Шаноўны Марк, шаноўныя калегі. Я яшчэ раз гавару, што нашыя
акцыі не маюць аніякіх палітычных элементаў. Чаму нам
адмаўляцца ад брэнда Вікіпедыі? Дзень беларускай Вікіпедыі ў
Польшчы быў арганізаваны з актыўнай падтрымкай (у тым ліку
фінансавай) Таварыства Вікімедыя Польшча, а адзін з членаў іх
выжэйшага кіраўніцтва прама ўдзельнічаў і веў разам з Анатолям
і мной гэтае мерапрыемства. Таварыства Вікімедыя Польшча
перадала нам шматлікія падарункі для ўдзельнікаў з брэндам
Вікіпедыі, дала дазвол таксама выкарыстоўваць іх у Чэхіі.
Кіраўніцтва Вікімедыя Польшча назірала арганізацыю акцыі і
ацэніла яе вынікі настолькі высока, што вырашыла накіраваць
мяне ў жніўні на міжнародныю канферэнцыю Вікіпедыі ў Гангконг.
Да гэтага я напісаў ім падрабязны рапорт з акцыі, ў якім
напісаў таксама пра затрыманне ўдзельнікаў на мяжы, яны аб
гэтым ведаюць, но гэта аніяк не панізіла ацэнкі акцыі.
Вікімедыя Чэхія таксама атрымалася ад мяне інфармацыю пра
падзею, яны мелі магчымасць накіраваць сваіх назіральнікоў.
Праўда, яны гэтага не зрабілі, але мы аднесліся да іх як
трэба. Таму лічу, што з нашага боку аніякіх хібаў у гэтым
плане не было.
З другога боку, заўвагі, што трэба было абраць іншых людзей
як ўдзельнікаў або арганізатараў, або каб паўплываць на прэсу,
каб не пісала пра падзею ў палітычным кантэксце, даказвае
незразумення для таго, што такое вольная прэса. Нельга іх
кантраляваць, нельга сказаць журналісту 'пішы так, а не так'.
Калі арганізатар пачне спрабаваць кантраляваць дзейнасць
удзельнікаў мерапрыемства, гэта будзе ўспрынята як якаясці
накіраваная на прамыўку фінансавых грантаў аўтарытарная
дзейнасць. Я не магу адказваць за тое, што вырашылі ўдзельнікі
падчас мерапрыемства. Не магу рабіць фільтр, каго ўпускаць на
гэты дзень, а каго не.
Скажыце калі ласка, што мне рабіць, калі праз год на дзень
Вікіпедыі прыйдзе Пазняк, Саннікаў, Міхалевіч і Івонка
Сурвілла? Выгнаць іх з залі? Забараняць выказвацца наконт
гэтага дня? Прымушаць такія а не іншыя артыкулы? Калі ласка,
зразумейце, што калі Томаш Бладынец прымусіць удзельніцу
перастаць раздаваць кнігі, а сп. Станкевіча выказваць свае
меркаванні наконт мэтазгоднасці пісання на якімсці правапісе,
гэта будзе ўспрынята як абмежаванне грамадзянскай свабоды
гэтых людзей. Як мінімум будзе скандал, а як максімум байкот
падобных мерапрыемстваў. Дзень беларускай Вікіпедыі тычыцца
стріктэ Вікіпедыі і менавіта за гэтую частку я адказны.
Адзіную асобу, якую ты меў б права не ўпусціць на
мерапрыемства, альбо выдаць афіцыйнае папярэджанне, ёсць адзін
удзельнік, які на першым Дню свядома займаўся вандалізмам. А
за іншыя выказванні і дзеянні я адказнасці не нясу, нават у
тэорыі не магу нясці.
Вы кажыце пра палітыку, а што Вы канкрэтна маеце на ўвазе
пад гэтым словам? Палітыка ёсць паўсюль і дашукацца нечага
палітычнага можна ў любым чыне, была б толькі ахвота. Асабліва
ў цяперашняй сітуацыі ў Беларусі, дзе нават самая беларуская
мова - аб'ект палітычнага характару.
З павагай
Томаш Бладынец