകത്തിന്റെ സൂചികാതാളിലേയ്ക്കുള്ള കണ്ണി: https://ml.wikisource.org/wiki/Index:A_Grammer_of_Malayalam_1863.pdf പുസ്തകം അയച്ചുതന്ന സുനില്‍ പ്രഭാകറിന് പ്രത്യേകം നന്ദി രേഖപ്പെടുത്തുന്നു. പദ്ധതിയുടെ ഏകോപനസമിതിയ്ക്ക് വേണ്ടി Manoj.K/മനോജ്.കെ 9495576262 / 9495513874 www.manojkmohan.com

10 years, 3 months

Fwd: കേരളസാഹിത്യ ചരിത്രം

by Shiju Alex

സായാഹ്ന ഫൗണ്ടേഷനുമായി ബന്ധപ്പെട്ട് പ്രവർത്തിക്കുന്ന സന്നദ്ധപ്രവർത്തകർ ഉള്ളൂരിന്റെ സാഹിത്യചരിത്രം (ഒന്നും രണ്ടും ഭാഗങ്ങൾ) സമ്പൂർണ്ണമായി ടൈപ്പ് ചെയ്ത് എടുത്തിരിക്കുന്നു. അതിന്റെ യൂണിക്കോഡ് പതിപ്പ്<http://ml.sayahna.org/index.php/%E0%B4%95%E0%B5%87%E0%B4%B0%E0%B4%B3%E0%B4%…>ഇവിടെ കാണാം. അതുപയോഗിച്ച് നിർമ്മിച്ച ഇ-ബുക്കുകൾ ഇവിടെയും ( http://books.sayahna.org/ml/pdf/ulloor-vol-1.pdf , http://books.sayahna.org/ml/pdf/ulloor-vol-2.pdf)<http://books.sayahna.org/ml/pdf/ulloor-vol-2.pdf> യൂണിക്കോഡ് പതിപ്പ് വിക്കിഗ്രന്ഥശാലയിൽ ചേർക്കമെങ്കിലും പ്രസ്തുത കൃതികളുടെ പകർപ്പവകാശപ്രശ്നം ഇല്ലാത്ത സ്കാൻ ഗ്രന്ഥശാലയിൽ ഇല്ലാത്തത് ഒരു കുറവാണ്. അത് പരിഹരിക്കപ്പെടും എന്ന് കരുതുന്നു. ഷിജു ---------- Forwarded message ---------- From: Radhakrishnan CV <cvr(a)sayahna.org> Date: 2014/1/1 Subject: കേരളസാഹിത്യ ചരിത്രം പ്രിയ സുഹൃത്തുക്കളെ, മുമ്പ് പറഞ്ഞിരുന്നതുപോലെ, ഉള്ളൂരിന്റെ സാഹിത്യചരിത്രത്തിന്റെ ആദ്യ രണ്ട് ഭാഗങ്ങൾ ഇന്ന് പ്രസിദ്ധീകരിച്ചിരിക്കുന്നു. ഇപ്പോഴത്തെ അറിവുകളനുസരിച്ച്, ഇവ രണ്ടും മാത്രമേ പൊതുസഞ്ചയത്തിലായിട്ടുള്ളു. മറ്റു ഭാഗങ്ങളെക്കുറിച്ച് കൃത്യമായ, വിശ്വസനീയമായ ബിബ്ലിയോഗ്രാഫിക് വിവരമുള്ളവർ ദയവായി പങ്കുവെക്കുക. താഴെക്കൊടുത്തിരിക്കുന്ന കണ്ണികളിൽ ലഭ്യമാണ്: പിഡിഎഫ്: http://books.sayahna.org/ml/pdf/ulloor-vol-1.pdf http://books.sayahna.org/ml/pdf/ulloor-vol-2.pdf മീഡിയവിക്കി: http://ml.sayahna.org/index.php/%E0%B4%95%E0%B5%87%E0%B4%B0%E0%B4%B3%E0%B4%… പുസ്തകത്തിന്റെ ആമുഖം കാണുക: 2014-ല്‍ ആണ് മഹാകവി ഉള്ളൂരിന്റെ കേരളസാഹിത്യചരിത്രത്തിന്റെ ആദ്യത്തെ രണ്ട് ഭാഗങ്ങള്‍ പൊതുസഞ്ചയത്തിലാകുന്നത്. അപ്പോള്‍ തന്നെ ഈ മഹദ്ഗ്രന്ഥത്തിന്റെ പകര്‍പ്പവകാശപരിധിക്ക് പുറത്തായ ഭാഗങ്ങള്‍ വിവിധ ഇലക്ട്രോണിക് രൂപങ്ങളില്‍ പ്രസിദ്ധീകരിക്കണമെന്നത് ഞങ്ങളുടെ നീണ്ട കാലത്തെ ആഗ്രഹമായിരുന്നു. ഈ പുതുവത്സരദിനത്തില്‍ തന്നെ ആദ്യത്തെ രണ്ട് ഭാഗങ്ങള്‍ പുറത്തിറക്കുവാന്‍ കഴിഞ്ഞതില്‍ അങ്ങേയററം ചാരിതാര്‍ത്ഥ്യമുണ്ട്. വെറും പതിനഞ്ചില്‍ താഴെ മാത്രം സജീവപ്രവര്‍ത്തകരുടെ ഏതാനും മാസത്തെ പരിശ്രമമാണ് ഇത് സാദ്ധ്യമാക്കിയത്. അപ്പോള്‍ കുറെയധികം മനുഷ്യരുടെ സഹകരണമുണ്ടെങ്കില്‍ എന്തുമാത്രം പുസ്തകങ്ങള്‍ നമ്മുടെ വായനക്കാരിലേയ്ക്ക് എത്തിക്കാനാവുമെന്ന് ചിന്തിക്കുക. ഡിജിറ്റൈസേഷന് വിക്കിസോഴ്സിന്റെ മാതൃകയാണ് ഞങ്ങള്‍ സ്വീകരിച്ചത്. എന്‍‌ട്രിക്കും, തെറ്റ് തിരുത്തലിനും, സാങ്കേതികപിഴവുകള്‍ ഇല്ലായ്മ ചെയ്യാനും മീഡിയവിക്കിയും അതിന്റെ അനുബന്ധ സോഫ്റ്റ്‌വെയറുകളുമാണ് ഞങ്ങള്‍ ആശ്രയിച്ചത്. സ്വതന്ത്രസോഫ്റ്റ്‌വെയര്‍ പക്ഷപാതികളായ ഞങ്ങളുടെ കമ്പ്യൂട്ടിങ്ങ് ദര്‍ശനങ്ങളോട് ഇതൊക്കെ വളരെ യോജിക്കുന്നതുമായിരുന്നു. സ്വതന്ത്ര ടൈപ്‌സെറ്റിങ്ങ് സംവിധാനമായ ടെക് (TeX) ആണ് പിഡി‌എഫ്, ഈപബ് എന്നി ഇലക്ട്രോണിക് രൂപങ്ങളുടെ നിര്‍മ്മിതിക്ക് ഉപയോഗിച്ചത്. ഇത്രയുമൊക്കെയാവുമ്പോള്‍ ലിനക്സ് തന്നെയായിരിക്കും ഓപ്പറേറ്റിങ്ങ് സിസ്റ്റമെന്ന് ഊഹിച്ചിരിക്കുമല്ലോ. മലയാള ഭാഷയിലെ ശുഷ്ക്കമായ പൊതുസഞ്ചയ ഡിജിറ്റല്‍ രൂപങ്ങളുടെ പട്ടിക അല്പം കൂടി വലുതാക്കാന്‍ ഈ സംരംഭം സഹായിക്കുമെന്ന് ഞങ്ങള്‍ കരുതുന്നു. കൂടുതല്‍ സന്നദ്ധപ്രവര്‍ത്തകരെ ഈ സംരഭത്തിന് ആകര്‍ഷിക്കുവാന്‍ കഴിഞ്ഞാല്‍ കൂടുതല്‍ നല്ല പുസ്തകങ്ങള്‍ വായനക്കാര്‍ക്ക് എത്തിക്കുവാനാവും, മറ്റ് ഇന്ത്യന്‍ ഭാഷകള്‍ക്ക് മാതൃകയാവാനും, മലയാളത്തിന്റെ ശ്രേഷ്ഠഭാഷാപദവി കൂടുതല്‍ അന്വര്‍ത്ഥമാക്കാനും അതുമൂലം നമുക്ക് കഴിയും. ഈ പരിശ്രമത്തില്‍ സജീവമായി പങ്കെടുത്ത സര്‍വശ്രീ ജി. രജീഷ്, ടി. ഋഷി, എസ്.എ. ശ്രീദേവി, എസ്. വിജയലക്ഷ്മി, ജി.എസ്. വിദ്യ, പി.എന്‍. വിജയന്‍, ബി. ഭാവന, എസ്. അജിത്, ലിസി മഹേഷ്, ധന്യ, പ്രഭ ക്രിസ്റ്റി, ഷീല സുകുമാരന്‍ എന്നിവരോടുള്ള നിസ്സീമമായ കടപ്പാട് രേഖപ്പെടുത്തിക്കൊള്ളട്ടെ. -- രാധാകൃഷ്ണന്‍ <https://maps.google.com/maps/place?cid=3748532478409855227> സായാഹ്ന ഫൗണ്ടേഷന്‍<https://maps.google.com/maps/place?cid=3748532478409855227>

10 years, 3 months

വിക്കിപീഡിയ വാര്‍ഷിക റിപ്പോര്‍ട്ട്

by Adv. T.K Sujith

പ്രിയരേ, ഒരു വയസ്സുകൂടിയിരിക്കുന്നു, മലയാളം വിക്കിപീഡിയയ്ക്. കഴിഞ്ഞവര്‍ഷം എന്തൊക്കെ ചെയ്തു എന്ന് ഓര്‍മ്മിക്കുന്നത് സന്തോഷം തരും. ഒപ്പം ചെയ്യാതെപോയതിനെ ഓര്‍ത്ത് വേവലാതിപ്പെടുകയുമാവാം. *മലയാളം വിക്കിപീഡിയയുടെ 2013 ലെ വാര്‍ഷിക റിപ്പോര്‍ട്ട് <https://ml.wikipedia.org/wiki/%E0%B4%B5%E0%B4%BF%E0%B4%95%E0%B5%8D%E0%B4%95…>* നമുക്ക് ഇവിടെ രേഖപ്പെടുത്താം. വിക്കിസംഗമോത്സവത്തിന്റെ റിപ്പോര്‍ട്ട്<https://ml.wikipedia.org/wiki/%E0%B4%B5%E0%B4%BF%E0%B4%95%E0%B5%8D%E0%B4%95…>തയ്യാറാക്കുവാന്‍ അഭ്യര്‍ത്ഥിച്ച് അയച്ച മെയില്‍ പോലെ ആവില്ല ഇതെന്ന് വെറുതേ ആശിച്ചുകൊണ്ട്... പുതുവത്സരാശംസകള്‍ നേര്‍ന്നുകൊണ്ട്, റിപ്പോര്‍ട്ട് തയ്യാറാക്കല്‍ ചടങ്ങിന് തുടക്കമിട്ട ഷിജു അലക്സിന് നന്ദി പറഞ്ഞുകൊണ്ട്.... അഡ്വ. ടി.കെ. സുജിത് -- Adv. T.K Sujith | *അഡ്വ. ടി.കെ സുജിത്* Alappuzha, Kerala | *ആലപ്പുഴ, കേരളം* 09846012841

10 years, 3 months

വിക്കി ഗ്നു/ലിനക്സ്‌

by kannan shanmugam

സുഹൃത്തുക്കളെ, ആലപ്പുഴെ നടക്കുന്ന വിക്കി സംഗമോത്സവുമായി ബന്ധപ്പെട്ട് ഉബുണ്ടു 12.04 നെ അടിസ്ഥാനപ്പെടുത്തി വിക്കി ഉപയോക്താക്കള്‍ക്കു അധികം ഉപയോഗിക്കേണ്ടി വരുന്ന ആപ്ലിക്കേഷനുകള്‍ ഉള്‍പ്പെടുത്തി ഒരു ലിനക്സ് ഡിസ്ട്രിബ്യൂഷന്‍ തയ്യാറാക്കാന്‍ ആലോചിച്ചിരുന്നു. കൊല്ലത്തെ അഖില്‍കൃഷ്ണന്റെ നേതൃത്ത്വത്തിലാണ് ഇതു സംബന്ധിച്ച ശ്രമങ്ങള്‍ മുന്നോട്ടു പോയത്. ഇപ്പോള്‍ ഇതു പൂര്‍ത്തിയായിട്ടുണ്ട്. രാജേഷ് ഒടയഞ്ചാലും സുഗീഷും കൂടി മനോഹരമായ ഒരു ലേബലും സിഡി കവറും നിര്‍മ്മിച്ചിട്ടുണ്ട്. ഐ.ടി@ സ്കൂളിലെ (മലപ്പുറം)ഹക്കീം മാഷാണ് (സി.പി.അബ്ദുൾ ഹക്കീം) ഇതിനുള്ള സാങ്കേതിക സഹായങ്ങൾ നൽകിയത്. വിക്കി സംരംഭങ്ങളുടെ (മലയാളം വിക്കിപീഡിയ, വിക്കി ഗ്രന്ഥശാല, വിക്കി നിഘണ്ടു) എന്നിവയുടെഓഫ്‌ലൈൻ പതിപ്പും ഇതിലുണ്ട്. സംഗമോത്സവ വേദിയില്‍ ഇതിന്റെ പ്രകാശനം നടക്കും. സംഗമോത്സവ പ്രതിനിധികള്‍ക്ക് ഇതിന്റെ ഒരോ കോപ്പി നല്‍കാനുംശ്രമങ്ങള്‍ നടക്കുന്നു. വിക്കി ഗ്നു/ലിനക്സ്‌ - വിശദാംശങ്ങള്‍ ഉബുണ്ടു 12.04 നെ അടിസ്ഥാനപ്പെടുത്തി. ഗ്നോം 3 ആണു സ്വതേയുള്ള സമ്പർക്കമുഖം, ഒപ്പം ഗ്നോം ഫാൾ ബാക്ക്‌, യൂണിറ്റി, യൂണിറ്റി 2ഡി എന്നിവയും ചേർത്തിട്ടുണ്ട്‌. ഓഫ്‌ലൈൻ വിക്കി സംരംഭങ്ങളാണു് ഏറ്റവും വലിയ ഹൈലൈറ്റ്‌. മലയാളം വിക്കിപീഡിയ, വിക്കിഗ്രന്ഥശാല, വിക്കിനിഘണ്ടു എന്നിവയുടെ ഓഫ്‌ലൈൻ പതിപ്പുകൾ ലഭ്യമാണു്, ഒപ്പം മലയാളം പിന്തുണയുള്ള സ്ക്രൈബസും ചേർത്തിട്ടുണ്ട്‌. സ്വതന്ത്രമലയാളം കമ്പ്യൂട്ടിങ്ങിന്റെയും അല്ലാതെയുമുള്ള മലയാളം ഫോണ്ടുകൾ, പയ്യൻസ്‌ ആസ്കി - യുണീക്കോഡ്‌ കൺവർട്ടർ, സ്കാൻടെയിലർ, ഓഡിയോ വീഡിയോ പ്ലയറുകൾ, എഡിറ്ററുകൾ, കൺവെർട്ടറുകൾ എന്നിവ ഉൾപ്പെടെ ഒട്ടനവധി സ്വതന്ത്ര സോഫ്റ്റ്‌വെയറുകൾ ഉൾക്കൊള്ളിച്ചിരിക്കുന്നു . കണ്ണന്‍ ഷണ്‍മുഖം

10 years, 3 months

2024

2023

2022

2021

2020

2019

2018

2017

2016

2015

2014

2013

2012

2011

2010

2009

2008

Wikiml-l January 2014