Það er þarft verk að auka virkni á íslensku Wikimedia verkefnunum og
einnig auka virkni fleiri einstaklinga svo viðhald verkefnanna sé ekki á
herðum fárra.

Nú er ég að taka þátt í ýmsum verkefnum sem gæti verið hægt að tengja
við íslenska verkefnin. Þau myndu samt krefjast einhverrar aukavinnu sem
ég get því miður ekki staðið einn í. Þau eru aðallega:
1) Gerð orðtíðnilista þar sem ég mun taka saman ýmsa prófarkarlesna
texta sem ég finn og reikna út hversu oft hvert orð kemur fyrir. Þann
lista gæti ég blandað saman við lista yfir greinar á íslenska Wiktionary
og séð tíðustu orðin sem hafa ekki grein með sama nafni.
2) Bæta Wikistats ( http://www.kjarrval.is/wiki/) svo það komi fram
meira um greinarnar, til dæmis hvort þær séu til, eru merktar sem
stubbar og hversu langar þær eru.
3) Fá lista yfir vinsælustu greinarnar á ensku Wikimedia verkefnunum og
viðhalda lista yfir þær greinar sem skortir tengingu við þau íslensku.
Gæti gagnast til að meta hvort íslensku útgáfur greinanna eru til enda
gæti það gefið til kynna að greinina vanti inn á íslenska hluta
verkefnisins.
4) Er í samstarfi við Óla Gneista sem er með rafbokavefur.is og lánaði
honum bókaskanna sem ég (og afi minn) smíðuðum. Hann skannar aðallega
inn bækur með útrunninn höfundarétt. Eintök gætu einnig ratað inn á
Wikisource.
5) Gæti sett inn á Wikisource bækur úr höfundarétti sem finnast á
baekur.is. Núverandi fjöldi bóka þar er um 553 en það þyrfti að fara
yfir stöðu höfundaréttar á sumum þeirra. Mikið af ritum sem eru svo
gömul að það væri betra að skrifa þau upp heldur en að ljóslesa.
6) Gæti náð í innskönnuð þingskjöl og erindi til Alþingis og sett inn á
Wikisource. Þingskjölin eru held ég um 96 þúsund en veit ekki fjölda
erinda. Myndi ekki gera þetta nema með nokkuð sjálfvirkum hætti.
7) Er að reyna að redda innskönnuðum Alþingistíðindum. Ef það tekst get
ég sett þau inn á Wikisource.

Ætla samt ekki að lofa neinu og þetta er líka byggt á áhuga og vilja
fólks til að halda áfram að vinna með þau gögn sem ég get reddað.

- Svavar Kjarrval

On 18/01/13 20:35, Bjarki Sigursveinsson wrote: