МАХТАЛ СУРУК

Тапталлаах Хоробут ыччата үөрэнэригэр-сайдарыгар,  

чөл туруктанарыгар, бигэ тирэхтэнэригэр сүҥкэн кылааты киллэрбит ытыктабыллаах Учууталбыт ________________________________!

Самаан сайын салаллан кэлбитинэн, Хоро оскуолатын 100 сыллаах үбүлүөйүгэр анаммыт 

Ыһыаҕынан нөрүөн-нөргүй буолуохтун!

Учуутал киэҥ билиититтэн, дириҥ толкуйуттан, үөрэтэр-иитэр идэтийбит таһымыттан, араас хабааннаах-хайысхалаах педагогическай ньымалары туттан үөрэтиититтэн үөрэнээччи талан ылар идэтэ, дьоһуннаах үлэтэ, олоҕун сөпкө дьаһанара, ыллыктаахтык салайынара быһаччы тутулуктаах.

Күндү учууталбыт, кэрэҕэ сирдиир, сырдыкка угуйар сыралаах үлэҥ иһин махтал тылбыт маанытын тиэрдэбит!

Инникитин даҕаны улаан ньуурдаах, уһаты уллуҥахтаах урааҥхай саха кэлэр кэскилин кэрэһэлии, үтүө олоҕун түстэһэ тур!

Ыарыыга ылларбакка, чэгиэн-чэбдик сылдьаргар баҕарабыт! Үөрэппит оҕолоруҥ уруйунан үрдүк үктэллэн, алгыстаах олохтон, дьоллоох буол диэн баҕа санаабытын этэбит!

Учууталга махтал, учууталга таптал хаһан да сөҕүрүйбэтин!

Дьокуускай куораттааҕы “Хоро түмсүү”

Бэс ыйын 16 күнэ, 2019 сыл

Дьокуускай куорат, Үөһээ Бүлүүлэр ыһыахтара