16 лютага ў Варшаве пройдзе сэмінар «Дзень беларускай Вікіпэдыі», прысьвечаны, уласна, напісаньню артыкулаў у нашыя ўлюбёныя разьдзелы. :)
Сэмінар арганізуе Томаш Бладынец (User:Bladyniec) пры падтрымцы «Беларускай нацыянальнай памяці» і пры грашовай і іншай падтрымцы таварыства «Wikimedia Polska».
Падрабязнасьці можна прачытаць пакуль у Фэйсбуку[1]. Калі ня маеце рахунку там, апісаньне сустрэчы ў Etherpad[2].
Я пляную стварыць банэр у CentralNotice, які будзе паказвацца гледачам беларускіх Вікіпэдыяў з Польшчы (і магчыма Беларусі). Таксама ўзгадніў з Фундацыяй, што для нашых разьдзелаў будуць уключаныя некаторыя пашырэньні (напр., GuidedTours і GettingStarted), створаныя ў рамках ініцыятывы E3[3].
----