Kaj ni volas festi ĝin kun vi! La organizo Esperanto kaj Libera Scio / Vikimedio EO tial organizas VikiFeston por la 18-a de Decembro 2021, do jam tre baldaŭ!
La festo estos virtuala (por ebligi tutmondan partoprenon) kaj senpaga (kvankam ni instigas al donacoj ;). Ankoraŭ vi povas proponi programeron (aparte se ĝi estas festa / amuza)! La festo okazas kun la subtitolo “Preter 20 jaroj de la Esperanta Vikipedio“, do ĝi temos ankaŭ pri aliaj projektoj kaj estonteco.